關門著閂，講話著看。

關門時要插上門閂，說話要看場合與時機。勸人說話要看時機，不要因一時大意而造成難以收拾的局面。

Oexkux:
🗣 Laang korng, “Kvoaimngg tiøh zhvoax, kofng'oe tiøh khvoax.”Larn kofng'oe tiøqaix seaji cimciog, ciaq be bøtviubøtii khix ka laang teg'sid`tiøh.

人講：「關門著閂，講話著看。」咱講話著愛細膩斟酌，才袂無張無持去共人得失著。

🗣 Koex kiøo khaq ze lie kvialo, ciah iaam khaq ze lie ciah bie.

過橋較濟你行路，食鹽較濟你食米。

走過的橋比你走過的路還多，吃過的鹽比你吃過的米還多。年長者常以此來自誇經驗豐富，倚老賣老。

Oexkux:
🗣 Cit'ee sitai suiaux syn suuii, lau'ieen`ee bexsae lauxkofparn, ittit iong “koex kiøo khaq ze lie kvialo, ciah iaam khaq ze lie ciah bie”ee thaixto, laai karsi siaolienlaang.

這个時代需要新思維，老沿的袂使老古板，一直用「過橋較濟你行路，食鹽較濟你食米」的態度，來教示少年人。

🗣 Koeasii be laqjit.

過時賣曆日。

過了適當的時機賣日曆。用來指事物已經失去時效。

Oexkux:
🗣 Lie na beq khuitiaxm be chiwki'ar, tiøqaix toex e tiøh khøky teq hoattiern ee sokto, mxthafng “koeasii be laqjit”, khix be yzar hid ciorng bøo baxnglo kofng'leeng`ee, citmar cyn hafntid khvoartiøh u laang teq eng`aq.

你若欲開店賣手機仔，著愛綴會著科技咧發展的速度，毋通「過時賣曆日」，去賣以早彼種無網路功能的，這馬真罕得看著有人咧用矣。

🗣 Kutlat ciaqlat, pintvoa thwn noa.

骨力食栗，貧惰吞瀾。

勤勞的人，有栗子可吃，懶惰的人只有吞口水的份。喻只要辛勤付出，就會有好的食物；而不事生產者，只能眼巴巴看著人家享用收穫。比喻一分耕耘，一分收穫。

Oexkux:
🗣 Lie bøo thviaf laang korng “kutlat ciaqlat, pintvoa thwn noa ”`niq?Na kherng zøx tø m kviaf bøo thafng ciah, siong kviaf`ee si beq ciah m thøfthaxn, khøfleeng tø aix khvoax laang ciah'zheng`aq.

你無聽人講「骨力食栗，貧惰吞瀾」呢？若肯做就毋驚無通食，上驚的是欲食毋討趁，可能就愛看人食穿矣。

🗣 Lai siin thofng goa kuie.

內神通外鬼。

指內部人員串通外面的人，做出不利內部的事。

Oexkux:
🗣 Køkhøky kongsy tharncvii ee kesy si kisut, naxsi laixtea ee laang ciofng kisut lauxsiap, chinchviu laang sor korng ee “lai siin thofng goa kuie”, køhkhaq toa kefng ee kongsy ma e tøftiaxm.

高科技公司趁錢的家私是技術，若是內底的人將技術漏洩，親像人所講的「內神通外鬼」，閣較大間的公司嘛會倒店。

Oexkux:
🗣 Hid kefng toaxbextviuu ee tiexnnao liensoax ho laang thautheh kuyna zap taai`khix, kefnghofng hoaigii si in'ui “lai siin thofng goa kuie”, ciaq e swnsid ciaq giamtiong.

彼間大賣場的電腦連紲予人偷提幾若十台去，警方懷疑是因為「內神通外鬼」，才會損失遮嚴重。

🗣 Laggoeh koarzhaix kea uxsym.

六月芥菜假有心。

芥菜產季在每年十一月到次年四月，大約是農曆十月到次年二月，六月既非芥菜產季，當然也不會有芥菜心，所以說有心必定是假的。指人的言語或行為虛情假意；或用來譏諷偽君子，表面仁慈關懷，其實不懷好意。

Oexkux:
🗣 Sioggie korng, “Laggoeh koarzhaix kea uxsym.”Zørlaang naxsi kea uxzeeng, kea uxgi, suisii e ho laang khvoarphoarkhachiuo.

俗語講：「六月芥菜假有心。」做人若是假有情、假有義，隨時會予人看破跤手。

Oexkux:
🗣 Lie kaq y lai'orng aix khaq zux'ix`leq, y tuix lie hør, si “laggoeh koarzhaix kea uxsym”, chienban mxthafng khix ho y phiexn`khix.

你佮伊來往愛較注意咧，伊對你好，是「六月芥菜假有心」，千萬毋通去予伊騙去。

🗣 Laang bøo ciaux thvilie, thvy bøo ciaux kahcie.

人無照天理，天無照甲子。

人不照天理行事，天不照甲子運行。古人以天干、地支搭配紀年，取天干第一位「甲」與地支第一位「子」搭配成的「甲子」，來指稱自然運行的法則。比喻人若不按天理行事，老天爺也不會依照時序運行；或指對於違反常理之事的感慨。

Oexkux:
🗣 Zuxjieen khoankerng ee paixhai, zaieq m bad theeng'khuxn`koex, zef lorng si larn laang zuxsw softix, khahkef ma u laang korng zef tø si “laang bøo ciaux thvilie, thvy bøo ciaux kahcie”ee kietkør.

自然環境的敗害，災厄毋捌停睏過，這攏是咱人自私所致，較加嘛有人講這就是「人無照天理，天無照甲子」的結果。

🗣 Laang boe kaux, sviaf sefng kaux.

人未到，聲先到。

人尚未出現，就先聽到聲音。形容大嗓門的人。

Oexkux:
🗣 Kang thiauaflai ee laang lorng zaiviar “laang boe kaux, sviaf sefng kaux ”`ee, itteng si kao'cirm'pøo`ar.

仝祧仔內的人攏知影「人未到，聲先到」的，一定是九嬸婆仔。

Oexkux:
🗣 Sviathaau hiaq toa, laang køq zhahzhahzhaq, exsae korng si “laang boe kaux, sviaf sefng kaux”, khøfkiexn laai`ciar huitongsiawkhør.

聲頭遐大，人閣插插插，會使講是「人未到，聲先到」，可見來者非同小可。

🗣 Laang ee zhuix, afm be bat.

人的喙，掩袂密。

人們通常無法管住別人的嘴巴。亦即難杜悠悠之口。

Oexkux:
🗣 Laang teq korng, “Laang ee zhuix, afm be bat”, zhuix si svef ti padlaang ee sinkhw, larn bøhoatto zoftoxng padlaang khix korng hiaee sixhuy iaqsi engafoe, kaki maix zøx khuisimsu tø biern hoanlør.

人咧講：「人的喙，掩袂密」，喙是生佇別人的身軀，咱無法度阻擋別人去講遐的是非抑是閒仔話，家己莫做虧心事就免煩惱。

🗣 Laang khafn m kviaa, kuie khafn liuoliuokviaa.

人牽毋行，鬼牽溜溜行。

對於好人的指引置之不理，反而在壞人的引誘下亦步亦趨。形容人是非不分，正事不做，偏要做壞事。

Oexkux:
🗣 Hid khof phvaykviar “laang khafn m kviaa, kuie khafn liuoliuokviaa”, expvoarsielaang lorng aix kvoay ti longaflai ciah biern'cvii'png`aq.

彼箍歹囝「人牽毋行，鬼牽溜溜行」，下半世人攏愛關佇櫳仔內食免錢飯矣。

🗣 Laang na soef, zexng puar svef zhaekoef.

人若衰，種匏仔生菜瓜。

人若倒楣，種匏瓜也會長出絲瓜。比喻人的運氣不佳，老是事與願違。

Oexkux:
🗣 Zoeakin ciog phvayun, beq ciah zhaethaau thngf, khix beftiøh poxngsym ee zhaethaau;beq khix thiethaau, thiethautiaxm bøo khuimngg, uxviar si “laang na soef, zexng puar svef zhaekoef”.

最近足歹運，欲食菜頭湯，去買著蓬心的菜頭；欲去剃頭，剃頭店無開門，有影是「人若衰，種匏仔生菜瓜」。

🗣 Laang nng khaf, cvii six khaf.

人兩跤，錢四跤。

人只有兩條腿，錢有四條腿，兩條腿跑得慢，四條腿跑得快，兩條腿的人永遠追不上四條腿的錢。比喻賺錢不易。

Oexkux:
🗣 Suijieen sioggie korng, “Laang nng khaf, cvii six khaf.”Mxkøq ti Taioaan citciorng khaihoxng, zuxiuu ee siaxhoe, na kherng phahpviax køq e piernkhiaux, iugoaan extaxng tharntiøh kaogiah ee cvii thafng bea chiaf, bea zhux.

雖然俗語講：「人兩跤，錢四跤。」毋過佇臺灣這種開放、自由的社會，若肯拍拚閣會變竅，猶原會當趁著夠額的錢通買車、買厝。

🗣 Laang simkvoaf, guu paktor.

人心肝，牛腹肚。

人的心肝，牛的肚子。意為人心就像牛的肚子一樣大。「人心肝」指人的慾望，用來比喻人心不足蛇吞象。

Oexkux:
🗣 Laang korng, “Laang simkvoaf, guu paktor.”U laang bea zhaykoaxn tiøh thauciorng iao hiaam bøkaux, ka cvii køhzaix aw`aw`løh, biern nng tafng cvii tø thox'liao'liao`aq.

人講：「人心肝，牛腹肚。」有人買彩券著頭獎猶嫌無夠，共錢閣再漚落去，免兩冬錢就吐了了矣。

🗣 Laang teq zøx, thvy teq khvoax.

人咧做，天咧看。

人在做，天在看。做事情應憑著自己的良心，不管好事壞事，上天都在看著。比喻天理昭昭，報應不爽。

Oexkux:
🗣 Lie maix liaqzurn bøo laang zay, “laang teq zøx, thvy teq khvoax”, lie na køq m lioxngzar siukhasefchiuo, kynzoaqban e ho laang saf jibkhix longaflai.

你莫掠準無人知，「人咧做，天咧看」，你若閣毋冗早收跤洗手，緊縒慢會予人捎入去櫳仔內。

🗣 Laang ze oe tø ze, samseg laang korng gvofseg oe.

人濟話就濟，三色人講五色話。

人多話就多，各種人說各種意見。比喻人多意見多，莫衷一是。

Oexkux:
🗣 Sioggie korng, “Laang ze oe tø ze, samseg laang korng gvofseg oe.”Khuihoe na zhutzai laang khix hoatgieen, afnnef buo svaf mee svaf jit ma be soaq, zwchijiin iawsi aix siør zad`cide khaq hør.

俗語講：「人濟話就濟，三色人講五色話。」開會若出在人去發言，按呢舞三暝三日嘛袂煞，主持人猶是愛小節一下較好。

🗣 Laang chi laang, cidky kud;thvy chi laang, puizutzud.

人飼人，一支骨；天飼人，肥朒朒。

人養人，瘦巴巴；天養人，胖嘟嘟。意即成事在天，有上天的庇蔭，人才有好日子可以過；如果風不調雨不順，光是靠人的努力，成效也不彰。

Oexkux:
🗣 Aeeng thaucidkae paghngg zexng kengciøf suii tngxtiøh hongthay, liao kaq kiørmxkvar.Kazaix boea`ar voaxkhix iaxchi zøx iuthngf, twtiøh siky hør, ciaq ho y thaxn kaq iusefsea, uxviar si “laang chi laang, cidky kud;thvy chi laang, puizutzud”, cincviax ho laang be'gaau`tid.

阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Lau`ee lauxpoxtvia, siaux'lieen`ee khaq tafnghviaq.

老的老步定，少年的較懂嚇。

年長的人老成穩重；年輕的人冒失莽撞。這句話是說：老人家做事較沉穩持重，年輕人做事則比較輕浮莽撞。

Oexkux:
🗣 Suijieen sioggie korng: “Lau`ee lauxpoxtvia, siaux'lieen`ee khaq tafnghviaq.”Mxkøq na lorng m ho siaux'lieen`ee zhutthaau, y ma efng'oarn øh bexhiao.Khangkhoex ho siaux'lieen`ee hvoaxthaau, cienpoex ti pvy`ar khankax, kenggiam ciaq extaxng thoanseeng.

雖然俗語講：「老的老步定，少年的較懂嚇。」毋過若攏毋予少年的出頭，伊嘛永遠學袂曉。工課予少年的扞頭，前輩佇邊仔牽教，經驗才會當傳承。

🗣 Lauxlaang m kofngkor, siaolieen m bad pør.

老人毋講古，少年毋捌寶。

老年人不說故事，年輕人得不到寶貴經驗。形容老年人有很多值得年輕人學習的經驗。

Oexkux:
🗣 Thviaf akofng korng liawau, goar ciaq zaiviar kimkawmof si iafgoa cyhoeq cyn hør ee sidbut, cincviax si “lauxlaang m kofngkor, siaolieen m bad pør.”

聽阿公講了後，我才知影金狗毛是野外止血真好的植物，真正是「老人毋講古，少年毋捌寶。」

🗣 Li hviw, bøo li khviw.

離鄉，無離腔。

雖然離開故鄉，卻很難改變故鄉的口音腔調。

Oexkux:
🗣 Y zu siaolieen tø tuix exkarng khykhix Taipag zørsenglie, ti hiaf zhoaxbor svekviar, kaotvaf goxzabgoa tafng`aq, mxkøq “li hviw, bøo li khviw”, korng Taigie ee sii iugoaan u exkarng khviw.

伊自少年就對下港起去臺北做生理，佇遐娶某生囝，到今五十外冬矣，毋過「離鄉，無離腔」，講臺語的時猶原有下港腔。

🗣 Liawcvii senglie bøo laang zøx, thaithaau senglie u laang zøx.

了錢生理無人做，刣頭生理有人做。

賠錢的生意沒有人要做，但利益當前，即使是犯法會被判處死刑的生意也有人會做。形容無良商人為了賺錢而不擇手段。

Oexkux:
🗣 Be togphirn ee laang, kannaf sviuxbeq id purn ban li, oanzoaan bøo korli sviaa laang ciaqtok e guihai laang ee kiexnkhofng, cincviax si “liawcvii senglie bøo laang zøx, thaithaau senglie u laang zøx”!

賣毒品的人，干焦想欲一本萬利，完全無顧慮唌人食毒會危害人的健康，真正是「了錢生理無人做，刣頭生理有人做」！