九月颱，無人知。

農曆九月的颱風，沒人料想得到。通常農曆九月以後已經過了颱風季節，故突如其來的颱風常讓人措手不及。

Oexkux:
🗣 Sioggie korng: “Kawgoeh thay, bøo laang zay.”Thongsioong lafnlaang kao`goeh yau khaq ciør u hongthay, mxkøq citsii hongthay na laai, tviaxtvia e zøxseeng toa zaihai.

俗語講：「九月颱，無人知。」通常咱人九月以後較少有風颱，毋過這時風颱若來，定定會造成大災害。

Oexkux:
🗣 Seasu laan liau, tviaxtvia u liauxsiofngbexkaux ee taixcix laai hoatsefng, tø chinchviu“kawgoeh thay, bøo laang zay”kaxngkhoarn, ho larn be'axn'sngx`tid.

世事難料，定定有料想袂到的代誌來發生，就親像「九月颱，無人知」仝款，予咱袂按算得。

🗣 Kaau ia e poaqløh chiuxkhaf.

猴也會跋落樹跤。

猴子也會跌落樹下。說明經驗再豐富，動作再熟練的人，也有失手的時候，喻人不可大意。

Oexkux:
🗣 Cyn ze iegoa iaqsi sitpai, lorng si in'ui khørsex kaki kenggiam honghux, zøx taixcix bøkaux seaji ciaq e hoatsefng, aix zaiviar“kaau ia e poaqløh chiuxkhaf”.

真濟意外抑是失敗，攏是因為靠勢家己經驗豐富，做代誌無夠細膩才會發生，愛知影「猴也會跋落樹跤」。

🗣 Kekiarm thaxn, khaq be saxn.

加減趁，較袂散。

不論工資高低都去賺，才不至於窮困。形容不要計較所得多寡，努力工作才不會陷入窮困。

Oexkux:
🗣 Siky bae'bae`ar, zhaepor borng ka kiaam, ma tiøh kienchii“kekiarm thaxn, khaq be saxn”ee goanzeg, svoafkafng ma si thaulo, goarn lorng be khiehiaam.

時機䆀䆀仔，菜脯罔咬鹹，嘛著堅持「加減趁，較袂散」的原則，散工嘛是頭路，阮攏袂棄嫌。

🗣 Kenng badbat ia u phang.

雞卵密密也有縫。

雞蛋的蛋殼再怎麼密合也有縫隙。比喻事情總會有破綻，不可能天衣無縫。

Oexkux:
🗣 Phvaytai tø mxthafng zøx, aix zaiviar“kenng badbat ia u phang”, taixcix zafban e piakkhafng.

歹代就毋通做，愛知影「雞卵密密也有縫」，代誌早慢會煏空。

Oexkux:
🗣 Y liaqzurn cirnzeeng ka laang osef citzaan taixcix zhwlie kaq cviaa hør'sex`aq, mxkøq“kenng badbat ia u phang”, boea`ar iawsi piag'khafng`aq.

伊掠準進前共人烏西這層代誌處理甲誠好勢矣，毋過「雞卵密密也有縫」，尾仔猶是煏空矣。

🗣 Kef sae løh thoo, ia u svaf zhuxn iefn.

雞屎落塗，也有三寸煙。

雞屎落地，也有三寸煙。意為即便是微小不堪的雞屎，剛剛掉落地上時也會揚起一陣熱熱的煙氣，何況是做人，更要有志氣。

Oexkux:
🗣 Laang khvoax larn bøo, larn tientøx aix khaq phahpviax.Sioggie korng, “Kesae løqthoo, ia u svaf zhuxn iefn.”Larn na e ciafngcix, laang tø m kvar khvoax'soef`larn.

人看咱無，咱顛倒愛較拍拚。俗語講：「雞屎落塗，也有三寸煙。」咱若會長志，人就毋敢看衰咱。

Oexkux:
🗣 Laang zhutsix tø u høfgiaqsaxn ee zhapiet, mxkøq laang korng“kesae løqthoo, ia u svaf zhuxn iefn”, sarnchiaq gyn'ar u ciekhix, køhkhaq e ho laang ølør.

人出世就有好額散的差別，毋過人講「雞屎落塗，也有三寸煙」，散赤囡仔有志氣，閣較會予人呵咾。

🗣 Kex kef toex kef poef, kex kao toex kao zao.

嫁雞綴雞飛，嫁狗綴狗走。

嫁雞隨雞，嫁狗隨狗。說明傳統社會要求女子結婚之後，不論丈夫是什麼樣的人，都要終身跟隨，從一而終。

Oexkux:
🗣 Zw`ar beq kex cirnzeeng, yn lauxbuo ka y korng:“‘Kex kef toex kef poef, kex kao toex kao zao.’Mxkoarn kex liao hør iah bae, itteng aix kaq lirn afng zørhoea phahpviax.”

珠仔欲嫁進前，𪜶老母共伊講：「『嫁雞綴雞飛，嫁狗綴狗走。』毋管嫁了好抑䆀，一定愛佮恁翁做伙拍拚。」

🗣 Kehpiaq chinkef, lefsox goanzai.

隔壁親家，禮數原在。

隔壁親家，來往依然要遵照禮數。意即親家住得再近，應有的禮節還是不可疏忽怠慢，仍須行禮如儀。

Oexkux:
🗣 Laang korng, “Kehpiaq chinkef, lefsox goanzai.”Suijieen beq zhoa ee sinniuu toax ti zhuopvy, tuix zhoaxloxkef kaux toa lefchiaf, cidhang tøf be'serng`tid.

人講：「隔壁親家，禮數原在。」雖然欲娶的新娘蹛佇厝邊，對𤆬路雞到大禮車，一項都袂省得。

Oexkux:
🗣 “Kehpiaq chinkef, lefsox goanzai”, afnnef e ho laang kaq laang ee koanhe khaq chinchied ma khaq tahliap.

「隔壁親家，禮數原在」，按呢會予人佮人的關係較親切嘛較搭粒。

🗣 Khafn ang'ii, sun oexboea.

牽尪姨，順話尾。

靈媒答問，會順人心意說話。意思是說靈媒配合詢問者的心意做為回答的內容。比喻交談時揣摩對方的心思來應答。

Oexkux:
🗣 Laang korng, “Khafn ang'ii, sun oexboea.”Yn e ciaux larn sviuxbeq zay ee taixcix laai irn'oe, zhamkhør tø hør, mxthafng sviw koex siongsixn.

人講：「牽尪姨，順話尾。」𪜶會照咱想欲知的代誌來應話，參考就好，毋通傷過相信。

Oexkux:
🗣 Larn na khix sngrmia, u ee sioxng'mia'siefn`ee tø e“khafn ang'ii, sun oexboea”, ho larn kiørsi y sngx liao ciog zurn`ee.

咱若去算命，有的相命仙的就會「牽尪姨，順話尾」，予咱叫是伊算了足準的。

Oexkux:
🗣 Giabbuxoaan kaq khehho siøkaupoee, aix u“khafn ang'ii, sun oexboea”ee pwnsu, ho khehho kafmkag lie ciog liao'kae`y, koafn'sym`y, y tø e sixn'jim`lie.

業務員佮客戶相交陪，愛有「牽尪姨，順話尾」的本事，予客戶感覺你足了解伊、關心伊，伊就會信任你。

🗣 Khiesie giam bøo siofng.

氣死驗無傷。

生氣而死也驗不出傷痕。用來告誡人勿逞血氣，以免傷身。

Oexkux:
🗣 Twtiøh bøo korng zenglie ee laang, larn mxthafng siuxkhix, zhafm y ittit keakaux, “khiesie giam bøo siofng”, y ia biern tvaf zekjim, larn høpid kaki thør kankhor.

拄著無講情理的人，咱毋通受氣，參伊一直計較，「氣死驗無傷」，伊也免擔責任，咱何必家己討艱苦。

🗣 Khia koaan svoaf, khvoax bea siøthad.

徛懸山，看馬相踢。

站在高岡上，看著山腳下的馬互踢。比喻置身事外，袖手旁觀，有幸災樂禍看好戲之意。

Oexkux:
🗣 U nng ee laang ti loxpvy uixtiøh beq chviuo thengchiaui teq oankef, pvy`ar ee laang tak ee tøf“khia koaan svoaf, khvoax bea siøf thad”, bøo cidtakkwar soaq khaisie teq thad'chiaf`aq!

有兩个人佇路邊為著欲搶停車位咧冤家，邊仔的人逐个都「徛懸山，看馬相踢」，無一觸久仔煞開始咧窒車矣！

Oexkux:
🗣 Peng'iuo na teq khie chiongtut ee sii, larn mxthafng kannaf“khia koaan svoaf, khvoax bea siøf thad”, sioxnghør zhutbin zøx kongchyn laai taux paikae, thafng ho taixcix hør siusoaq.

朋友若咧起衝突的時，咱毋通干焦「徛懸山，看馬相踢」，上好出面做公親來鬥排解，通予代誌好收煞。

🗣 Khiaxm cvii oaxn zeazuo, put'haux oaxn pexbuo.

欠錢怨債主，不孝怨爸母。

欠錢怨債主，不孝怨父母。意即自己欠別人錢，還反過來埋怨債主來討債；自己不孝順，還反過來抱怨父母對自己不好。比喻不知反省，只會把責任推到他人身上。

Oexkux:
🗣 Y khiaxm`laang ee cvii bøo heeng, køq me zeazuo laai thøfcvii hai y bøo bixnzuo;kaki put'haux køq u cidtoaxtuy lyiuu, hiaam pexbuo zabliam, oaxn pexbuo bøo høfhøfar zaipoee, cincviax si“khiaxm cvii oaxn zeazuo, put'haux oaxn pexbuo”.

伊欠人的錢無還，閣罵債主來討錢害伊無面子；家己不孝閣有一大堆理由，嫌爸母雜唸，怨爸母無好好仔栽培，真正是「欠錢怨債主，不孝怨爸母」。

Oexkux:
🗣 U cidkux oe korng“khiaxm cvii oaxn zeazuo, put'haux oaxn pexbuo”, u ee laang zhafkofphiøx, kofphiøx løqkex, tagjit tøf teq me zernghuo, u laang tø ka y kef cidkux“kofphiøx poaqsw oaxn zernghuo”.

有一句話講「欠錢怨債主，不孝怨爸母」，有的人炒股票，股票落價，逐日都咧罵政府，有人就共伊加一句「股票跋輸怨政府」。

🗣 Khiq'zhuix`ee ciah byhurn──khvoarhiexnhien.

缺喙的食米粉──看現現。

兔脣的人吃米粉，被看得清清楚楚。引申為虛偽或技拙者的所作所為，無所遁形讓人一目了然。

Oexkux:
🗣 Pengsorsii y tø cyn gaau phornghofng køq gaau kofngpeqzhat, khvoax y korng kaq zhuiekag zoaan phøf, goarn lorng zaiviar bøo cidkux si sidzaixoe, cviarkarng si“khiq'zhuix`ee ciah byhurn──khvoarhiexnhien”.

平素時伊就真𠢕膨風閣𠢕講白賊，看伊講甲喙角全波，阮攏知影無一句是實在話，正港是「缺喙的食米粉──看現現」。

🗣 Khitciah he toa goan.

乞食下大願。

乞丐的能力有限，卻許下超過自己力所能及的大願望。比喻夢想也要衡量現實，不宜不自量力。

Oexkux:
🗣 Lie pengsiongsi'ar m jixncyn thagzheq, kerngjieen kvar“khitciah he toa goan”, korng itteng beq khøftiøh konglip taixhak ciaq beq thak, afnnef karm be sviw harmkor?

你平常時仔毋認真讀冊，竟然敢「乞食下大願」，講一定欲考著公立大學才欲讀，按呢敢袂傷譀古？

🗣 Khitciah ia u svaf nii høfun.

乞食也有三年好運。

乞丐也有三年的好運。說明人不會一生都是落魄的，勉勵人毋須因一時的挫折、低潮而灰心喪志，即使潦倒如乞丐，也會有運氣好轉的時候。比喻風水輪流轉。

Oexkux:
🗣 Larn cidsii logpheg biern sitcix, laang teq korng:“Khitciah ia u svaf nii høfun.”Tviaxtiøh u zhut'un ee hid cidkafng.

咱一時落魄免失志，人咧講：「乞食也有三年好運。」定著有出運的彼一工。

🗣 Khitciah kvoar biøxkofng.

乞食趕廟公。

寺廟的廟祝收容乞丐，提供他們吃住，沒想到乞丐非但不知感激，甚至還得寸進尺、忘恩負義，將廟祝趕走霸占寺廟。比喻喧賓奪主。

Oexkux:
🗣 Tongzhof apaq høfsym ka bøtex khix ee azeg siuliuu, ho y ciaxmsii toax ti goarn taw, sviuxbexkaux y mxna m zaiviar thafng kafm'wn, køq putsii ciøf peng'iuo laai zhux`lie lym ciuo, buo kaq tagsiekex juzhafngzharng, ka goarn taw torngzøx y kaki ee zhux kaxngkhoarn, uxviar si“khitciah kvoar biøxkofng”.

當初阿爸好心共無地去的阿叔收留，予伊暫時蹛佇阮兜，想袂到伊毋但毋知影通感恩，閣不時招朋友來厝裡啉酒，舞甲逐四界挐氅氅，共阮兜當做伊家己的厝仝款，有影是「乞食趕廟公」。

🗣 Khitciah syn, hongtex zhuix.

乞食身，皇帝喙。

乞丐身分，皇帝口吻。意為身為乞丐，口氣卻大如皇帝。比喻人說話大言不慚，與自己實際身份不相稱。

Oexkux:
🗣 Y tvia teq korng beq bea othauafchiaf laai sae, kisit y lieen kichiaf tøf bea be khie, peng'iuo lorng chiøx y si“khitciah syn, hongtex zhuix”.

伊定咧講欲買烏頭仔車來駛，其實伊連機車都買袂起，朋友攏笑伊是「乞食身，皇帝喙」。

🗣 Khngx laang zøx hør tai, khaq viaa ciah zafzay.

勸人做好代，較贏食早齋。

勸人為善勝過早上吃素。說明行善比獨善其身重要。

Oexkux:
🗣 Kafmsia lie tiafmzhvea goar“khngx laang zøx hør tai, khaq viaa ciah zafzay”, goar e kef zøx koar siexnsu, ka u khurnlaan ee laang taosvakang.

感謝你點醒我「勸人做好代，較贏食早齋」，我會加做寡善事，共有困難的人鬥相共。

🗣 Khngx lirn iwhaux chienban kux, bexhiao iwhaux ty kao guu.

勸恁有孝千萬句，袂曉有孝豬狗牛。

千言萬語奉勸人孝順父母，不懂得孝順就像豬狗牛。勸人要懂得孝順，否則連畜牲都不如。

Oexkux:
🗣 Laang korng, “Khngx lirn iwhaux chienban kux, bexhiao iwhaux ty kao guu.”Lie afnnef ka lirn sixtoaxlaang gvofgek, sidzai cviaa pud engkay.

人講：「勸恁有孝千萬句，袂曉有孝豬狗牛。」你按呢共恁序大人忤逆，實在誠不應該。

🗣 Khøx svoaf svoaf e pafng, khøx zuie zuie e taf.

靠山山會崩，靠水水會焦。

依靠山，山會有崩塌的時候；依靠河流，河流會有乾涸的時候。比喻無論有多穩當的後臺或再多的財產，總有失勢的一天，勸人凡事要自立自強，不可太依賴別人。

Oexkux:
🗣 Sioggie korng“khøx svoaf svoaf e pafng, khøx zuie zuie e taf”, baxnhang taixcix khøx kaki khix phahpviax, si siong wntaxng ee poxsox.

俗語講「靠山山會崩，靠水水會焦」，萬項代誌靠家己去拍拚，是上穩當的步數。

🗣 Khvoax laang ciah baq, mxthafng khvoax laang siøphaq.

看人食肉，毋通看人相拍。

寧可看人吃肉，也不要看人打架。誡人遠離是非之地，以免遭受池魚之殃。

Oexkux:
🗣 Hef si yn nng laang ee un'oaxn, lie si mxthafng khix taux'lau'jiet`hvaq, sioggie korng:“Khvoax laang ciah baq, mxthafng khvoax laang siøphaq.”Lie iawsi maix zhab khaq bøo tai!

彼是𪜶兩人的恩怨，你是毋通去鬥鬧熱唅，俗語講：「看人食肉，毋通看人相拍。」你猶是莫插較無代！