龍交龍，鳳交鳳，隱痀的交侗戇。

龍與龍交往，鳳與鳳交往，駝背的人和愚昧的人交往。亦即成材的人和成材的人交往，不成材的人和不成材的人交往，比喻朋友是物以類聚的。可用在正面的意義，也可用在負面的意義。「隱痀」指駝背，「侗戇」指頭腦不靈光。此句的類比方式帶有歧視意味，應注意僅為一種比喻而已。

Oexkux:
🗣 Pexbuo mxna aix koansym gyn'ar ee kiexnkhofng kaq haggiap, ma aix zuoix y ee jinzex koanhe, in'ui “leeng kaw leeng, hong kaw hong, urn'kw`ee kaw tornggong.”Peng'iuo tuix gyn'ar ee efnghiorng uxsi'ar pie pexbuo køhkhaq toa.

爸母毋但愛關心囡仔的健康佮學業，嘛愛注意伊的人際關係，因為「龍交龍，鳳交鳳，隱痀的交侗戇。」朋友對囡仔的影響有時仔比爸母閣較大。

🗣 Liuliuchiuchiw, ciah nng luie bagciw.

溜溜瞅瞅，食兩蕊目睭。

人靠靈活的雙眼觀察外界，以求存活。說明人在社會上要會察言觀色，審時度勢，隨機應變，才能立足。

Oexkux:
🗣 Zørsenglie, bixntuix langkheq, “liuliuchiuchiw, ciah nng luie bagciw”, aix zaiviar piernkhiaux, ho langkheq moafix, senglie ciaq zøx e kaiah.

做生理，面對人客，「溜溜瞅瞅，食兩蕊目睭」，愛知影變竅，予人客滿意，生理才做會交易。

🗣 Løqthosii pehji mia.

落塗時八字命。

出生的時辰就決定一個人的命運。從前的人迷信人的命運在呱呱墜地時，就已經註定好了。這句話常用來要人接受現狀，不要埋怨或強求。

Oexkux:
🗣 Khahzar ee laang siongsixn “løqthoo sii pehji mia”, sviuxkorng miaxun si zhutsix ee sii tø zux hør'hør`ee.Hiexntai laang aix zaiviar cientoo aix khøx kaki zhorngzø, na kherng phahpviax tø e sengkofng.

較早的人相信「落塗時八字命」，想講命運是出世的時就註好好的。現代人愛知影前途愛靠家己創造，若肯拍拚就會成功。

🗣 Løh zuie pvepvee tiim, zoaan bøo taxngthaukhyn.

落水平平沉，全無重頭輕。

一旦落入水中，同樣都會往下沉，沒有輕重的差別。說明大難來時大家的命運相同，沒有任何差別。

Oexkux:
🗣 Larn Taioanlaang si miaxun kioxngtongthea, mxthafng kuikafng oankef, tuielip, in'ui “løh zuie pvepvee tiim, zoaan bøo taxngthaukhyn”.

咱臺灣人是命運共同體，毋通規工冤家、對立，因為「落水平平沉，全無重頭輕」。

🗣 Lwnkhix kiuu zaai, kekkhix siøthaai.

忍氣求財，激氣相刣。

忍一時之氣可以求得財利，意氣用事可能招致糾紛，甚至互相殺伐。比喻和氣生財。

Oexkux:
🗣 Zørsenglie kekiarm e twtiøh aokheq, sioggie korng, “Lwnkhix kiuu zaai, kekkhix siøthaai.”Larn tuiethai langkheq zorng`si mxthafng kekbixnchviw iaqsi phvaysviasaux.

做生理加減會拄著漚客，俗語講：「忍氣求財，激氣相刣。」咱對待人客總是毋通激面腔抑是歹聲嗽。

🗣 Mngmng'ar ho løqkuo, thoo ma e taam.

毛毛仔雨落久，塗嘛會澹。

濛濛細雨下久了，土地也會潮濕。比喻積少成多；或指做事只要能持之以恆、堅持到底，猶如滴水穿石，再大的困難都能克服。

Oexkux:
🗣 Sioggie korng, “Mngmngafho løqkuo, thoo ma e taam.”Lafnlaang na kekiarm zøx, kekiarm thaxn, ia e zhwn cidkoafar kehoea.

俗語講：「毛毛仔雨落久，塗嘛會澹。」咱人若加減做、加減趁，也會賰一寡仔家伙。

Oexkux:
🗣 Twtiøh taixcix be suxnsi, na kherng kutlat khix zøx, kiefn'chii`kiefn, “mngmngafho løqkuo, thoo ma e taam”, køhkhaq khurnlaan ee taixcix ma extaxng kaykoad.

拄著代誌袂順序，若肯骨力去做，堅持落去，「毛毛仔雨落久，塗嘛會澹」，閣較困難的代誌嘛會當解決。

🗣 Mohvof kw koea zaxng, angpaw zai lie saxng.

毛呼龜粿粽，紅包在你送。

毛呼、紅龜粿、粽子，紅包隨便你包多少都可以。譏諷道士誦經時不專心，看著祭品隨口亂念，心中只有紅包。

Oexkux:
🗣 Phofto ee sii, saikofng tøxsu liam ee ciuogie bøo kuie ee laang bad, binkafn tviaxtvia kengthea yn si “mohvof kw koea zaxng, angpaw zai lie saxng”.

普渡的時，司公道士唸的咒語無幾个人捌，民間定定供體𪜶是「毛呼龜粿粽，紅包在你送」。

🗣 Moelaang pør jip paang, bøo pør cidsielaang.

媒人保入房，無保一世人。

媒人只保證雙方完婚入洞房，不能負責婚後雙方一輩子平順。

Oexkux:
🗣 Sioggie korng: “Moelaang pør jip paang, bøo pør cidsielaang.”Hun'yn beq thngkamtvy, angbor beq høfthaolaau, cin khøx lirn kaf'ki`loq!

俗語講：「媒人保入房，無保一世人。」婚姻欲糖甘甜、翁某欲好透流，盡靠恁家己囉！

Oexkux:
🗣 Peng'iuo ka lie kaesiau thaulo tongjieen cyn hør, mxkøq ti kongsy sviuxbeq u hoattiern, lie ma aix jixncyn øh, kutlat zøx, laang korng: “Moelaang pør jip paang, bøo pør cidsielaang.”

朋友共你介紹頭路當然真好，毋過佇公司想欲有發展，你嘛愛認真學、骨力做，人講：「媒人保入房，無保一世人。」

🗣 Niusvoax suy phoax, kutkeq goanzai.

涼傘雖破，骨格原在。

神明出巡所用的傘雖然破損，但支架還在。傘的支架代表人的骨氣，比喻一個人以前功成名就，現在雖然落魄失意，卻仍保有骨氣；或指出身名門世家，即使家道中衰，家風猶存。

Oexkux:
🗣 Toa zhuotheh ee kviafsun'ar u bøo kaxngkhoarn ee bixnchviw, u laang si “niusvoax suy phoax, kutkeq goanzai”, suo laang zuntiong;u laang si be zhaan be zhux, ho laang korng engafoe.

大厝宅的囝孫仔有無仝款的面腔，有人是「涼傘雖破，骨格原在」，使人尊重；有人是賣田賣厝，予人講閒仔話。

Oexkux:
🗣 Goaxmar yn zhux si u lak leeng ee toaxzhuokhie, svazap nii zeeng in'ui toaxlo beq hurnkhoaq, hoxleeng ho laang siaq nng leeng`khix, goaxtviaa khuizøx toa chialo.Zorng`si “niusvoax suy phoax, kutkeq goanzai”, jibkhix zhuolai iugoaan khvoax e tiøh khahzar ee khiephaix.

外媽𪜶厝是有六龍的大厝起，三十年前因為大路欲楦闊，護龍予人削兩龍去，外埕開做大車路。總是「涼傘雖破，骨格原在」，入去厝內猶原看會著較早的氣派。

🗣 Noaxthoo be koo tid piaq.

爛塗袂糊得壁。

爛泥敷不上牆。指人或東西沒有用，派不上用場。

Oexkux:
🗣 Bengkizay y cidee laang si bøpvoarphied, iawsi kautaix cidkoar kafntafn ee sitthaau ho y chix'khvoax'mai`leq, kietkiok ciaosioong zøx kaq lililaklag, uxviar si “noaxthoo be koo tid piaq”.

明其知伊這个人是無半撇，猶是交代一寡簡單的穡頭予伊試看覓咧，結局照常做甲離離落落，有影是「爛塗袂糊得壁」。

🗣 Ølør kaq e takcih.

呵咾甲會觸舌。

讚美得發出嘖嘖聲，可用來表示「讚美有加」。

Oexkux:
🗣 Goarn taw hangafkhao hid tvax zhaotauxhu, ciah`koex ee laang lorng “ølør kaq e takcih”.

阮兜巷仔口彼擔臭豆腐，食過的人攏「呵咾甲會觸舌」。

🗣 Og bea og laang khiaa.

惡馬惡人騎。

意為很難馴服的馬，總會有比牠更凶惡的騎士來馴服。比喻壞人自有比他更凶惡的人來懲治他，即一物剋一物。

Oexkux:
🗣 Sioggie korng, “Og bea og laang khiaa.”Lie laang ciaq kofix, tongjieen ma bøo y hoad, aix zhoe cidee pie y khaq og ee laang laai ti`y`laq.

俗語講：「惡馬惡人騎。」你人遮古意，當然嘛無伊法，愛揣一个比伊較惡的人來治伊啦。

Oexkux:
🗣 Hid ee gyn'ar ciog aix khihu pie y khaq seahaxn ee laang, citkae twtiøh pie y khaq toa'haxn`ee tø bihchiw, koaikoai'ar ho laang zhorngti, cincviax si “og bea og laang khiaa”.

彼个囡仔足愛欺負比伊較細漢的人，這改拄著比伊較大漢的就覕鬚，乖乖仔予人創治，真正是「惡馬惡人騎」。

🗣 Onglaai thaau, sikoef boea.

王梨頭，西瓜尾。

鳳梨蒂頭的一端比較甜，西瓜是離蒂頭最遠的一端最甜。教導人家如何吃水果及觀察蔬果的自然生態。

Oexkux:
🗣 “Onglaai thaau, sikoef boea”si teq korng onglaai si oar tiethaau ee sofzai sioxngkaix tvy, sikoef tientøx si li tiethaau siong hng ee hid peeng khaq tvy, beq ciah ee sii sefng ciah khaq bøo tvy ee hid peeng tø e juo ciah juo tvy.

「王梨頭，西瓜尾」是咧講王梨是倚蒂頭的所在上蓋甜，西瓜顛倒是離蒂頭上遠的彼爿較甜，欲食的時先食較無甜的彼爿就會愈食愈甜。

🗣 Oafhii cvix zuie.

烏仔魚搢水。

烏魚逆水向前游。比喻不畏困難，積極向上。

Oexkux:
🗣 Thvite baxnbut lorng thafng zøx larn laang ee lauxsw, chinchviu “oafhii cvix zuie”tø khefsi larn aix hioxng khurnlaan thiawciexn.

天地萬物攏通做咱人的老師，親像「烏仔魚搢水」就啟示咱愛向困難挑戰。

🗣 Of kan'ar tea tauxiuu.

烏矸仔貯豆油。

黑色罐子裝醬油。這是歇後語，帶出「看袂出」三個字，黑色醬油裝在黑色罐子裡難以分辨，以「看不出來」的雙關語，比喻看走眼或人不可貌相。

Oexkux:
🗣 Y suijieen zhexngzhaq nar zngf'khaf'soong`leq, mxkøq siuzuie, phahkiuu, chviuokoaf, iefnzaux gagkhix tak hang e, cincviax si “of kan'ar tea tauxiuu”, ho laang khvoax be zhud.

伊雖然穿插若庄跤倯咧，毋過泅水、拍球、唱歌、演奏樂器逐項會，真正是「烏矸仔貯豆油」，予人看袂出。

Oexkux:
🗣 Cidee zaboflaang zhamkaf koachviux pysaix, zwchijiin khvoax y toaxkhof køq zexhoex, tø khvoax y bøo tiarm, sviaflaang zaiviar y “of kan'ar tea tauxiuu”, koasviaf bexsw sviagagkaf, ti baxnglo seakaix toa hongtong.

一个查某人參加歌唱比賽，主持人看伊大箍閣濟歲，就看伊無點，啥人知影伊「烏矸仔貯豆油」，歌聲袂輸聲樂家，佇網路世界大轟動。

🗣 Pafsui ee tiuar, thaau lelee.

飽穗的稻仔，頭犁犁。

飽滿而成熟的稻穗，頭向下。比喻有真實才學的人，反倒謙沖為懷。

Oexkux:
🗣 Juo u hagbun juo u zaizeeng ee laang, nafchviu laang korng`ee “pafsui ee tiuar, thaau lelee”, e ho laang juo zunkexng.

愈有學問愈有才情的人，若像人講的「飽穗的稻仔，頭犁犁」，會予人愈尊敬。

🗣 Paktor nar zuykui, hengkharm nar lauthuy.

腹肚若水櫃，胸坎若樓梯。

肚子像水箱一樣凸起，胸前的肋骨像樓梯一根根突現。形容人營養不良，骨瘦如柴，卻又挺個大肚子的模樣。

Oexkux:
🗣 Huiciw cyn ze kokkaf in'ui kihngf, pehsvex iaukisittngx, cyn ze gyn'ar lorng “paktor nar zuykui, hengkharm nar lauthuy”, ho laang cyn mxkafm.

非洲真濟國家因為飢荒，百姓枵飢失頓，真濟囡仔攏「腹肚若水櫃，胸坎若樓梯」，予人真毋甘。

🗣 Paktor zøx iøqtuu.

腹肚做藥櫥。

把肚子當做藥櫥。比喻人體弱多病，長期服藥。

Oexkux:
🗣 Y zu seahaxn tø taesinmia, “paktor zøx iøqtuu”, ciah iøqar exsae korng si larngsii bøo larngjit.

伊自細漢就帶身命，「腹肚做藥櫥」，食藥仔會使講是閬時無閬日。

🗣 Parngphuix afn kao sym.

放屁安狗心。

放屁給狗聞，讓牠以為有屎可吃。比喻敷衍的給予承諾。

Oexkux:
🗣 Y tag'axm lorng zao kaq bøo khvoartiøh laang, køq chirnzhae ixn korng eaxm beq ka larn taosvakang, goar khvoax y si teq “parngphuix afn kao sym”niaxnia, larn mxthafng ngx'bang`y.

伊逐暗攏走甲無看著人，閣凊彩應講下暗欲共咱鬥相共，我看伊是咧「放屁安狗心」爾爾，咱毋通向望伊。

🗣 Padlaang ee kviar sie be liao.

別人的囝死袂了。

別人的小孩死不完。形容人非常自私，為了自己的利益，不顧別人的死活。

Oexkux:
🗣 Cit'ee phvaysym olokto ee senglylaang, uixtiøh beq sefngpurn, goanliau tøf koex'kii`aq, køq ka y zhafm løqkhix zøx, ma m kviaf laang ciaqliao e køq'viu`be, zerngkefng si “padlaang ee kviar sie be liao”.

這个歹心烏漉肚的生理人，為著欲省本，原料都過期矣，閣共伊摻落去做，嘛毋驚人食了會各樣袂，正經是「別人的囝死袂了」。