🗣 chiuxthaau

🗣 Hoef khuy kaq kuy chiuxthaau.
花開甲規樹頭。

🗣 Y zhutsyn kojivi, kazaix u cidkoar siexnsym jinsu ka y ciaokox, toaxhaxn liawau ma zay thafng "ciah koefcie paix chiuxthaau; ciah bypng paix zhanthaau", tviaxtvia tngfkhix zøx gixkafng.
伊出身孤兒院，佳哉有一寡善心人士共伊照顧，大漢了後嘛知通「食果子拜樹頭；食米飯拜田頭」，定定轉去做義工。

🗣 Larn na beq ti siaxhoe kaq laang zøx taixcix, tiøqaix ciaokhykafng laai, siefn tø mxthafng sviuxbeq phvy`laang, "chiuxthaau khia ho zai, m kviaf chiuxboea zørhongthay".
咱若欲佇社會佮人做代誌，著愛照起工來，仙都毋通想欲偏人，「樹頭徛予在，毋驚樹尾做風颱」。

🗣 Laang korng, "Chiuxthaau khia ho zai, m kviaf chiuxboea zørhongthay. " Akym`ar zørlaang sidzai køq u sirn'iong, thaotea tø m kviaf laang ti khazhng'au teq svef eng'afoe.
人講：「樹頭徛予在，毋驚樹尾做風颱。」阿金仔做人實在閣有信用，透底都毋驚人佇尻川後咧生閒仔話。

🗣 Chiuxthaau khia ho y zai, m kviaf chiuxboea zørhongthay.
樹頭徛予伊在，毋驚樹尾做風颱。