🗣 aix

🗣 Abie yn ang'afbor chiangzai teq oankef, Abie sviuxbeq lixieen, tagkef ka y khofkhngx korng "ang'afbor si siøkhiarmzex", aix khaq thunlurn`leq.
阿美 翁仔某常在咧冤家，阿美想欲離緣，逐家共伊苦勸講「翁仔某是相欠債」，愛較吞忍咧。

🗣 Abeeng ka ahviaf thør tuo bea`laai ee siesiuo'ar, køq ka acie thør pysaix viaa`laai ee ciofngphirn, tø khix ho amar ka me korng "bagciw koax tawkaix, khvoax laang mih tø aix".
阿明共阿兄討拄買來的四秀仔，閣共阿姊討比賽贏來的獎品，就去予阿媽共罵講「目睭掛斗概，看人物就愛」。

🗣 Abeeng korng yn kviar armsii lorng aix y phø leq khuxn, uxkaux thiarm`ee, thviaf yn pexbuo korng y seahaxn ma cyn phvae iøchi, citmar cincviax si "chiuo phø haijii, ciaq zay pexbuo sii".
阿明講 囝暗時攏愛伊抱咧睏，有夠忝的，聽 爸母講伊細漢嘛真歹育飼，這馬真正是「手抱孩兒，才知爸母時」。

🗣 Abeeng sarn borng sarn, tak tngx png lorng aix ciah six, go voar ciaq zay par, bogkoaix laang lorng korng y "sarn zhaan gaau suq zuie".
阿明瘦罔瘦，逐頓飯攏愛食四、五碗才知飽，莫怪人攏講伊「瘦田𠢕欶水」。

🗣 Abuo korng, "Zøx laang ee sinpu tiøqaix'jip laang mngg, sun laang ix', hvoahie ciapsiu takekvoaf, angsaix ka larn khankax, thafng lioxngzar koarnsix syn khoankerng. "
阿母講：「做人的新婦著愛『入人門，順人意』，歡喜接受大家官、翁婿共咱牽教，通冗早慣勢新環境。」

🗣 Agi`ar koasviaf cyn hør, lauxsw kofle y khix zhamkaf koachviux pysaix, y lorng korng y ciog kviaf cviuxtaai chviuokoaf. Lauxsw korng, "'Kviakviaf be tiøqterng. 'Lie aix iofngkarm khia khykhix bwtaai, ciaq extaxng ho laang zaiviar lie ee koasviaf u goa hør. "
阿義仔歌聲真好，老師鼓勵伊去參加歌唱比賽，伊攏講伊足驚上台唱歌。老師講：「『驚驚袂著等。』你愛勇敢徛起去舞台，才會當予人知影你的歌聲有偌好。」

🗣 Agi si bøhexbøløh ee chitthøar, luie cvii si m bad heeng`laang`koex, lie tiøqaix u hitkhoarn "taixkahkhef paxng zhawhii - u zurn bøo " ee arnsngx, ciaq thafng theh cvii khix ciøq`y.
阿義是無下無落的𨑨迌仔，壘錢是毋捌還人過，你著愛有彼款「大甲溪放草魚──有準無」的按算，才通提錢去借伊。