🗣 bøo

🗣 Abie ittit teq saux thokhaf, lorng bøo hiøhkhuxn.
阿美一直咧掃塗跤，攏無歇睏。

🗣 Abeeng`ar toax ti haghau huokin, tviaxtvia tø khuxn kaux beq sioxngkhøx`aq ciaq beq khie`laai, kietkør laang toax khaq hng`ee lorng kaux haghau`aq, y soaq putsii lorng khaq voax kaux, bogkoaix laang teq korng "kin svoaf zhøx bøo zhaa, kin khef tvaf bøo zuie. "
阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

🗣 Abeeng khuitiaxm zørsenglie u tharntiøh cidtiafm'ar cvii, tø sviuxbeq ciøq cvii khuy liensøftiaxm, yn bor kirn ka toxng korng, lie mxthafng "ciah bøo svaf pea erngzhaix, tø beq cviu sethiefn".
阿明開店做生理有趁著一點仔錢，就想欲借錢開連鎖店， 某緊共擋講，你毋通「食無三把蕹菜，就欲上西天」。

🗣 Abeeng laang cviaa kofix, be buo hiaf ee uxkhangbøsurn ee taixcix.
阿明人誠古意，袂舞遐的有空無榫的代誌。

🗣 Abuo kiøx lie maix ti thokhaf gviauqgviauqsøo, lie bøo thviaf`tiøh si`m?
阿母叫你莫佇塗跤蟯蟯趖，你無聽著是毋？

🗣 Abuun`ar bøseaji ka iaam khvoarzøx peqthngg, ciuxafnnef khad khix zhafm kapy, sidzai si "bagciw hoehoef, puar khvoarzøx zhaekoef".
阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

🗣 Agi`ar chiøx Athor`ar hanban thagzheq, luxncyn laai korng si "kw chiøx piq bøo boea, piq chiøx kw zhof phoee", cidee khør siezap hwn, cidee khør svazabpeq, Agi`ar si u khaq gaau`hiøq?
阿義仔笑阿土仔頇顢讀冊，論真來講是「龜笑鱉無尾，鱉笑龜粗皮」，一个考四十分，一个考三十八，阿義仔是有較𠢕諾？