海海人生
Hayhae Jinsefng

人生            jinsefng
Jinsefng hayhae, hayhae ee jinsefng.
Jinsefng ee loxtoo cviaa phvaykviaa.
Jinsefng ee lo, larn tiøh siøfsym kviaa.
Jinsefng ee lo, larn taotin kviaa.
Y ee jinsefng cviaa khinsafng.
Goar u cidee khoaelok ee jinsefng.

快活            khvuie’oah
Y ee seng’oah cviaa khvuie’oah.
Y ee seng’oah huisioong khvuie’oah.
Hibang goar ma u khvuie’oah ee seng’oah.
Taixkef lorng køeatiøh khvuie’oah ee seng’oah. 
Khvuie’oah ee seng’oah  ho larn cyn khoaelok,

陰沉            imtiim
Y ee kørsexng cyn imtiim.
Y si cidee imtiim ee laang.
Mxhør sviw imtiim ciaq hør.
Na si sviw imtiim, øe ho laang kviaf.
Lie cidtiafm’ar tø bøe imtimm.

古意           kofix
Lie si cidee kofix laang.
Y ma si cidee kofix laang.
Taioaan laang lorng cyn kofix.
Sviw kofix, uxsii øe ho laang khihu.
Mxthafng sviukøex kofix ciaq hør.


變卦           piernkoax
Mamaf kiøx goar mxthafng piernkoax.
Papaf lorng mxbad piernkoax.
Y tviaxtvia piernkoax, tviaxtvia piernlaai-piernkhix.
Larn bøexsae tviaxtvia piernkoax.
Tviaxtvia piernkoax si øe sitkhix sirn’iong`ee.

越頭           oadthaau
Chviar lirn mxthafng oadthaau khvoax.
Siøfti ittit oadthaau zhøe mamaf.
Lauxsw kiøx taixkef bøexsae oadthaau khvoax.
Chviar lie oadthaau`cde.
Oadthaau`cide, y tø ti lie ee auxpiaq.
        
計較            keakaux
Yn cviaa gaau keakaux.
Yn lorng cviaa gaau keakaux.
Hiahniq’gaau keakaux, karm u khaq tngg?
Keakex-kaokaux, cviaa thiarm.
Keakex-kaokaux, tø bøe khoaelok.
Hoansu mxthafng sviw gaau keakaux.

 
輕輕鬆鬆    khinkhyn-sangsafng
Hibang larn u cidee khinkhyn-sangsafng ee karkii.
Khinkhyn-sangsafng, larn taotin kviaa.
Khinkhyn-sangsafng larn laikhix chitthøo.
Khinkhyn-sangsafng larn laikhix lwheeng.
Hibang larn øextaxng khinkhyn-sangsafng køex jidcie.
Hibang larn øextaxng køeatiøh khinkhyn-sangsafng ee jidcie.
  
作伴           zørphvoa
Lie kab goar zørphvoa taotin kviaa.
Chviar lie kab goar zørphvoa kviaa.
Goar cviaa hvoahie u lie laai zørphvoa.
U lie laai zørphvoa, siøfti ma cviaa hvoahie.
U lirn zørphvoa, goar sviafmih tø lorng mxkviaf.  

牽掛          chienkoax
Mamaf korng, goar si y ee chienkoax.
Papaf ma si mamaf ee chienkoax.
U chienkoax tø øe u hoanlør.
Sviukøex chienkoax tø bøe khinsafng.
Hoansu horngsym, mxthafng sviw chienkoax.