見笑轉受氣。

羞愧轉變為生氣。因羞愧難當，以發怒來轉移焦點。即惱羞成怒。

Oexkux:
🗣 Abeeng lorng bexkhamtid laang korng`tid, kiernna kofngtiøh y ee mxtiøh, y tø “kiernsiaux tngr siuxkhix”, sidzai cviaa hai!

阿明攏袂堪得人講得，見若講著伊的毋著，伊就「見笑轉受氣」，實在誠害！

Oexkux:
🗣 Y korng be viaa`laang tø “kiernsiaux tngr siuxkhix”, khaisie opeh me`laang.

伊講袂贏人就「見笑轉受氣」，開始烏白罵人。

🗣 Kviaf bor taixtioxnghw, phaq bor ty kao guu.

驚某大丈夫，拍某豬狗牛。

會怕妻子的丈夫是男子漢，會打妻子的連畜生都不如。主要是規勸丈夫要好好疼惜自己的妻子，不可動粗。

Oexkux:
🗣 Laang korng, “Kviaf bor taixtioxnghw, phaq bor ty kao guu.”Angafbor tiøqaix hoxsiofng thviarsiøq kaq zunzhuun, mxthafng khykhataxngchiuo.

人講：「驚某大丈夫，拍某豬狗牛。」翁仔某著愛互相疼惜佮尊存，毋通起跤動手。

🗣 Kviakviaf be tiøqterng.

驚驚袂著等。

光是恐懼擔憂不會獲得優勝。勸人做事要果決，不要畏畏縮縮，才有成功的機會。

Oexkux:
🗣 Af'gi`ar koasviaf cyn hør, lauxsw kofle y khix zhamkaf koachviux pysaix, y lorng korng y ciog kviaf cviuxtaai chviuokoaf.Lauxsw korng: “‘Kviakviaf be tiøqterng.’Lie aix iofngkarm khia khykhix bwtaai, ciaq extaxng ho laang zaiviar lie ee koasviaf u goa hør.”

阿義仔歌聲真好，老師鼓勵伊去參加歌唱比賽，伊攏講伊足驚上台唱歌。老師講：「『驚驚袂著等。』你愛勇敢徛起去舞台，才會當予人知影你的歌聲有偌好。」

🗣 Kviafsaix si poarnzuo.

囝婿是半子。

女婿是半個兒子。女兒出嫁，娘家這邊有了女婿，雖然不是自家的男丁，但也將之視如己出，等同於半個兒子。

Oexkux:
🗣 Laang korng: “Kviafsaix si poarnzuo.”Af'kiog`ar ka yn kviafsaix thviarmiaxmia, bexsw chyn'svef`ee kaxngkhoarn.

人講：「囝婿是半子。」阿菊仔共𪜶囝婿疼命命，袂輸親生的仝款。

🗣 Kviazuun zawbea svaf hwn mia.

行船走馬三分命。

航海、騎馬很危險，做這一行的只有三分的存活機會。意謂從事交通運輸行業的人，喪失生命的風險很高。

Oexkux:
🗣 Cieiorng sae iulafmchiaf kaotvaf zabgoa tafng`aq, lorng m bad hoatsefng suxkox, sviuxbexkaux zahngf soaq ho svoaterng lag`lag`løh ee ciøqthaau teq cide cviaa siongtiong, bogkoaix u laang korng “kviazuun zawbea svaf hwn mia”, cincviax lorng be'axn`tid.

志勇駛遊覽車到今十外冬矣，攏毋捌發生事故，想袂到昨昏煞予山頂落落來的石頭硩一下誠傷重，莫怪有人講「行船走馬三分命」，真正攏袂按得。

Oexkux:
🗣 Goarn zhuopvy cidee Taan`ee ti siongzunterng zøx jixhux, siujip ciog hør, sviuxbexkaux cidpae zhut'hae liawau zuun soaq siaw'sid`khix, kaotvaf zabgoa nii`aq lorng bøsiaubøsid, cincviax si “kviazuun zawbea svaf hwn mia”.

阮厝邊一个陳的佇商船頂做二副，收入足好，想袂到一擺出海了後船煞消失去，到今十外年矣攏無消無息，真正是「行船走馬三分命」。

🗣 Kirn kviaa bøo hør po.

緊行無好步。

走得太匆促，腳步容易出差錯。喻遇事不宜急躁，應冷靜沉穩面對，才能應付危難。

Oexkux:
🗣 Kongsy ee cvizuie hionghioong tngfseh be koex`laai, intvoaf taxmpøqar hogzap, kofzaflaang korng, “Kirn kviaa bøo hør po.”Beq kaykoad buxntee, chienban mxthafng sviw koex kvoafkoong, aix sarmsw jii hiø heeng.

公司的錢水雄雄轉踅袂過來，因端淡薄仔複雜，古早人講：「緊行無好步。」欲解決問題，千萬毋通傷過趕狂，愛三思而後行。

🗣 Kirn pharng bøo hør sef, kirn kex bøo hør takef.

緊紡無好紗，緊嫁無好大家。

匆忙紡紗就織不出好棉紗；急於嫁人就遇不上好婆家。比喻欲速則不達。

Oexkux:
🗣 Larn twtiøh taixcix, siong hør si kynsuxkhvoapan, ciaq be tengtvaa, aix zay “kirn pharng bøo hør sef, kirn kex bøo hør takef”.

咱拄著代誌，上好是緊事寬辦，才袂重耽，愛知「緊紡無好紗，緊嫁無好大家」。

🗣 Kin biø khy siin.

近廟欺神。

指住在廟旁的百姓，對神的敬意反而不如遠地的人。比喻貴遠賤近。

Oexkux:
🗣 Goarn ciaf svoakhaf cidkefng biø, putsii u laang tuix ciog hng ee sofzai laai teq paix, tientør goarn ciaf ee laang lorng m bad khix ka paix, zef tø si laang korng`ee “kin biø khy siin”.

阮遮山跤一間廟，不時有人對足遠的所在來咧拜，顛倒阮遮的人攏毋捌去共拜，這就是人講的「近廟欺神」。

🗣 Kin svoaf zhøx bøo zhaa, kin khef tvaf bøo zuie.

近山剉無柴，近溪擔無水。

靠近山卻砍不到柴，靠近溪邊卻挑不到水。反諷人往往捨近求遠，忽略了身邊隨手可得的資源，去追求遙不可及的事物。

Oexkux:
🗣 Lie mxthafng khørsex u chviax lauxsw laai zhux`lie ka lie kax, lie tø exexngtid chirnchirnzhayzhae, laang korng: “Kin svoaf zhøx bøo zhaa, kin khef tvaf bøo zuie.”Na bøo jixncyn phahpviax, sii kaux lie ee sengzeg iawsi be cirnpo.

你毋通靠勢有倩老師來厝裡共你教，你就會用得凊凊彩彩，人講：「近山剉無柴，近溪擔無水。」若無認真拍拚，時到你的成績猶是袂進步。

Oexkux:
🗣 Af'beeng`ar toax ti haghau huokin, tviaxtvia tøf khuxn kaux beq siong'khøx`aq ciaq beq khie`laai, kietkør laang toax khaq hng`ee lorng kaux hak'hau`aq, y soaq putsii lorng khaq voax kaux, bogkoaix laang teq korng “kin svoaf zhøx bøo zhaa, kin khef tvaf bøo zuie.”

阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

🗣 Kin suie ty guu sexng, kin safn seg niao ym.

近水知魚性，近山識鳥音。

經常出入水域，久而久之，便熟諳魚的習性；經常出入山林，久而久之，便熟諳鳥兒的鳴叫聲。比喻在怎樣的環境中生活，就容易學習到和該環境相關的才能。

Oexkux:
🗣 Sioggie korng: “Kin suie ty guu sexng, kin safn seg niao ym. ”Y tøf zu seahaxn toex yn pexbuo ti phafngcitchviuo zøx khangkhoex, citzun mxciaq e tuix citpox, cithongbin ee khangkhoex ciahniq segchiuo.

俗語講：「近水知魚性，近山識鳥音。」伊都自細漢綴𪜶爸母佇紡織廠做工課，這陣毋才會對織布這方面的工課遮爾熟手。

🗣 Kengciøf thox kviar ui kviar sie.

弓蕉吐囝為囝死。

香蕉吐子為子死。香蕉發新芽以後，本株就會而死去，比喻父母為了子女，總是無盡的犧牲奉獻。

Oexkux:
🗣 Pexbuo thviax kviar si thiensexng, høfgiaqlaang thviax kviar, sarnchiahlaang ia thviax kviar, laang korng “kengciøf thox kviar ui kviar sie”, bøo in'ui høfgiaqsaxn tø e bøo kaxngkhoarn, tø e taxngthaukhyn.

爸母疼囝是天性，好額人疼囝，散赤人也疼囝，人講「弓蕉吐囝為囝死」，無因為好額散就會無仝款，就會重頭輕。

🗣 Kerng`aq kerng, kefngtiøh cidee be lenggerng.

揀啊揀，揀著一个賣龍眼。

挑來選去，最後選了個賣龍眼的小商販。形容找對象或合作夥伴時東挑西揀，最後還是挑了一個不理想的人。勸人有人可選時不要過份挑剔，以免到最後別無選擇，只能找個最不盡理想的人。

Oexkux:
🗣 Piawcie bagthaau koaan, zhoe tuiesiong kefngtangkefngsay, kefngvoafkefngti, sviaflaang zaiviar kengkoex kuyna nii soaq “kerng`aq kerng, kefngtiøh cidee be lenggerng”.

表姊目頭懸，揣對象揀東揀西、揀碗揀箸，啥人知影經過幾若年煞「揀啊揀，揀著一个賣龍眼」。

🗣 Kongchyn piexn suxzuo.

公親變事主。

仲裁者變成當事人。意指和事佬難當，調解不成還被拖下水，捲入紛爭。

Oexkux:
🗣 Laang korng, “Kongchyn piexn suxzuo.” Citnng ee siøphahkear ee taixcix lie sioxnghør maix zhab, naxbøo, lie si e ciah be taf.

人講：「公親變事主。」這兩个相拍雞仔的代誌你上好莫插，若無，你是會食袂焦。

Oexkux:
🗣 Yn angafbor oankef goar khix paikae, sviuxbexkaux “kongchyn piexn suxzuo”, yn tientøx korng si goar hai`ee, ham goar u sviafmiq tixtai!

𪜶翁仔某冤家我去排解，想袂到「公親變事主」，𪜶顛倒講是我害的，和我有啥物底代！

🗣 Kofngtiøh ciah, zengphoax hiah.

講著食，舂破額。

一聽到有什麼東西可吃就爭先恐後，把額頭都撞破了。

Oexkux:
🗣 Ciah miqkvia mxthafng pviax hiaq hiongsex, laang korng “kofngtiøh ciah, zengphoax hiah”, lie afnnef bexsw iaukuie kaxngkhoarn.

食物件毋通拚遐雄勢，人講「講著食，舂破額」，你按呢袂輸枵鬼仝款。

Oexkux:
🗣 Thamsym ee laang “kofngtiøh ciah, zengphoax hiah”, kaux boea`ar ma bøo khaq viaa.

貪心的人「講著食，舂破額」，到尾仔嘛無較贏。

🗣 Korng cidee viar, svef cidee kviar.

講一个影，生一个囝。

說一個影子，生一個孩子。意即有人說看到一個影子，就有人傳話說成有人生了一個孩子。比喻把沒聽清楚的話，轉述成毫不相關的事。

Oexkux:
🗣 Phvoartoaxn muithea siausid ee zerngkhakto cincviaa tioxng'iaux, siaxhoe tviaxtvia u laang paxng cidee hongsviaf, suii tø u laang “korng cidee viar, svef cidee kviar”, toex leq opeh thoaan siausid.

判斷媒體消息的正確度真誠重要，社會定定有人放一个風聲，隨就有人「講一个影，生一个囝」，綴咧烏白傳消息。

🗣 Kukhaf kulai baq.

龜跤龜內肉。

龜腳也是龜本身的肉。比喻手心手背都是肉。

Oexkux:
🗣 “Kukhaf kulai baq”, bølun zabofkviar iah hauxsvef, lorng si sixtoaxlaang ee simkvoaf pøfpoex.

「龜跤龜內肉」，無論查某囝抑後生，攏是序大人的心肝寶貝。

Oexkux:
🗣 Citkefng syn khuy ee tiaxm korng lap cidpaq khof zhamkaf hoexoaan tø u cidhun hoexoaan lefbut, “kukhaf kulai baq”, kisit cithun lefbut tø si eng larn hoexoanhuix bea`ee.

這間新開的店講納一百箍參加會員就有一份會員禮物，「龜跤龜內肉」，其實這份禮物就是用咱會員費買的。

🗣 Kukhaf søo`søo`zhud.

龜跤趖出來。

烏龜伸出腳來。比喻人隱藏自己的圖謀或詭計，在他要遂行陰謀或行動時，陰謀暴露出來。即露出馬腳。

Oexkux:
🗣 Y tuo jiblaai kongsy, khvoax tiøh tøf kofiekofix, sviaflaang zay kuo`laai piexn lauxciao soaq “kukhaf søo`søo`zhud”, kiernna u zhaeciao jip`laai tø beq ka laang zhorngti.

伊拄入來公司，看著都古意古意，啥人知久來變老鳥煞「龜跤趖出來」，見若有菜鳥入來就欲共人創治。

🗣 Kw chiøx piq bøo boea, piq chiøx kw zhof phoee.

龜笑鱉無尾，鱉笑龜粗皮。

龜笑鱉沒有尾巴，鱉笑龜皮膚粗。指人只會批評別人的缺點，卻不知自己的缺點也不少。

Oexkux:
🗣 Af'gi`ar chiøx Af'thor`ar hanban thagzheq, luxncyn laai korng si “kw chiøx piq bøo boea, piq chiøx kw zhof phoee”, cidee khør siezap hwn, cidee khør svazabpeq, Af'gi`ar si u khaq gaau`hiøq?

阿義仔笑阿土仔頇顢讀冊，論真來講是「龜笑鱉無尾，鱉笑龜粗皮」，一个考四十分，一个考三十八，阿義仔是有較𠢕諾？

🗣 Kwtngg pve, bøo haozuo.

久長病，無孝子。

父母長年臥病在床，子女往往無法隨侍在側，因而陷入身不由己的窘境，致使最終得背負不孝子之罵名。比喻久病床前無孝子。

Oexkux:
🗣 Y phoarpve tør ti binzhngterng jiabthorng tafng`aq, chymkhaisie hauxsvef iao cyn cixnsym khvoarkox, putjikøx sioggie korng: “Kwtngg pve, bøo haozuo.”Citkuie tafng yn hauxsvef ho y ee iiøqhuix teq kaq be zhoafnkhuix, tø bøo thafng hiaq jixncyn ka ciaux'kox`aq.

伊破病倒佇眠床頂廿捅冬矣，寢開始後生猶真盡心看顧，不而過俗語講：「久長病，無孝子。」這幾冬𪜶後生予伊的醫藥費硩甲袂喘氣，就無通遐認真共照顧矣。

🗣 Ku siuu ciah syn siuu.

舊囚食新囚。

老囚犯欺負新囚犯。比喻資歷老的成員欺凌新進人員。

Oexkux:
🗣 Y tuo jibkhix kongsy tø tngxtiøh “ku siuu ciah syn siuu”, tak hang taixcix lauxciao tøf beq ka y ciaqsysie, bøo beq ho y u kihoe thafng zhutthaau.

伊拄入去公司就搪著「舊囚食新囚」，逐項代誌老鳥都欲共伊食死死，無欲予伊有機會通出頭。