🗣 bogkoaix

🗣 Abeeng`ar toax ti haghau huokin, tviaxtvia tø khuxn kaux beq sioxngkhøx`aq ciaq beq khie`laai, kietkør laang toax khaq hng`ee lorng kaux haghau`aq, y soaq putsii lorng khaq voax kaux, bogkoaix laang teq korng "kin svoaf zhøx bøo zhaa, kin khef tvaf bøo zuie. "
阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

🗣 Abeeng yn hauxsvef cyn put'haux, bogkoaix laang korng chinsvef kviar mxtat hapaw zaai.
阿明 後生真不孝，莫怪人講親生囝毋值荷包財。

🗣 Abeeng ka theahiukym lorng theqkhix zhafkofphiøx, sviuxbeq cidkhurn'ar tø høfgiah, kaoboea soaq tøx liawcvii, bogkoaix sioggie korng, "Beq høfgiah tarn auxsix, beq zørkvoaf øh zørhix".
阿明共退休金攏提去炒股票，想欲一睏仔就好額，到尾煞倒了錢，莫怪俗語講：「欲好額等後世，欲做官學做戲」。

🗣 Abeeng sarn borng sarn, tak tngx png lorng aix ciah six, go voar ciaq zay par, bogkoaix laang lorng korng y "sarn zhaan gaau suq zuie".
阿明瘦罔瘦，逐頓飯攏愛食四、五碗才知飽，莫怪人攏講伊「瘦田𠢕欶水」。

🗣 Aix ciah thng'ar køq pintvoa sefzhuix, bogkoaix zhuiekhie ciux kuyna khafng.
愛食糖仔閣貧惰洗喙，莫怪喙齒蛀幾若空。

🗣 Goarn amar zeeng apaq kaq azeg zøx gyn'ar ee sizun tø ciog thviax`yn, citmar ma cyn siøq goarn hviamoear kaq goarn zekpehhviati, bogkoaix laang korng, "Siøq hoef lieen phuun, thviax kviar lieen swn. "
阮阿媽從阿爸佮阿叔做囡仔的時陣就足疼 ，這馬嘛真惜阮兄妹仔佮阮叔伯兄弟，莫怪人講：「惜花連盆，疼囝連孫。」