Zuxsixn Iofngkarm Larn ee Miaa

自信      勇敢     咱  的  名

 Zoksuu/zokzheg: Viuu Taixzexng   Sam Yang  楊大正 
 Pien'kheg: Biedhoea khix  Ciw hengge
 編曲：滅火器Fire EX.、周恆毅


Iong lirn saxng goar ee baxnlienpid

用恁送我的萬年筆

Ciofng simlai ee oe siar ti phoezoar

將心內的話寫佇批紙

Zhutsiaxhoe ykefng ciaq ze tafng

出社會已經遮濟冬

Mxbad tuix lirn soehzhud goar ee kafmsia

毋捌對恁說出我的感謝


Goar zaiviar lirn aix goar

我知影恁愛我

Tø chinchviu goar aix goar ee gyn'ar

就親像我愛我的囡仔

Zorng u buhan ee thviarsiøq kab siong chym ee kiarbang

總有無限的疼惜佮上深的寄望


Si lirn khantiøh goarn ee chiuo cidpo cidpo poee goarn kviaa

是恁牽著阮的手一步一步陪阮行

Kviakoex cit'ee tøfsu ee khafmkhiet uxnmia

行過這个島嶼的坎坷運命

Iugoaan iofngkarm ee khia ti ciaf

猶原勇敢的徛佇遮

Bølun hofng goa toa gurn ee sym be tyntang

無論風偌大阮的心袂振動

Gurn si kiaugvo ee Taioaan-gyn'ar

阮是驕傲的台灣囡仔


Chin'aix ee papaf mamaf hibang lirn zaiviar

親愛的爸爸媽媽希望恁知影

Goarn sioxngtoa ee lysiorng mxsi beq goa høfgiah

阮上大的理想毋是欲偌好額

Ti honghong'wuo ee siaxhoe goar ittit cyn phahpviax

佇風風雨雨的社會我一直真拍拚

Ui zhengpeh kab zun'giaam ui cidkehoefar

為清白佮尊嚴為一家伙仔

Kafntafn peng'afn koex seng'oah

簡單平安過生活


Si lirn khantiøh goarn ee chiuo cidpo cidpo poee goarn kviaa

是恁牽著阮的手一步一步陪阮行

Kviakoex cit'ee tøfsu ee khafmkhiet uxnmia

行過這个島嶼的坎坷運命

Iugoaan iofngkarm ee khia ti ciaf

猶原勇敢的徛佇遮

Bølun hofng goa toa gurn ee sym be tyntang

無論風偌大阮的心袂振動

Ciekhix si lirn ka gurn hø ee miaa

志氣是恁共阮號的名

Gurn si kiaugvo ee Taioaan gyn'ar

阮是驕傲的台灣囡仔


Pvoakoex siong koaan ee svoaf zharngjip siong chym ee hae

盤過上懸的山藏入上深的海

Zuxsixn iofngkarm zuxiuzuxzai

自信勇敢自由自在

Larn khia zhutlaai larn khia zhutlaai

咱徛出來咱徛出來

Iong larn ee aix kab kithai

用咱的愛佮期待

Kaxngsym ui Taioaan

仝心為台灣


Si lirn khantiøh goarn ee chiuo cidpo cidpo poee goarn kviaa

是恁牽著阮的手一步一步陪阮行

Kviakoex cit'ee tøfsu ee khafmkhiet uxnmia

行過這个島嶼的坎坷運命

Iugoaan iofngkarm ee khia ti ciaf

猶原勇敢的徛佇遮

Bølun hofng goa toa gurn ee sym be tyntang

無論風偌大阮的心袂振動

Ciekhix si lirn ka gurn hø ee miaa

志氣是恁共阮號的名

Gurn si kiaugvo ee Taioaan gyn'ar

阮是驕傲的台灣囡仔


Zuxsixn iofngkarm ee Taioaan gyn'ar

自信勇敢的台灣囡仔