🗣 bexsw

🗣 binzhngterng svaf loan hied, bexsw teq aukiamzhaix`leq.
眠床頂衫亂㧒，袂輸咧漚鹹菜咧。

🗣 Goar khix iaxchi'ar khay nngxpaq khof beftiøh citliaau yar, nar zay ze bøo nng kafng tø hai`khix, bexsw zherngphvi koo`ee, laang korng "cidhwn cvii, cidhwn hoex", uxviar siogmih tø bøo hør hoex.
我去夜市仔開兩百箍買著這條椅仔，哪知坐無兩工就害去，袂輸擤鼻糊的，人講「一分錢，一分貨」，有影俗物就無好貨。

🗣 Goar khia ti svoaterng khvoax svoakhaf ee chiatin, cidtaai cidtaai siøciab khvoakhvoa'ar kviaa, bexsw cidboea thaang`leq.
我徛佇山頂看山跤的車陣，一台一台相接寬寬仔行，袂輸一尾蟲咧。

🗣 hiexnzhwsii koklaixgoa ee kengzex cviaa bae, kofchi ittit løh, na beq ngx kofphiøx køq khykex, bexsw si "hoesviu thaau liah satbør", cviaa øq`leq.
現此時國內外的經濟誠䆀，股市一直落，若欲向股票閣起價，袂輸是「和尚頭掠蝨母」，誠僫咧。

🗣 Hit'ee khog'afthaau! Kiøx y chviar`cidtngx, bexsw beq ka koahbaq`leq.
彼个柝仔頭！叫伊請一頓，袂輸欲共割肉咧。

🗣 Hitkhof kvialo sae svakaklagkefng, bexsw chitthølaang.
彼箍行路使三角六肩，袂輸𨑨迌人。

🗣 Y khia ti hiaf bøsviabøsoeq, bexsw mohpiahkuie`leq.
伊徛佇遐無聲無說，袂輸𢯾壁鬼咧。