🗣 bøzaai

🗣 Hvoaa laang bøo zaai, hvoaa ty bøo thaai.
鼾人無財，鼾豬無刣。

🗣 Y m si bøo zaizeeng ciaq zøx be seeng, si u laang teq ka y khiwauxkhaf.
伊毋是無才情才做袂成，是有人咧共伊搝後跤。

🗣 Y ti goarn kongsy tefngsy cviaa moafix, exkhachiwlaang køq ølør kaq e takcih, citkhoarn "cidbin boahpiaq siafng bin kngf " ee kanghw, itpvoaf laang si bøo zaitiau afnnef.
伊佇阮公司頂司誠滿意，下跤手人閣呵咾甲會觸舌，這款「一面抹壁雙面光」的工夫，一般人是無才調按呢。

🗣 Y citzun chiuo lao`tiøh, bøo zaitiau khix kangte zøx zhotang`ee, tø irn cidkoar khaq khinkhør ee sitthaau tngflaai zhux`lie zøx, "borng thaxn khaq be saxn", ma khaq viaa kuikafng ti zhux`lie engsiensiefn.
伊這陣手扭著，無才調去工地做粗重的，就允一寡較輕可的穡頭轉來厝裡做，「罔趁較袂散」，嘛較贏規工佇厝裡閒仙仙。

🗣 Iøo laang bøzaai, iøo ty bøo thaai.
搖人無才，搖豬無刣。

🗣 "Iøo laang bøzaai, iøo ty bøo thaai", larn aix khaq tviaxtiøh`leq, ciaq be ho laang khvoarbexkhie.
「搖人無才，搖豬無刣」，咱愛較定著咧，才袂予人看袂起。