🗣 baxnhang

🗣 Baxnhang tai tiøqaix ciaopoxlaai.
萬項代著愛照步來。

🗣 Baxnhang taixcix aix khvoax khaq khuy`leq, mxthafng sviw keakaux.
萬項代誌愛看較開咧，毋通傷計較。

🗣 Baxnhang taixcix larn tøxsngx khix ti simkvoalai, ma aix chiørchiøx hoee laang lea, laang korng, "Jinzeeng laau cidsvoax, jidau hør siøkhvoax. " auxjidar bøo tekkhag larn ma tiøqaix kiuu`laang.
萬項代誌咱就算氣佇心肝內，嘛愛笑笑回人禮，人講：「人情留一線，日後好相看。」後日仔無的確咱嘛著愛求人。

🗣 Baxnhang taixcix lorng u cien'inhiøxkør.
萬項代誌攏有前因後果。

🗣 Y baxnhang taixcix lorng aix laang taosvakang.
伊萬項代誌攏愛人鬥相共。

🗣 Y baxnhang taixcix lorng beq cviezørzeeng.
伊萬項代誌攏欲搢做前。

🗣 Y hit'ee laang baxnhang taixcix lorng aix laang suxhau.
伊彼个人萬項代誌攏愛人侍候。