🗣 bak

🗣 Abeeng ka ahviaf thør tuo bea`laai ee siesiuo'ar, køq ka acie thør pysaix viaa`laai ee ciofngphirn, tø khix ho amar ka me korng "bagciw koax tawkaix, khvoax laang mih tø aix".
阿明共阿兄討拄買來的四秀仔，閣共阿姊討比賽贏來的獎品，就去予阿媽共罵講「目睭掛斗概，看人物就愛」。

🗣 Abuun`ar bøseaji ka iaam khvoarzøx peqthngg, ciuxafnnef khad khix zhafm kapy, sidzai si "bagciw hoehoef, puar khvoarzøx zhaekoef".
阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

🗣 Ahoef`ar bagthaau koaan, "bagciw khvoarkoaan, bøo khvoarke", larn cittin zngkhaf ee gyn'afphvoa, citmar lorng ho y khvoarbøo bagte.
阿花仔目頭懸，「目睭看懸，無看低」，咱這陣庄跤的囡仔伴，這馬攏予伊看無目地。

🗣 Akofng saxng kaux pvexvi ee sii suijieen iao zay laang, mxkøq be kofng'oe ma be tyntang, kannaf tiaxmtiam khvoax pvexzhngpvy ee laang, cincviax si "bagciw kimkym laang siongtiong".
阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。

🗣 Ateg`ar cviasit "zhuix par bagciw iaw", bengbeeng tø ciah kaq tviux be løh`khix`aq, bagciw iawkøq kimkym teq kox tøhterng ee hihibahbaq, cincviax uxkaux haxm.
阿德仔誠實「喙飽目睭枵」，明明都食甲脹袂落去矣，目睭猶閣金金咧顧桌頂的魚魚肉肉，真正有夠譀。

🗣 afm bagciw
掩目睭

🗣 bagbaai
目眉