一兼二顧，摸蜊仔兼洗褲。

兩者兼顧，摸蜆兼洗褲子。「摸蜊仔」是從前常見的副業，在溪裡摸拾蜆貝，可作為佐菜，也可賣錢，因在水中蹲著工作，褲子常浸水，好像順便洗了褲子一樣。意謂一舉兩得。

Oexkux:
🗣 Kongsy phaix goar khix goaxte paehorng khehho, cidzoa lo hiaq hng, kuikhix “id kiafm ji kox, bofng la'ar kiafm sea khox”, khehho paehorng soaq, suxnsoax laikhix zhoe cyn kuo bøo kviebin ee peng'iuo.

公司派我去外地拜訪客戶，一逝路遐遠，規氣「一兼二顧，摸蜊仔兼洗褲」，客戶拜訪煞，順紲來去揣真久無見面的朋友。

🗣 Id tai chyn, ji tai piao, svaf tai m bad liawliao.

一代親，二代表，三代毋捌了了。

一代至親，二代表親，三代全都不認識。第一代是骨肉至親的兄弟姐妹，第二代子孫彼此以姑表、姨表來相互稱呼，到了第三代就彼此不認識了，意為親戚間的往來，一代比一代疏遠。

Oexkux:
🗣 Uxtangsi'ar kang kongzog'ar teq ciaqhoe ee sii, toaxpoxhun ee laang hoxsiofng lorng bøo siøbad, bogkoaix sioggie korng, “Id tai chyn, ji tai piao, svaf tai m bad liawliao.”

有當時仔仝公族仔咧食會的時，大部份的人互相攏無相捌，莫怪俗語講：「一代親，二代表，三代毋捌了了。」

🗣 Id chieen, ji ieen, svaf suie, six siaolieen.

一錢，二緣，三媠，四少年。

首先有錢，其次人見人愛，再來英俊，接著是年輕。相傳舊時男性追求女性的基本條件。

Oexkux:
🗣 Agi si høfgiah kongzuo, langpan køq bexbae, u hah zaboflaang kerng afng “id chieen, ji ieen, svaf suie, six siaolieen”ee iaokvia, mxciaq u ciog ze moelangpøo lorng beq laai ka y zørchincviaa.

阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。

Oexkux:
🗣 Y bøo zofkongafsae thafng tieixm, lorng sirnkhøx y kaki ee zaizeeng, tøf boe svazap tø u cviaa eg ee kehoea, laang køq svezøx lørkhaf subuun, tø si laang korng ee “id chieen, ji ieen, svaf suie, six siaolieen”, bogkoaix hiaee khiegiabkaf lorng siøzvef beq ka zabofkviar zøx ho`y.

伊無祖公仔屎通致蔭，攏信靠伊家己的才情，都未三十就有成億的家伙，人閣生做躼跤斯文，就是人講的「一錢，二緣，三媠，四少年」，莫怪遐的企業家攏相爭欲共查某囝做予伊。

🗣 Iuosiux khaf, høfmia tea.

幼秀跤，好命底。

腳纖細的人命比較好。古時候有錢人家的女兒，有婢女、傭人服侍，不須參與農忙勞務，因此手腳纖細、秀氣好看，進而產生「幼秀跤」的女性為富貴人家的刻板印象。

Oexkux:
🗣 Laang y tøf “iuosiux khaf, høfmia tea”, kiernna zhutmngg tø u suky ka y zaix, ho laang uxkaux hym'sien`ee.

人伊都「幼秀跤，好命底」，見若出門就有司機共伊載，予人有夠欣羨的。

🗣 Jiar hiim jiar hor, mxthafng jiaftiøh chiahzabor.

惹熊惹虎，毋通惹著刺查某。

招惹熊招惹虎，別招惹凶悍的女人。比喻悍婦得罪不得。

Oexkux:
🗣 Ka lie korng “jiar hiim jiar hor, mxthafng jiaftiøh chiahzabor”, lie tøf m thviaf, kvar khix ka hid ee thaukeniuu chiarngsviaf, citpae zay'sie`aq`hvoq?

共你講「惹熊惹虎，毋通惹著刺查某」，你都毋聽，敢去共彼个頭家娘唱聲，這擺知死矣乎？

🗣 Jinzeeng laau cidsvoax, jidau hør siøkhvoax.

人情留一線，日後好相看。

對別人留個情面，以後見面才好相處。意謂與人為善，凡事多留餘地，未來相處才不至於難堪。

Oexkux:
🗣 Baxnhang taixcix larn tøxsngx khix ti simkvoalai, ma aix chiørchiøx hoee laang lea, laang korng, “Jinzeeng laau cidsvoax, jidau hør siøkhvoax.”Auxjidar bøo tekkhag larn ma tiøqaix kiuu`laang.

萬項代誌咱就算氣佇心肝內，嘛愛笑笑回人禮，人講：「人情留一線，日後好相看。」後日仔無的確咱嘛著愛求人。

🗣 Jinzengseasu poee kaokaux, bøo tviar køq bøo zaux.

人情世事陪到到，無鼎閣無灶。

人情世故樣樣奉陪，沒鍋又沒灶。意即所有的人情世故都要應對得體面，所費不貲，可能會窮到斷炊。形容人為了應付各種交際應酬而產生的經濟問題，並勸導人應酬要節制，適可而止，對社會上的繁文縟節要量力而行。

Oexkux:
🗣 Nihoex ciah kaux lagzabgoa, cidkoafar lauxpeng'iuo m si zhoaxsinpu, kex zabofkviar, tø si sixtoaxlaang koeasyn, lorng tiøh poetoex, ciaq zaiviar “jinzengseasu poee kaokaux, bøo tviar køq bøo zaux”.

年歲食到六十外，一寡仔老朋友毋是娶新婦、嫁查某囝，就是序大人過身，攏著陪綴，才知影「人情世事陪到到，無鼎閣無灶」。

🗣 Jip hor khao, bøo sie ia oao.

入虎口，無死也烏漚。

進入老虎的嘴裡，沒死也體無完膚、半死不活。意謂掉入危險環境，沒死也剩下半條命。

Oexkux:
🗣 Senglylaang na khix zoanzex togzhaai ee kokkaf zørsenglie, ti zhvesof ee khoankerng, putsii tøf ho laang thiaulaan, liawcvii iao siøfkiok, mia ma tviaxtvia e bøo`khix, zerngkefng si “jip hor khao, bøo sie ia oao”.

生理人若去專制獨裁的國家做生理，佇生疏的環境，不時都予人刁難，了錢猶小局，命嘛定定會無去，正經是「入虎口，無死也烏漚」。

🗣 Jip laang mngg, sun laang ix.

入人門，順人意。

指進入別人的家門，順從別人的意見。原指女子出嫁後，應當順從丈夫、公婆之意，後延伸到別的地域或單位機構，應順從該地之風俗規定。

Oexkux:
🗣 Abuo korng: “Zøx laang ee sinpu tiøqaix‘jip laang mngg, sun laang ix’, hvoahie ciapsiu takekvoaf, angsaix ka larn khankax, thafng lioxngzar koarnsix syn khoankerng.”

阿母講：「做人的新婦著愛『入人門，順人意』，歡喜接受大家官、翁婿共咱牽教，通冗早慣勢新環境。」

🗣 Jidthaau chiahviaxvia, suilaang kox sveamia.

日頭赤焱焱，隨人顧性命。

在熾熱的陽光底下，每個人以保全自己的性命為要，已無暇顧及他人。形容人遇到患難或在艱困的環境裡，以顧全自己為先。

Oexkux:
🗣 Twtiøh bøo kongpvee ee taixcix, tiøqaix zeksii hoafn'exng, mxthafng “jidthaau chiahviaxvia, suii laang kox sveamia”, ho bukof ee laang siuxhai.

拄著無公平的代誌，著愛即時反映，毋通「日頭赤焱焱，隨人顧性命」，予無辜的人受害。

🗣 Kaf høo baxnsu hefng, kaf loan baxnsex keeng.

家和萬事興，家亂萬世窮。

家庭和樂則事事興旺，家庭不睦則代代窮困。強調家庭和樂與否對家道的發展影響深遠。

Oexkux:
🗣 Sioggie korng, “Kaf høo baxnsu hefng, kaf loan baxnsex keeng.”In'ui kateeng si muie cidee laang siafmhofng bihho ee sofzai, kateeng høhaai khiehwn hør, laang tø e khvuieoah, zøx suxgiap mxciaq e suxnsi.

俗語講：「家和萬事興，家亂萬世窮。」因為家庭是每一个人閃風覕雨的所在，家庭和諧氣氛好，人就會快活，做事業毋才會順序。

Oexkux:
🗣 Lirn mxthafng køq oafn`aq`laq, laang korng “kaf høo baxnsu hefng, kaf loan baxnsex keeng”, cidkehoefar naxsi chviu lirn afnnef oankeniuzex, cit'ee kateeng zafban e løqsoef.

恁毋通閣冤矣啦，人講「家和萬事興，家亂萬世窮」，一家伙仔若是像恁按呢冤家量債，這个家庭早慢會落衰。

🗣 Kaki phofngsae boahbin.

家己捧屎抹面。

自己捧起糞來抹臉。比喻自己給自己難看，自取其辱。

Oexkux:
🗣 Kaki ee kviar bøo karsi, putsii siarsiesiarzexng, køq kvar me zhuopvy ee gyn'ar phvae kakaux, biefnkorng ma ho laang khausea, laang korng “kaki phofngsae boahbin”tø si citkhoarn.

家己的囝無教示，不時卸世卸眾，閣敢罵厝邊的囡仔歹家教，免講嘛予人剾洗，人講「家己捧屎抹面」就是這款。

Oexkux:
🗣 Larn zørlaang mxthafng sviw phornghofng, zøx be kaux ee taixcix chienban mxthafng korng toaxsviaoe, naxbøo, si e “kaki phofngsae boahbin”.

咱做人毋通傷膨風，做袂到的代誌千萬毋通講大聲話，若無，是會「家己捧屎抹面」。

🗣 Kaki zay cidzaang, khaq viaa khvoax padlaang.

家己栽一欉，較贏看別人。

自己栽種一棵果樹，到時結果就有得吃，勝過看別人的臉色。比喻凡事得靠自己，不要靠別人。求人不如求己。

Oexkux:
🗣 Larn zørlaang aix u “kaki zay cidzaang, khaq viaa khvoax padlaang”ee ciekhix, baxnsu khøx kaki, kutlat phahpviax, ciaq u sengkofng ee cidkafng.

咱做人愛有「家己栽一欉，較贏看別人」的志氣，萬事靠家己，骨力拍拚，才有成功的一工。

🗣 Kax ty kax kao, putjuu kaki zao.

教豬教狗，不如家己走。

支使豬支使狗，不如自己跑。比喻與其依靠別人不如靠自己，亦即求人不如求己。

Oexkux:
🗣 Purnsørchiaf laai`aq, abuo kiøx Beeng`ar khix pviax purnsøx, y soaq korng y teq siar kongkhøx, abuo khix kaq nar jiog purnsørchiaf nar liam: “Kax ty kax kao, putjuu kaki zao.”

糞埽車來矣，阿母叫明仔去摒糞埽，伊煞講伊咧寫功課，阿母氣甲那逐糞埽車那唸：「教豬教狗，不如家己走。」

🗣 Ka Thvikofng ciøq tvar.

共天公借膽。

向老天爺借膽。用於形容人突然膽大包天，做出平常不敢做的事。

Oexkux:
🗣 Lau cit'oaan jixncyn phahpviax, mxkøq sengkvoaf kasyn lorng bøo y ee hun, citpiexn y “ka Thvikofng ciøq tvar”, hioxng zwkoarn iaukiuu kasyn, u seeng bøo seeng pud chiangzai, y ee iofngkhix tø tadtid larn ølør.

老職員認真拍拚，毋過升官加薪攏無伊的份，這遍伊「共天公借膽」，向主管要求加薪，有成無成不常在，伊的勇氣就值得咱呵咾。

Oexkux:
🗣 Lie mxthafng oafn'orng`goar, goar tøxsngx si “ka Thvikofng ciøq tvar”, ma m kvar zøx citkhoarn taixcix.

你毋通冤枉我，我就算是「共天公借膽」，嘛毋敢做這款代誌。

🗣 Kamgoan zøx guu, m kviaf bøo lee thafng thoaf.

甘願做牛，毋驚無犁通拖。

情願當牛，就不怕沒犁可拉。意即為謀求一餐溫飽，只要願意放下身段，努力工作，不怕沒有機會。也常說成反話，用來告誡子女，不努力讀書，將來只能靠體力工作謀生。

Oexkux:
🗣 Sioggie korng, “Kamgoan zøx guu, m kviaf bøo lee thafng thoaf.”Kutlat zøx, tø thaxn u ciah.

俗語講：「甘願做牛，毋驚無犁通拖。」骨力做，就趁有食。

Oexkux:
🗣 Kiøx lie thagzheq lie m høfhøfar thak, hør`laq, lie na “kamgoan zøx guu, m kviaf bøo lee thafng thoaf”, auxpae maix hoafnhoea tø hør.

叫你讀冊你毋好好仔讀，好啦，你若「甘願做牛，毋驚無犁通拖」，後擺莫反悔就好。

🗣 Kamciax bøo siangthaau tvy.

甘蔗無雙頭甜。

甘蔗沒有頭尾都是甜的。比喻世事無法兩全其美，凡事有利就有弊，人不可能佔盡所有好處。

Oexkux:
🗣 Sioggie korng, “Kamciax bøo siangthaau tvy.”Ia beq zheng'eeng, ia beq thaxn toa cvii, seakafn nar u hiahni høfkhafng ee taixcix?

俗語講，「甘蔗無雙頭甜。」也欲清閒，也欲趁大錢，世間哪有遐爾好空的代誌？

🗣 Kankhor thaau, khvuieoah boea.

艱苦頭，快活尾。

做任何事都要先耐得住辛苦，苦盡才得以享受甘甜的成果。

Oexkux:
🗣 “Kankhor thaau, khvuieoah boea”ee tøxlie langlaang zay, mxkøq uxtorngthaau ee laang ciaq zøx e kaux.

「艱苦頭，快活尾」的道理人人知，毋過有擋頭的人才做會到。

Oexkux:
🗣 Sioggie korng, “Kankhor thaau, khvuieoah boea.”Ahoad zu koksiør zhutgiap liawau tø toex laang khix zøx thozuie, kutlat tharncvii laai chi kuikehoefar, thvy'kofng'peq`ar ia cyn thviax'siøq`y, ho y zhoaxtiøh goaxn'ix zørhoea phahpviax ee suie bor, køq taqtiøh hør siky kaq laang habkor khyzhux tharntiøh cvii, nng ee gyn'ar ma cyn iwhaux køq u zaizeeng, ho y wnsim'ar thezar theahiw, kaq yn khanchiuo taotin khix iusanoafnsuie.

俗語講：「艱苦頭，快活尾。」阿發自國小出業了後就綴人去做塗水，骨力趁錢來飼規家伙仔，天公伯仔也真疼惜伊，予伊娶著願意做伙拍拚的媠某，閣踏著好時機佮人合股起厝趁著錢，兩个囡仔嘛真有孝閣有才情，予伊穩心仔提早退休，佮𪜶牽手鬥陣去遊山玩水。

🗣 Kvar zøx puhiaf, tø mxthafng kviaf zuie thngx.

敢做匏桸，就毋通驚水燙。

既然做了瓠瓜勺子，就不能怕被滾水燙。意指既然承擔了責任就要敢做敢當，不要畏首畏尾，也用來自我表示負責到底的意思。

Oexkux:
🗣 Cid kvia taixcix naxkaq liaau`liaau`løh, tø maix køq koancieen korau, “kvar zøx puhiaf, tø mxthafng kviaf zuie thngx”, karm m si`leq?

這件代誌若甲蹽落去矣，就莫閣觀前顧後，「敢做匏桸，就毋通驚水燙」，敢毋是咧？

🗣 Kao bøo hiaam zwlaang saxn.

狗無嫌主人散。

狗不會嫌棄主人貧窮。以狗對主人的忠誠，來勸人不要因家境貧苦而怪責父母，或引申為不要怪責所屬的團體。

Oexkux:
🗣 Suijieen zhutsix ee kateeng u høfgiaqsaxn ee zhapiet, mxkøq laang korng, “Kao bøo hiaam zwlaang saxn.”Pexbuo zaipoee gyn'ar ee simhied lorng si kang'khoarn`ee, mxna bexsae hiaam, køhkhaq aix pøfsiøq.

雖然出世的家庭有好額散的差別，毋過人講：「狗無嫌主人散。」爸母栽培囡仔的心血攏是仝款的，毋但袂使嫌，閣較愛寶惜。