好好鱟刣甲屎那流。

好好的鱟，竟然被宰殺得一團糟。「鱟」是海中的節肢動物，為古代的活化石，個性溫和，被宰殺時也不會掙扎抵抗；「屎那流」指屎尿都流出來了。譏諷人做事不得要領，將簡單之事弄得一團糟。

Oexkux:
🗣 Goarn khanchiuo tngteq bøeeng ee sizun, goar kepøo korng beq thex y ciefn cidpvoaa zhaepofnng chviar langkheq, khaq e zaiviar“høfhør hau thaai kaq sae nar laau”, soaq ciefn kaq zhaohoeftaf kiafm tøqhoea.

阮牽手當咧無閒的時陣，我家婆講欲替伊煎一盤菜脯卵請人客，盍會知影「好好鱟刣甲屎那流」，煞煎甲臭火焦兼著火。

🗣 Hør ia cidkux, phvae ia cidkux.

好也一句，歹也一句。

好聽的也是一句話，難聽的也是一句話。一句話的好壞會影響聽者日後的行為，所以與人交談不可不慎。

Oexkux:
🗣 Laang korng:“Hør ia cidkux, phvae ia cidkux.”Kaq laang cihciab larn tø korng koar høfthviaf oe, maix phvayzhuix me`laang, khaq be teg'sid`laang.

人講：「好也一句，歹也一句。」佮人接接咱就講寡好聽話，莫歹喙罵人，較袂得失人。

🗣 Høfkviar mxbiern ze, ze kviar gøxsie pe.

好囝毋免濟，濟囝餓死爸。

好兒子不必多，兒子多了徒增父母的負擔。比喻出色的孩子不必多，能孝順父母者最為重要。

Oexkux:
🗣 Apeq khiaxmtngnehto ka y hid tin kviar liap toaxhaxn, tvaf suiear ma lorng cviaa zaizeeng, mxkøq soaq bøo kaq pvoax ee beq ka y iwhaux, ho y putsii tøf teq oarnthaxn korng:“Hør kviar mxbiern ze, ze kviar gøxsie pe.”Zar na zay, tongzhesii tø maix khay hiahni ze cvii laai zay'poee`yn.

阿伯儉腸凹肚共伊彼陣囝捏大漢，今隨个仔嘛攏誠才情，毋過煞無甲半个欲共伊有孝，予伊不時都咧怨嘆講：「好囝毋免濟，濟囝餓死爸。」早若知，當初時就莫開遐爾濟錢來栽培𪜶。

🗣 Høfphvae zai simlai, zhuietunphoee siøf khoafnthai.

好歹在心內，喙脣皮相款待。

不管好壞都放在心裡，見面三分情，口頭上還是要客客氣氣，以禮相待。

Oexkux:
🗣 Ho laang korng`korng`nng tø khiephutphud, bixnchviw køq hiaq bae, lie tø si bøo satiøh“høfphvae zai simlai, zhuietunphoee siøf khoafnthai”ee mekag, afnnef beq kaq laang zørsenglie, e cyn ciaqkhuy.

予人講兩句仔就氣怫怫，面腔閣遐䆀，你就是無捎著「好歹在心內，喙脣皮相款待」的鋩角，按呢欲佮人做生理，會真食虧。

🗣 Høfsym ho luii cym.

好心予雷唚。

一番好意卻慘遭雷吻。比喻好心沒好報。

Oexkux:
🗣 Goar ka y taosvakang, y køq hiaam goar khachiwbaxntun, cincviax si“høfsym ho luii cym”.

我共伊鬥相共，伊閣嫌我跤手慢鈍，真正是「好心予雷唚」。

🗣 Hør zhante putjuu hør zwte.

好田地不如好子弟。

擁有良田，不如栽培良好的子孫。意即土地、財富固然重要，但子孫的人品與才學，比財富更有價值。

Oexkux:
🗣 Amar cyn zay“hør zhante putjuu hør zwte”ee tøxlie, yzar ee seng'oah suijieen khaq kanlaan, y iugoaan kienchii ho muie cidee gyn'ar lorng u siu kaoiok ee kihoe, sidzai cviaa bøo kafntafn.

阿媽真知「好田地不如好子弟」的道理，以早的生活雖然較艱難，伊猶原堅持予每一个囡仔攏有受教育的機會，實在誠無簡單。

🗣 Høfciuo tiim arngtea.

好酒沉甕底。

好酒會沉到酒甕的底部，愈陳愈香。比喻好的、精彩的事物，總是留在最後面才出現。

Oexkux:
🗣 Langkhehkvoaf, larn citzhud hix si juo laai juo zengzhae, pvoartiongzam sefng hiøq`hiøq`zap, expvoartvoa si“høfciuo tiim arngtea”, chviar tagkef zwnsii tngr`laai.

人客倌，咱這齣戲是愈來愈精彩，半中站先歇十分鐘，下半段是「好酒沉甕底」，請逐家準時轉來。

🗣 Hosiin buo saypoef.

胡蠅舞屎桮。

蒼蠅想舞動用來擦拭屁股的竹片。恥笑人做事不自量力，妄想改變無法改變的事實，非但徒勞無功反而淪為笑柄。

Oexkux:
🗣 Y kannaf thak kuie purn goaxgie zheq, tø beq ynthaulo zøx khawek ee khangkhoex, sidzai si“hosiin buo saypoef”!

伊干焦讀幾本外語冊，就欲允頭路做口譯的工課，實在是「胡蠅舞屎桮」！

🗣 Hoxsiofng laokhuix, kiuu cirnpo.

互相落氣，求進步。

相互挑出對方之短處，來追求進步。意思是一來一往檢討雙方各自的缺點，是一種求取進步的方法。

Oexkux:
🗣 Goarn cittin aix siafzog ee peng'iuo e texngkii zuxhoe, tagkef theh kaki siar ee zokphirn zhutlaai liam, hibang zernglaang thezhud siukae ee iekiexn, “hoxsiofng laokhuix, kiuu cirnpo”, ngrbang siafzog ee lenglek extaxng thesefng.

阮這陣愛寫作的朋友會定期聚會，逐家提家己寫的作品出來唸，希望眾人提出修改的意見，「互相落氣，求進步」，向望寫作的能力會當提升。

🗣 Hvoahvoahyhie cidkafng, hoanhoanløflør ia cidkafng.

歡歡喜喜一工，煩煩惱惱也一工。

快樂也是過一天，憂愁也是過一天。意為不管是快樂還是煩惱，日子還是要過，不如保持快樂的心情來面對困難。勸人樂觀進取，不要太過悲觀。

Oexkux:
🗣 Sioggie korng, “Hvoahvoahyhie cidkafng, hoanhoanløflør ia cidkafng.”Zøx laang tiøqaix khaq lok'thioxng`leq, hoanlør si kef'kafng`ee.

俗語講：「歡歡喜喜一工，煩煩惱惱也一工。」做人著愛較樂暢咧，煩惱是加工的。

Oexkux:
🗣 Goar zaiviar lie zhoexbøo thaulo simlai kankhor, mxkøq“hvoahvoahyhie cidkafng, hoanhoanløflør ia cidkafng”, lie tiøh khvoax khaq khuy`leq, larn køq laikhix zhoe.

我知影你揣無頭路心內艱苦，毋過「歡歡喜喜一工，煩煩惱惱也一工」，你著看較開咧，咱閣來去揣。

🗣 Hoef bøo paq jit aang, laang bøo chiefn jit hør.

花無百日紅，人無千日好。

花不會延續百日的鮮紅，人不會維持千日的順遂。花開得美，總會有凋謝的時候，人生際遇也不會永遠處於順境。比喻人生是起起伏伏的，本來就無法永遠順利。

Oexkux:
🗣 Jinsefng ee loxtoo khykhyløqløh, sioggie korng, “Hoef bøo paq jit aang, laang bøo chiefn jit hør.”Lafnlaang høfkhafng ee sii mxthafng sviw hongsiin, phvaykhafng ee sii ma maix loefcix, afnnef ciahsi kiexnkhofng ee seng'oah thaixto.

人生的路途起起落落，俗語講：「花無百日紅，人無千日好。」咱人好空的時毋通傷風神，歹空的時嘛莫餒志，按呢才是健康的生活態度。

Oexkux:
🗣 Zøx goa'kaw`ee, naxsi giabzeg hør, sengkvoaf kasyn ittit laai, mxkøq“hoef bøo paq jit aang, laang bøo chiefn jit hør”, na twtiøh siky bae, giabzeg bøo hør, tø aix thaxn kihoe hagsip, sengtiorng, ciaq be ho laang kiøx tngfkhix ciaqkaki.

做外交的，若是業績好，升官加薪一直來，毋過「花無百日紅，人無千日好」，若拄著時機䆀，業績無好，就愛趁機會學習、成長，才袂予人叫轉去食家己。

🗣 Hoesviu thaau liah satbør.

和尚頭掠蝨母。

在理光頭的和尚頭上找蝨子。形容人緣木求魚，注定失敗。

Oexkux:
🗣 Hiexnzhwsii koklaixgoa ee kengzex cviaa bae, kofchi ittit løh, na beq ngx kofphiøx køq khykex, bexsw si“hoesviu thaau liah satbør”, cviaa øq`leq.

現此時國內外的經濟誠䆀，股市一直落，若欲向股票閣起價，袂輸是「和尚頭掠蝨母」，誠僫咧。

🗣 Ia tiøh zhoee, ia tiøh moee.

也著箠，也著糜。

也要竹鞭，也要稀飯。「箠」是用來當作體罰用具的竹鞭。這句話表示教養小孩也得責打、也得疼愛。比喻父母教導子女要寬嚴得宜、慈威並施、賞罰並重、教養兼顧，要撫育也要矯正，方有效果。

Oexkux:
🗣 Sioggie korng, “Ia tiøh zhoee, ia tiøh moee.”Tuix gyn'ar sviw koex giamkeq, lorng bøo ka y khefngteng kaq kofle ma bøo hør.

俗語講：「也著箠，也著糜。」對囡仔傷過嚴格，攏無共伊肯定佮鼓勵嘛無好。

🗣 Iamkef thaxn hong poef.

閹雞趁鳳飛。

去勢的公雞因體型較為肥大，拙於飛行，卻想模仿鳳凰飛翔。比喻如同東施效顰一樣想模仿別人。

Oexkux:
🗣 Lie cidgoeqjit ciaq thaxn hitsut'ar cvii, kaki tøf chi be par`aq, køq sviuxbeq øh laang hakzhux hag chiaf, cincviax si“iamkef thaxn hong poef”.

你一月日才趁彼屑仔錢，家己都飼袂飽矣，閣想欲學人蓄厝蓄車，真正是「閹雞趁鳳飛」。

🗣 Iaukuie kea seaji.

枵鬼假細膩。

明明嘴饞想吃卻又客氣推辭。諷刺人表裡不一，惺惺作態。

Oexkux:
🗣 Lie khvoax hid ee zapof gyn'ar bagciw kimkym teq sioxng hid tex angkukoea, zhuienoa kioxngbeq tyn`tyn`løh, køq“iaukuie kea seaji”korng y bøo aix ciah.

你看彼个查埔囡仔目睭金金咧相彼塊紅龜粿，喙瀾強欲津落來矣，閣「枵鬼假細膩」講伊無愛食。

Oexkux:
🗣 Ateg, tagkef lorng ma zaiviar lie jiedsym køq aix zhuthongthaau, lauxsw mng korng sviaflaang beq zøx pantviuo, lie mxtø kirn giaqchiuo, maix køq“iaukuie kea seaji ”`aq`laq!

阿德，逐家攏嘛知影你熱心閣愛出風頭，老師問講啥人欲做班長，你毋就緊攑手，莫閣「枵鬼假細膩」矣啦！

🗣 Imthimimthym, ka laang svaf zhuxn chym.

陰鴆陰鴆，咬人三寸深。

性格陰險的人工於心計，平時不動聲色，一旦發狠咬人，就會咬得很深，毫不留情。勸戒人要謹防陰險狠毒之徒。

Oexkux:
🗣 Y cidee laang tiam'tiam`ar mxkøq cyn kankhiao, thviakorng simkvoaf køq putcyar oktok, sioggie korng:“Imthimimthym, ka laang svaf zhuxn chym.”Lie na cviasit beq ciøf y habkor zørsenglie, chienban tiøqaix sex'ji`neq!

伊這个人恬恬仔毋過真奸巧，聽講心肝閣不止仔惡毒，俗語講：「陰鴆陰鴆，咬人三寸深。」你若誠實欲招伊合股做生理，千萬著愛細膩呢！

🗣 Vii`laang e pvie, pvie`laang e vii.

圓人會扁，扁人會圓。

世事本無常，旺氣之人亦會有落衰之時；反之，衰微之人如能奮發向上亦會有出人頭地之日。「圓」應指旺氣，「扁」為衰微。形容人的機運有起有落。

Oexkux:
🗣 “Vii`laang e pvie, pvie`laang e vii”, sviaflaang zaiviar kaoboea e arn'zvoar`leq?

「圓人會扁，扁人會圓」，啥人知影到尾會按怎咧？

🗣 Iøo laang bøzaai, iøo ty bøo thaai.

搖人無才，搖豬無刣。

身體搖擺不穩重的人，多無才氣；走路搖動不穩的豬，多為病豬不能宰殺。勉勵人應穩重自持。

Oexkux:
🗣 “Iøo laang bøzaai, iøo ty bøo thaai”, larn aix khaq tvia'tiøh`leq, ciaq be ho laang khvoarbexkhie.

「搖人無才，搖豬無刣」，咱愛較定著咧，才袂予人看袂起。

🗣 Iofng'iorng bea pak ti ciongkunthiau.

勇勇馬縛佇將軍柱。

「將軍柱」指官府堂前兩旁的大石柱。健壯的馬被綁在將軍柱上，任憑有多大的力氣或多麼善跑也派不上用場。引申為懷才不遇、英雄無用武之地，或指不能知人善任。

Oexkux:
🗣 Y cyn u zaizeeng, soaq ho laang oarntox, tioxng'iaux ee khangkhoex lorng bøo y ee hun, sioggie korng, “Iofng'iorng bea pak ti ciongkunthiau.”Ciaq e ittit bextaxng zhutthaau.

伊真有才情，煞予人怨妒，重要的工課攏無伊的份，俗語講：「勇勇馬縛佇將軍柱。」才會一直袂當出頭。

🗣 Iong padlaang ee kunthaubuo zefng ciøqsay.

用別人的拳頭拇舂石獅。

用別人的拳頭去揍石獅子。利用別人去做自己不願意做的事情，比喻犧牲他人來成就自己。

Oexkux:
🗣 Y afnnef zøx kaq kefng'lie`aq, kiernna twtiøh khaq phvaypharng ee khangkhoex tø kiøx padlaang khix zhwlie, na zhuttaixcix lorng kaq y bøtixtai, “iong padlaang ee kunthaubuo zefng ciøqsay”m zay thviax, boefchiuo na u sengkør tø lorng phirn korng si kaki ee kongløo, sidzai ho laang cyn zhehsym.

伊按呢做甲經理矣，見若拄著較歹紡的工課就叫別人去處理，若出代誌攏佮伊無底代，「用別人的拳頭拇舂石獅」毋知疼，尾手若有成果就攏品講是家己的功勞，實在予人真慼心。