🗣 ciaq

🗣 Abeeng`ar toax ti haghau huokin, tviaxtvia tø khuxn kaux beq sioxngkhøx`aq ciaq beq khie`laai, kietkør laang toax khaq hng`ee lorng kaux haghau`aq, y soaq putsii lorng khaq voax kaux, bogkoaix laang teq korng "kin svoaf zhøx bøo zhaa, kin khef tvaf bøo zuie. "
阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

🗣 Abeeng go hoex`aq, kofng'oe iao korng be zhengzhør, zhuopvy khvoartiøh yn lauxpe ciaq hoanlør, tø korng, "Toaxkeq kef ban thii, afn`laq! "
阿明五歲矣，講話猶講袂清楚，厝邊看著𪜶老爸遮煩惱，就講：「大格雞慢啼，安啦！」

🗣 Abeeng korng yn kviar armsii lorng aix y phø leq khuxn, uxkaux thiarm`ee, thviaf yn pexbuo korng y seahaxn ma cyn phvae iøchi, citmar cincviax si "chiuo phø haijii, ciaq zay pexbuo sii".
阿明講𪜶囝暗時攏愛伊抱咧睏，有夠忝的，聽𪜶爸母講伊細漢嘛真歹育飼，這馬真正是「手抱孩兒，才知爸母時」。

🗣 Abeeng sarn borng sarn, tak tngx png lorng aix ciah six, go voar ciaq zay par, bogkoaix laang lorng korng y "sarn zhaan gaau suq zuie".
阿明瘦罔瘦，逐頓飯攏愛食四、五碗才知飽，莫怪人攏講伊「瘦田𠢕欶水」。

🗣 Abuo iong zuaftefng ka khorkhaf ee awpoo pirn ho hør, ciaq iong zhaihongchiaf ka chiaf ho høfsex.
阿母用珠仔釘共褲跤的拗裒鉼予好，才用裁縫車共車予好勢。

🗣 Abuo sviuxbeq chi cidciaq kawar kaq y zørphvoa.
阿母想欲飼一隻狗仔佮伊做伴。

🗣 Agi`ar koasviaf cyn hør, lauxsw kofle y khix zhamkaf koachviux pysaix, y lorng korng y ciog kviaf cviuxtaai chviuokoaf.Lauxsw korng, "'Kviakviaf be tiøqterng.'Lie aix iofngkarm khia khykhix bwtaai, ciaq extaxng ho laang zaiviar lie ee koasviaf u goa hør. "
阿義仔歌聲真好，老師鼓勵伊去參加歌唱比賽，伊攏講伊足驚上台唱歌。老師講：「『驚驚袂著等。』你愛勇敢徛起去舞台，才會當予人知影你的歌聲有偌好。」

🗣 Agi si bøhexbøløh ee chitthøar, luie cvii si m bad heeng`laang`koex, lie tiøqaix u hitkhoarn "Taixkahkhef paxng zhawhii - u zurn bøo " ee arnsngx, ciaq thafng theh cvii khix ciøq`y.
阿義是無下無落的𨑨迌仔，壘錢是毋捌還人過，你著愛有彼款「大甲溪放草魚──有準無」的按算，才通提錢去借伊。

🗣 Agi si høfgiah kongzuo, langpan køq bexbae, u hah zaboflaang kerng afng "id chieen, ji ieen, svaf suie, six siaolieen " ee iaokvia, mxciaq u ciog ze moelangpøo lorng beq laai ka y zørchincviaa.
阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。

🗣 Ahwn ka zhaohoaan khngx ti svatulai, afnnef kazoah ciaq be zao`jibkhix.
阿芬共臭礬囥佇衫櫥內，按呢虼蚻才袂走入去。

🗣 Aefng tø bøo aix`lie`aq, lie iawkøq misyminoa teq kiuu`y, lie nar e ciaq gong`laq!
阿英都無愛你矣，你猶閣綿死綿爛咧求伊，你哪會遮戇啦！

🗣 Aeeng thaau cidkae paghngg zexng kengciøf suii tngxtiøh hongthay, liao kaq kiørmxkvar.Kazaix boea`ar voaxkhix iaxchi zøx iuthngf, twtiøh siky hør, ciaq ho y thaxn kaq iusefsea, uxviar si "laang chi laang, cidky kud; thvy chi laang, puizutzud", cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Axmkwnzw si zapolaang ciaq u`ee.
頷頸珠是查埔人才有的。

🗣 Afnnef bøkaux, lie aix køq por`cidkoafar, ciaq uxkaux thafng pwn.
按呢無夠，你愛閣補一寡仔，才有夠通分。

🗣 Au lefpaix tø beq khøfchix`aq, citlefpaix ee hiøhkhurnjit lie iawsi maix zhutkhix chitthøo e khaq wntaxng, ciaq be sii kaux "zhuix ciah, ho khazhngf zhexsiaux".
後禮拜都欲考試矣，這禮拜的歇睏日你猶是莫出去𨑨迌會較穩當，才袂時到「喙食，予尻川坐數」。

🗣 Auxpae goar ciaq ka lie korng.
後擺我才共你講。

🗣 Bahcvix tiøh cvix kaq twafhør ciaq høfciah.
肉糋著糋甲拄仔好才好食。

🗣 Banzek'ar bin'ar ehngf ciaq e tngr`laai.
屘叔仔明仔下昏才會轉來。

🗣 Baxnban'ar lym, ciaq be khix zak`tiøh.
慢慢仔啉，才袂去嗾著。

🗣 Baxnchviafsi, tarn y laai ciahkøq korng.
慢且是，等伊來才閣講。

🗣 Bea nng ciaq keafkviar laai chi.
買兩隻雞仔囝來飼。

🗣 Be miqkvia ho toa tan'ui siaux lorng tiøh sefng kiax`leq, goeqtea ciaq zøx cidkae zhefng, sixkorng "cidzhefng siaf mxtat pehpaq hien", hoex khix cvii bøo khvoax`kvix, zorng`si khaq be horngsym.
賣物件予大單位數攏著先寄咧，月底才做一改清，是講「一千賒毋值八百現」，貨去錢無看見，總是較袂放心。

🗣 Beq afnzvoar zøx, tarn tuiehofng tiaukvia khuy`zhutlaai ciaq piexnkhvoax.
欲按怎做，等對方條件開出來才便看。

🗣 Beq habkor zørsenglie goar sefng taqoexthaau, thvialiao extaxng ciapsiu, ciaq keasiok laai korng.
欲合股做生理我先踏話頭，聽了會當接受，才繼續來講。

🗣 Bøo viafciaq ee taixcix, ia ti baxngloxterng teq harn.
無影跡的代誌，也佇網路頂咧喊。

🗣 Bøeeng ciaq kuo`aq, lie tiøh høfhøfar hiøhkhuxn.
無閒遮久矣，你著好好仔歇睏。

🗣 Bøkaux goar ciaq thvy`lie.
無夠我才添你。

🗣 Bøo cvii mxthafng kea toaxpan, ciaq be ho laang tiaokaau.
無錢毋通假大範，才袂予人吊猴。

🗣 Bofmylaang tviaxtvia ti lie ee khaciah'au korng lie ee phvayoe.
某乜人定定佇你的尻脊後講你的歹話。

🗣 Exkietid y seahaxn ee sii tø cyn sealiabcie, sviuxbexkaux toaxhaxn liawau piexn kaq ciaq iofngzoxng.
會記得伊細漢的時都真細粒子，想袂到大漢了後變甲遮勇壯。

🗣 Vear lefng ciaqliao, aix khaciahphviaf ka y tahtaq`leq ho y phah'eq.
嬰仔奶食了，愛尻脊骿共伊搭搭咧予伊拍呃。

🗣 Gyn'ar aix sefng øh pee, jien'au ciaq øh kviaa.
囡仔愛先學爬，然後才學行。

🗣 Gyn'aflaang tø aix thviazhuix, sixtoaxlaang ciaq be zhausym.
囡仔人就愛聽喙，序大人才袂操心。

🗣 Gyn'ar ciaq kiøx cidsviaf "apaq " niaxnia, lauxpe tø "cidciaq satbør poxng kaq zuyguu toa", korng yn kviar sviafmiq oe tø exhiao korng, zef karm uxviar si cyn`ee?
囡仔才叫一聲「阿爸」爾爾，老爸就「一隻蝨母嗙甲水牛大」，講𪜶囝啥物話都會曉講，這敢有影是真的？

🗣 Gyn'ar zu seahaxn tiøqaix høfhøfar ka karsi, naxbøo "seahaxn thaw barn puu, toaxhaxn thaw khafn guu", thernghau y toaxhaxn hoan giamtiong ee zhørgo ciaq beq laai kax, tø ykefng bexhux`aq.
囡仔自細漢著愛好好仔共教示，若無「細漢偷挽匏，大漢偷牽牛」，聽候伊大漢犯嚴重的錯誤才欲來教，就已經袂赴矣。

🗣 Goar aix tuix tør cidhongbin khix ciaq zhoe e tiøh cit'hang miqkvia?
我愛對佗一方面去才揣會著這項物件？

🗣 Goar khvoax yn nng ee si thiensefng siøkheg, ciaq e kviebin tø siøtag.
我看𪜶兩个是天生相剋，才會見面就相觸。

🗣 Goar kin'afjit bøeeng, kongsy ee taixcix ciaq løhoaan lie taixlie`cide.
我今仔日無閒，公司的代誌才勞煩你代理一下。

🗣 Goar kin'afjit nar e ciaq soeboea!
我今仔日哪會遮衰尾！

🗣 Goar kiørsi lie beq zao`aq, mxciaq bøo ka lie ciøf.
我叫是你欲走矣，毋才無共你招。

🗣 Goar korng ee chiørkhoef koex pvoax tiafmzefng`aq, y kaux citmar ciaq zaiviar thafng chiøx, cincviax si "zabjixgoeh ciah zhaethaau, laggoeh ciaq tngfsaux".
我講的笑詼過半點鐘矣，伊到這馬才知影通笑，真正是「十二月食菜頭，六月才轉嗽」。

🗣 Goar laai kefngzhaix, kefnghør ciaq ho lie sea.
我來揀菜，揀好才予你洗。

🗣 Goar phahsngx beq sefng laikhix Jidpurn thagzheq ciahkøq tngflaai zhoe thaulo.
我拍算欲先來去日本讀冊才閣轉來揣頭路。

🗣 Goar si baxnputtek'ie, ciaq e laai paethog`lie.
我是萬不得已，才會來拜託你。

🗣 Goar sefng sitpoee`hvoq, lexngjit goar ciahkøq laai.
我先失陪乎，另日我才閣來。

🗣 Goar sviu cidkhuxn ciaq liawkae y korng hitkux oe ee iesux.
我想一睏才了解伊講彼句話的意思。

🗣 Goar tva'ar ciaq jibmngg niaxnia.
我今仔才入門爾爾。

🗣 Goar thausefng si khix hitpeeng, au`laai ciaq laai ciaf`ee.
我頭先是去彼爿，後來才來遮的。

🗣 Goar ciahni'ar sirnjim`lie, lie soaq laai ka goar khiphiexn, sidzai ho laang liauxsiofngbexkaux.
我遮爾仔信任你，你煞來共我欺騙，實在予人料想袂到。

🗣 Goar ciahni høfsym, soaq khix ho y goxhoe.
我遮爾好心，煞去予伊誤會。

🗣 Goar ciaq pvoaf`laai, iawboe antaq høfsex.
我才搬來，猶未安搭好勢。

🗣 Goar ciaq sviuxkorng beq khix zhoe`lie, lie tø khax tiexn'oe laai`aq.
我才想講欲去揣你，你就敲電話來矣。

🗣 Goar zengkaotvaf m bad khvoarkoex ciahni'ar khiapsix ee zabor.
我從到今毋捌看過遮爾仔㾀勢的查某。

🗣 Goar zoeakin twtiøh cidkoar taixcix, bøo kaix suxnsi, mxkøq goar sviuxtiøh abuo bad ka goar korng`koex, "Poah cidtør, khiøhtiøh cidciaq kym kebør. " Ciaf ee taixcix itteng extaxng ho goar juo-laai juo-u tiehui, iofngkarm bixntuix itzhex.
我最近拄著一寡代誌，無蓋順序，毋過我想著阿母捌共我講過：「跋一倒，抾著一隻金雞母。」遮的代誌一定會當予我愈來愈有智慧，勇敢面對一切。

🗣 Goar twciaq khvoartiøh nng ee zaboflaang ti keaflo siøme.
我拄才看著兩个查某人佇街仔路相罵。

🗣 Goar tuix cviarbin ka y khvoax, ciaq hoat'hien y svezøx cyn suie.
我對正面共伊看，才發現伊生做真媠。

🗣 Goar oadthaau ciaq khvoartiøh y khia ti auxpiaq.
我越頭才看著伊徛佇後壁。

🗣 Goaxkhao teq løqho, tarn ho theeng ciaq laikhix.
外口咧落雨，等雨停才來去。

🗣 Goarn akofng koeasyn, tvaftharng nng lefpaix ciaq zhutsvoaf.
阮阿公過身，打桶兩禮拜才出山。

🗣 Goarn kviar tagpae ciaqpng lorng aix gvexaq, y ciaq beq høfhøfar ciah.
阮囝逐擺食飯攏愛硬押，伊才欲好好仔食。

🗣 Hi'ar sefng liøo`khuy ciaq svixiaam.
魚仔先𠞭開才豉鹽。

🗣 Hi'ar sefng søf iaam ciaq løqkhix ciefn.
魚仔先挲鹽才落去煎。

🗣 Hit'ee laang ciahsi phvaylaang.
彼个人才是歹人。

🗣 Hitkefng toaxbextviuu ee tiexnnao liensoax ho laang thautheh kuyna zap taai`khix, kefnghofng hoaigii si in'ui "lai siin thofng goa kuie", ciaq e swnsid ciaq giamtiong.
彼間大賣場的電腦連紲予人偷提幾若十台去，警方懷疑是因為「內神通外鬼」，才會損失遮嚴重。

🗣 Hitciaq viuafkviar khix ho say thiahciaqløqpag.
彼隻羊仔囝去予獅拆食落腹。

🗣 Hitciaq kawar ee auxkhaf tng cidky.
彼隻狗仔的後跤斷一肢。

🗣 Hitciaq kawar teq iøo boea.
彼隻狗仔咧搖尾。

🗣 Hitciaq kawar teq chiøf`aq.
彼隻狗仔咧𪁎矣。

🗣 Hitciaq kawar tiøqzhvekviaf ittit pui.
彼隻狗仔著生驚一直吠。

🗣 Hitciaq kao teq siao.
彼隻狗咧痟。

🗣 Hitciaq loxlee ee thaau kiw jibkhix khag laixtea`aq.
彼隻露螺的頭勼入去殼內底矣。

🗣 Hitciaq niauar ee jiawar cyn lai, mxthafng khix ho y jiaux`tiøh.
彼隻貓仔的爪仔真利，毋通去予伊抓著。

🗣 Hong'erng toa ciaq e pefngzuun.
風湧大才會反船。

🗣 Ho langkheq hongpiefn, langkheq ciaq e aix laai.
予人客方便，人客才會愛來。

🗣 Ho løh ciahni toa, goar khvoax e imtoaxzuie.
雨落遮爾大，我看會淹大水。

🗣 Ho løh ciaq toa, y køq ittit lee`khix.
雨落遮大，伊閣一直犁去。

🗣 Hoq! Y nar e ciaq putswkuie!
謼！伊哪會遮不死鬼！

🗣 Hoq! Ciaq khiofngpox!
謼！遮恐怖！

🗣 Hoaxnlaang ee chiwkud ho hengkerng tørao khix khaciah'au.
犯人的手骨予刑警倒拗去尻脊後。

🗣 Hoeky sefng leh hoef ciaq løqkhix zhar.
花枝先剺花才落去炒。

🗣 Hoeathaau hiaq ze`aq, køq ciahni phvayserngte.
歲頭遐濟矣，閣遮爾歹性地。

🗣 Hunlea aix eng aang pox, khiehwn ciaq e taotaq.
婚禮愛用紅布，氣氛才會鬥搭。

🗣 Y aix køq goeqgoaxjit ciaq e tngr`laai.
伊愛閣月外日才會轉來。

🗣 Y aix laang huzhaq ciaq khia e tiaau.
伊愛人扶插才徛會牢。

🗣 Y ee unzeeng larn cyu tafnkaux auxsielaang ciahkøq heeng`aq.
伊的恩情咱只有等到後世人才閣還矣。

🗣 Y gaau kofng'oe, ma hexng kofng'oe, zorng`si uxsi'ar korng ee oe tø bøviafbøciaq, borng thih`ee niaxnia, cincviax si cidkhof "cidzhuix koax siafng cih " ee laang.
伊𠢕講話，嘛興講話，總是有時仔講的話都無影無跡，罔喋的爾爾，真正是一箍「一喙掛雙舌」的人。

🗣 Y goantea si beq sefng thagzheq, in'ui taixhak khør bøo tiaau ciaq khix zhoe thaulo.
伊原底是欲先讀冊，因為大學考無牢才去揣頭路。

🗣 Y hitsiafng ee zheng kaq laptea ciaq tarntiau.
伊彼雙鞋穿甲塌底才擲掉。

🗣 Y hitciaq siøphahkear cyn lixhai.
伊彼隻相拍雞仔真厲害。

🗣 Y in'ui taesinmia ciaq e lorng bøo teq sioxngpafn.
伊因為帶身命才會攏無咧上班。

🗣 Y iong zhør zøx cidciaq kao.
伊用草做一隻狗。

🗣 Y itteng si tefngsielaang siøf hør hviw, ciaq e zhoaxtiøh ciahni hør ee bor.
伊一定是頂世人燒好香，才會娶著遮爾好的某。

🗣 Y ittit cviaa uilaan, m zaiviar beq soarn sviafmihlaang khix pysaix ciaq hør.
伊一直誠為難，毋知影欲選啥物人去比賽才好。

🗣 Y kvafsi u sviafmiq puttek'ie ee khofthiofng, ciaq e zørzhud citciorng taixcix.
伊敢是有啥物不得已的苦衷，才會做出這種代誌。

🗣 Y khahtheng'ar na tngr`laai, ciaq ka ciaf ee miqkvia kaw ho`y.
伊較停仔若轉來，才共遮的物件交予伊。

🗣 Y khiaxm laang cidpid siaux, citmar ciaq teq siekex zongcvii.
伊欠人一筆數，這馬才咧四界傱錢。

🗣 Y koatteng beq thaai cidciaq ty khix siaxgoan.
伊決定欲刣一隻豬去謝願。

🗣 Y løhzøh`jit ciaq tuix Auciw tngr`laai.
伊落昨日才對歐洲轉來。

🗣 Y lorng aix tarn kaq expvoarmee ciaq khuxn e løqbiin.
伊攏愛等甲下半暝才睏會落眠。

🗣 Y lorng korng y kengsiaw ee oiuu cviaa zarn, zerngkefng si "be tee korng tee phafng, be hoef korng hoef aang", larn iawsi kef kviaa`kuykeng'ar ciaq be ho y phvy`khix.
伊攏講伊經銷的烏油誠讚，正經是「賣茶講茶芳，賣花講花紅」，咱猶是加行幾間仔才袂予伊偏去。

🗣 Y lorng si eng y ee cinzeeng teq siar koaf, ciaq e ho laang hiaq kafmtong.
伊攏是用伊的真情咧寫歌，才會予人遐感動。

🗣 Y lorng si khøx hvoaizaai ciaq e hiaq høfgiah.
伊攏是靠橫財才會遐好額。

🗣 Y m si bøo zaizeeng ciaq zøx be seeng, si u laang teq ka y khiwauxkhaf.
伊毋是無才情才做袂成，是有人咧共伊搝後跤。

🗣 Y phvai cidte bie beq khix voa cidciaq kef.
伊揹一袋米欲去換一隻雞。

🗣 Y phvixkhafng koeabirn, mxciaq ittit phahkhachviux.
伊鼻空過敏，毋才一直拍咳啾。

🗣 Y piexnna khvoartiøh goar, tø zhuiechiørbagchiøx, høflea siøciøhmng, mxkøq ti khaciah'au soaq ka goar korng kaq bøo cidtex hør, cincviax si "oa hor oa phii laan oa kud, ty jiin ty bien pud ty sym".
伊便若看著我，就喙笑目笑，好禮相借問，毋過佇尻脊後煞共我講甲無一塊好，真正是「畫虎畫皮難畫骨，知人知面不知心」。

🗣 Y saychiaf khix ka laang loxng`tiøh, soaq zøx y larngkarng, høfkazaix boea`ar u kaq laang høkae, hoatkvoaf ciaq ho y kiarzoe.
伊駛車去共人挵著，煞做伊閬港，好佳哉尾仔有佮人和解，法官才予伊寄罪。

🗣 Y saychiaf cirnzeeng u lym siøciuo køq sae sviw kirn, ciaq e hoatsefng chiahø.
伊駛車進前有啉燒酒閣駛傷緊，才會發生車禍。

🗣 Y siu pexbuo tieixm, ciaq extaxng ciaq høfmia.
伊受爸母致蔭，才會當遮好命。

🗣 Y siuxtiøh ofngkhud, ciaq siekex teq khaozhafn.
伊受著枉屈，才四界咧哭呻。

🗣 Y sviw kynsexng, ciaq e ka taixcix buo kaq afnnef.
伊傷緊性，才會共代誌舞甲按呢。

🗣 Y sviw thafm, ciaq e khix ho piefnsien'ar piern`khix.
伊傷貪，才會去予諞仙仔諞去。

🗣 Y thamtiøh laang høfgiah, ciaq e khix ho laang ciøf.
伊貪著人好額，才會去予人招。

🗣 Y thaukhysefng bøo sviuxbeq tauzw, thviaf goar soatbeeng liawau ciaq koatteng beq kajip.
伊頭起先無想欲投資，聽我說明了後才決定欲加入。

🗣 Y thex laang tvazoe, ciaq e khix zexkvaf.
伊替人擔罪，才會去坐監。

🗣 Y thex laang zexzoe, ciaq e khix laixli'ar ciah biefncvipng.
伊替人坐罪，才會去內籬仔食免錢飯。

🗣 Y tekkhag si khix kvoaa`tiøh, kin'afjit ciaq bøo laai.
伊的確是去寒著，今仔日才無來。

🗣 Y tefngjidar ciaq bøo`khix`ee.
伊頂日仔才無去的。

🗣 Y tø si hiahniq phahpviax, mxciaq e sengkofng.
伊就是遐爾拍拚，毋才會成功。

🗣 Y tø si phvaysimheng, ciaq e siuxtiøh pørexng.
伊就是歹心行，才會受著報應。

🗣 Y chym thaukef ee cvii ciaq e ho thaukef thaithaau.
伊侵頭家的錢才會予頭家刣頭。

🗣 Y ciaq jixncyn liexnsip, cithoee pysaix pau'urn e viaa.
伊遮認真練習，這回比賽包穩會贏。

🗣 Y ciaq m si hitkhoarn e ciaqcvii ee laang.
伊才毋是彼款會食錢的人。

🗣 Y ciahni siaolieen tø tiesinmia, sidzai khøflieen.
伊遮爾少年就致身命，實在可憐。

🗣 Y ciahpng lorng bøo itteng ee sikafn.
伊食飯攏無一定的時間。

🗣 Y ciaq theagvor bøgoaxkuo, tø iangsvathoksix beq zhoe thaulo.
伊才退伍無偌久，就央三託四欲揣頭路。

🗣 Y ciaq zabchit'hoex niaxnia, bexsae lym ciuo.
伊才十七歲爾爾，袂使啉酒。

🗣 Y ciaq zao bøgoaxkuo.
伊才走無偌久。

🗣 Y ciaqthaulo nigoa, kongsy tø tør`khix, lauxpe køq phoarpve toarvi, bixntuix ciahni ze piernkox, cyhør an'uix kaki "zøx guu tiøh thoaf, zøx laang tiøh boaa", ciapsiu khøfgiam, jinsefng e u lexnggoa cidciorng koanto.
伊食頭路年外，公司就倒去，老爸閣破病蹛院，面對遮爾濟變故，只好安慰家己「做牛著拖，做人著磨」，接受考驗，人生會有另外一種懸度。

🗣 Y cincviax si cidee gaulaang, bogkoaix tagkef lorng ciahni'ar zunkexng`y.
伊真正是一个𠢕人，莫怪逐家攏遮爾仔尊敬伊。

🗣 Y cyn u zaizeeng, soaq ho laang oarntox, tioxng'iaux ee khangkhoex lorng bøo y ee hun, sioggie korng, "Iofng'iorng bea pak ti ciongkunthiau. " Ciaq e ittit bextaxng zhutthaau.
伊真有才情，煞予人怨妒，重要的工課攏無伊的份，俗語講：「勇勇馬縛佇將軍柱。」才會一直袂當出頭。

🗣 Y citkoex zhutkog, tiøqaix toaxau`nii ciaq extaxng tørtngr`laai.
伊這過出國，著愛大後年才會當倒轉來。

🗣 Yar kiarm cidciaq.
椅仔減一隻。

🗣 Iaxchi'ar teq be ee miqkvia si samputterng, u hør u bae, u kuix u siok, bagciw tiøh peq ho kym ciaq thafng bea.
夜市仔咧賣的物件是三不等，有好有䆀，有貴有俗，目睭著擘予金才通買。

🗣 Yn akofng terng goeqjit twciaq koeasyn`khix.
𪜶阿公頂月日拄才過身去。

🗣 Yn ka efngkoex ti haghau øh`tiøh ee tieseg exnglaai zøx phvae taixcix, cviarkarng si "thagzheq, thak ti khaciahphviaf".
𪜶共往過佇學校學著的智識用來做歹代誌，正港是「讀冊，讀佇尻脊骿」。

🗣 Yn kviar ti chixlai zørsenglie, samsiiwzun ciaq e tngflaai zngkhaf khvoax sixtoaxlaang cidpae.
𪜶囝佇市內做生理，三時有陣才會轉來庄跤看序大人一擺。

🗣 Yn lauxbuo kaq yn bor be hah, y zøx ciøqbøafsym, m zay beq afnzvoar ciaq hør.
𪜶老母佮𪜶某袂合，伊做石磨仔心，毋知欲按怎才好。

🗣 Yn lauxbuo kuxnii ciaq khiøhgyn'ar niaxnia.
𪜶老母舊年才抾囡仔爾爾。

🗣 Yn si uixtiøh cvii ciaq laai pviebin.
𪜶是為著錢才來變面。

🗣 Yn tefngpof tø zhud`khix`aq, armsii ciaq e tngr`laai.
𪜶頂晡就出去矣，暗時才會轉來。

🗣 In'ui y laang khiao køq tefngcyn, sofie ciaq e u ciaq hør ee sengzeg.
因為伊人巧閣頂真，所以才會有遮好的成績。

🗣 In'ui y tiøqsoaf, goar mxciaq ka y parnghoeq.
因為伊著痧，我毋才共伊放血。

🗣 In'ui løqho, goar kin'afjit ciaq bøo sviuxbeq zhutmngg.
因為落雨，我今仔日才無想欲出門。

🗣 Jidthaau khaq koex`leq ciaq horzuie, zhaix ciaq be lienliefn`khix.
日頭較過咧才戽水，菜才袂蔫蔫去。

🗣 Jidthaau ciahni mea, thvikhix uxkaux joah.
日頭遮爾猛，天氣有夠熱。

🗣 Jiuhii lebahsoaxn laixbin aix u tangsurn ciaq høfciah。
鰇魚螺肉蒜內面愛有冬筍才好食。

🗣 Joah`laang tikøf aix zangzuie, ciaq be joah`tiøh.
熱人豬哥愛灇水，才袂熱著。

🗣 Joaqthvy eng bafngtax ciaq be ho bafng'ar texng.
熱天用蠓罩才袂予蠓仔叮。

🗣 Kaki ee khangkhoex thoaf kaq beq bexhux`aq ciaq beq khaoloa`laang si bexsae`tid`oq!
家己的工課拖甲欲袂赴矣才欲哭賴人是袂使得喔！

🗣 Kakixlaang naftiøh ciaq kauxlefsox?
家己人哪著遮厚禮數？

🗣 Kaki sefng ciørkviax khvoarmai`leq, ciaq be siarsiezexng.
家己先照鏡看覓咧，才袂卸世眾。

🗣 Kafmsi u langkheq beq laai? Eaxm nar e zuo kaq ciahni'ar zhvezhaw?
敢是有人客欲來？下暗哪會煮甲遮爾仔腥臊？

🗣 Kafmsia lie ka goar taosvakang, taixcix ciaq e hiahniq kirn tø zørliao.
感謝你共我鬥相共，代誌才會遐爾緊就做了。

🗣 "Kankhor thaau, khvuieoah boea " ee tøxlie langlaang zay, mxkøq uxtorngthaau ee laang ciaq zøx e kaux.
「艱苦頭，快活尾」的道理人人知，毋過有擋頭的人才做會到。

🗣 Kawar pui kaq ciahni toaxsviaf, itteng si u laang laai thaw liah kef.
狗仔吠甲遮爾大聲，一定是有人來偷掠雞。

🗣 Khangzhuiepoxcih bøloxeng, peqzoafoji ciaq u pinzurn.
空喙哺舌無路用，白紙烏字才有憑準。

🗣 Khangzhuix tiøh eng iøqzuypox paw`leq, ciaq be hoat'hoong.
空喙著用藥水布包咧，才袂發癀。

🗣 Khangzhuix chih`leq, ciaq be køq lauhoeq.
空喙揤咧，才袂閣流血。

🗣 Khix chixtviuu liah cidciaq kef.
去市場掠一隻雞。

🗣 Khix chixtviuu twtiøh cidciaq poechie, cvii tø ho y jiim`khix`aq.
去市場拄著一隻飛鼠，錢就予伊撏去矣。

🗣 Khiachiaf na beq zaix miqkvia, miqkvia tø aix punphvef khngx, ciaq be taxngthaukhyn.
騎車若欲載物件，物件就愛分伻囥，才袂重頭輕。

🗣 Khinkhiam ciaq uxtea.
勤儉才有底。

🗣 Khøhak giefnkiux suiaux thoantui habzog, tagkef siøkekthaunao, khangkhoex ciaq zøx e suykhuix.
科學研究需要團隊合作，逐家相激頭腦，工課才做會媠氣。

🗣 Khør liao bae, biern ti hiaf zhoafntoaxkhuix, kvoafkirn ioxngkofng, ciaq u kihoe pofkiux.
考了䆀，免佇遐喘大氣，趕緊用功，才有機會補救。

🗣 Khorkhaf parngpaxng`leq, khox ciaq be sviw tea.
褲跤放放咧，褲才袂傷短。

🗣 Khoarn zhuolai m si kannaf zaboflaang ciaq extaxng zøx ee khangkhoex.
款厝內毋是干焦查某人才會當做的工課。

🗣 Khvoax lie kvoaa kaq kuisinkhw sihsihzuxn, mxtø kirn theh cidniar khaq kau ee svaf laai zheng, ciaq be khix kvoaa`tiøh.
看你寒甲規身軀爍爍顫，毋就緊提一領較厚的衫來穿，才袂去寒著。

🗣 Kin'afjit nar e ciaq kvoaa`tiøh!
今仔日哪會遮寒著！

🗣 Kin'afjit tiaxm ciaf, bin'afzaix ciaq tngr`khix.
今仔日踮遮，明仔載才轉去。

🗣 Kin'afjit tø si paixchi, mxciaq e be ciaq siok.
今仔日就是敗市，毋才會賣遮俗。

🗣 Kin'afjit ciwlaau laai cidciaq kimsikaau.
今仔日酒樓來一隻金絲猴。

🗣 Kin'afjit u langkheq beq laai, lie aix zwnpi lak tex pngxvoar ciaq uxkaux.
今仔日有人客欲來，你愛準備六塊飯碗才有夠。

🗣 Kinkix y ee kofnghoad, larn engkay tiøh khaq zar zhutmngg ciaq tiøh.
根據伊的講法，咱應該著較早出門才著。

🗣 Kengbiø zørciøx khitkw pøfpeng'afn ee sii, apaq poah siong ze poef, khittiøh hitciaq siong toa ciaq ee bykw.
宮廟做醮乞龜保平安的時，阿爸跋上濟桮，乞著彼隻上大隻的米龜。

🗣 Kengkoex cidkøx goeh liawau, y ciaq tuijin yn kviar kiet'hwn ee suxsit.
經過一個月了後，伊才追認𪜶囝結婚的事實。

🗣 Kefnghofng kinkix hiexntviuu laau`løqlaai ee khapoo hø, ciaq liaqtiøh hoaxnlaang.
警方根據現場留落來的跤捗號，才掠著犯人。

🗣 Kvietiøh laang aix siøciøhmng, ciaq uxlefmau.
見著人愛相借問，才有禮貌。

🗣 Kiøx y laai taux kortvax, soaq zao kaq bøo khvoarkvix viafciaq.
叫伊來鬥顧擔，煞走甲無看見影跡。

🗣 Kølezhaix sefng svixiaam ciaq løqkhix zhar, ciah tiøh kef cyn zhex.
高麗菜先豉鹽才落去炒，食著加真脆。

🗣 Kuiee zafng`khylaai ciaq be loan.
規个㨑起來才袂亂。

🗣 Larn aix sisioong siuiorng larn ee simheng, ciaq be zøx sitteg ee taixcix.
咱愛時常修養咱的心行，才袂做失德的代誌。

🗣 Larn aix thoankied, ciaq be ho laang khvoarsoef.
咱愛團結，才袂予人看衰。

🗣 Larn kofng'oe khuiekhao aix unhøo, oexgie aix zwnzad, mxthafng chviu sioggie korng`ee, "cidkux oe svaf kag lak ciafm", ciaq be khix siongtiøh laang.
咱講話氣口愛溫和，話語愛撙節，毋通像俗語講的，「一句話三角六尖」，才袂去傷著人。

🗣 Larn lorng si kaki ee laang, mxbiern ciahni'ar kauxlefsox.
咱攏是家己的人，毋免遮爾仔厚禮數。

🗣 Larn sefng ze køthiq laikhix Taitiofng, ciahkøq pvoaa hoefchiaf khix Toaxto zhamkoafn Hongkhef Suvi.
咱先坐高鐵來去臺中，才閣盤火車去大肚參觀磺溪書院。

🗣 Larn thagzheq tø mxthafng thak tuix khaciahphviaf`khix.
咱讀冊就毋通讀對尻脊骿去。

🗣 Larn tiaxm ee senglie, lorng si zwkorkheq taux phangtviuu, ciaq u wnteng ee siujip.
咱店的生理，攏是主顧客鬥捀場，才有穩定的收入。

🗣 Larn ciaf u peq ee laang, hiaf ee miqkvia ciaq go langgiah, iao bøkaux svaf ee langgiah.
咱遮有八个人，遐的物件才五人額，猶無夠三个人額。

🗣 Larn zørlaang aix u "kaki zay cidzaang, khaq viaa khvoax padlaang " ee ciekhix, baxnsu khøx kaki, kutlat phahpviax, ciaq u sengkofng ee cidkafng.
咱做人愛有「家己栽一欉，較贏看別人」的志氣，萬事靠家己，骨力拍拚，才有成功的一工。

🗣 Larn zørlaang tiøqaix khiampy, mxthafng zhaophuix, ciaq be ho laang chiøx korng, "Toa tviar boe kurn, sex tviar chiangchiangkurn. "
咱做人著愛謙卑，毋通臭屁，才袂予人笑講：「大鼎未滾，細鼎沖沖滾。」

🗣 Larn zørlaang tiøqaix u ciekhix, ciaq be ho laang khvoarbøo bagte.
咱做人著愛有志氣，才袂予人看無目地。

🗣 Langkheq na beq bea miqkvia, kekiafm'ar tø e hiamtanghiamsay, mxkøq sioggie teq korng, "Hiaam hoex ciahsi bea hoex laang. " Larn tiøqaix naixsym thviaf langkheq korng, theh bøo kang ee safnphirn ho langkheq kerng, senglie ciaq zøx e seeng.
人客若欲買物件，加減仔都會嫌東嫌西，毋過俗語咧講：「嫌貨才是買貨人。」咱著愛耐心聽人客講，提無仝的產品予人客揀，生理才做會成。

🗣 Laang korng, "Aesuie m kviaf laau phvixzuie. " Thvikhix ciahni lerng, y kaxngkhoarn zheng hiaq ciør, lorng m kviaf e kvoaa`tiøh.
人講：「愛媠毋驚流鼻水。」天氣遮爾冷，伊仝款穿遐少，攏毋驚會寒著。

🗣 Laang korng, "Gii laang, m cviaa zhat. " Kazaix kefnghofng u ka taixcix tiauzaf ho y zhengzhør, ciaq bøo oan'ofngtiøh høflaang.
人講：「疑人，毋成賊。」佳哉警方有共代誌調查予伊清楚，才無冤枉著好人。

🗣 Laang korng, "Kviaf bor taixtioxnghw, phaq bor tikawguu. " Lie tiøqaix høfhøfar thviarsiøq lirn khanchiuo ciaq tiøh.
人講：「驚某大丈夫，拍某豬狗牛。」你著愛好好仔疼惜恁牽手才著。

🗣 Laang korng, "Kvoaimngg tiøh zhvoax, kofng'oe tiøh khvoax. " Larn kofng'oe tiøqaix seaji cimciog, ciaq be bøtviubøtii khix ka laang teksid`tiøh.
人講：「關門著閂，講話著看。」咱講話著愛細膩斟酌，才袂無張無持去共人得失著。

🗣 Laang korng, "Phvae zuun twtiøh hør kafnglo. " Citpae taixcix zøx liao suxnsi, putkøx si cidsii ee høfun, larn tiøqaix keasiok poeiorng sidlek, ciaq uxhoatto kwkwtngtngg, ernghux kokciorng ee thiawciexn.
人講：「歹船拄著好港路。」這擺代誌做了順序，不過是一時的好運，咱著愛繼續培養實力，才有法度久久長長，應付各種的挑戰。

🗣 Laang korng, "Thviterng Thvikofng, texe bwkuxkofng. " Lie tuix lirn aku aix khaq zuntiong`leq, auxpae zhoaxbor tiøh ngx y ze toaxui, ciaq thernghør khuitøq`neq.
人講：「天頂天公，地下母舅公。」你對恁阿舅愛較尊重咧，後擺娶某著向伊坐大位，才聽好開桌呢。

🗣 Laang korng, "Ciaqkirn lorngphoax voar. " Zøx taixcix mxhør afnnef hionghiongkongkoong, tiøh sefng sviu ho khaq cimciog`leq ciaq laai zøx.
人講：「食緊挵破碗。」做代誌毋好按呢兇兇狂狂，著先想予較斟酌咧才來做。

🗣 Laang korng, "Zørtiøh phvae zhaan bang e tafng, zhoaxtiøh phvae bor cidsielaang. " Soarn tuiesiong bagciw tiøh peq ho kym, ciaq be cidsielaang kankhofzexkoax.
人講：「做著歹田望下冬，娶著歹某一世人。」選對象目睭著擘予金，才袂一世人艱苦罪過。

🗣 Laang lorng zøx kaq beq hør`aq, y ciaq laai koahtiuafboea.
人攏做甲欲好矣，伊才來割稻仔尾。

🗣 Laang nar e ciaq ze`tiøh!
人哪會遮濟著！

🗣 Lauxsw karkhøx ee loexioong lie tiøqaix lykae ciaq exeng`tid.
老師教課的內容你著愛理解才會用得。

🗣 Lie aix køq ka y siør tefng`cide, y ciaq exkix`tid.
你愛閣共伊小叮一下，伊才會記得。

🗣 Lie aix thafnkhisyn ciaq extaxng koex.
你愛坦敧身才會當過。

🗣 Lie aix u zhutthoad laang ciaq e khvoarlyu.
你愛有出脫人才會看你有。

🗣 Lie ee simkvoaf nar e ciaq hioong?
你的心肝哪會遮雄？

🗣 Lie ee chiuo aix hvoa ho y hør, ciaq be poaqtør.
你的手愛扞予伊好，才袂跋倒。

🗣 Lie ho goar siør bii`cide, goar ciaq poee lie khix.
你予我小眯一下，我才陪你去。

🗣 Lie itteng u amkhaxm sviafmiq taixcix, ciaq e ittit ti hiaf kansin'afchiøx.
你一定有掩崁啥物代誌，才會一直佇遐奸臣仔笑。

🗣 Lie ji siar kaq ciaq løfzhør, sviaflaang khvoaru?
你字寫甲遮潦草，啥人看有？

🗣 Lie ka hangloo theqkhix goaxkhao siernhofng, afnnef hoea ciaq e khaq iam.
你共烘爐提去外口搧風，按呢火才會較炎。

🗣 Lie khix ka hitciaq ah'ar hiaxm ho y zao.
你去共彼隻鴨仔喊予伊走。

🗣 Lie khix ka thang'afmngg kvoay`khylaai, ciaq be phoahho.
你去共窗仔門關起來，才袂潑雨。

🗣 Lie khix khvoarmai, ciaq laai ka goar korng.
你去看覓，才來共我講。

🗣 Lie korng nar lie korng, goar ciaq m siongsixn.
你講若你講，我才毋相信。

🗣 Lie kvoaa`tiøh ciaq hør niaxnia, mxthafng zhutkhix goaxkhao khauhofng.
你寒著才好爾爾，毋通出去外口剾風。

🗣 Lie mxthafng afnnef tidtit zøx, lorng bøo hiøhkhuxn, suiborng lirn taw citzam'ar khaq khurnlaan, mxkøq "thaxn ia tiøh thaxn, ciah ia tiøh ciah", ma aix thengkhuxn ciaqpng, ciaq u khuielat thafng zøx khangkhoex.
你毋通按呢直直做，攏無歇睏，雖罔恁兜這站仔較困難，毋過「趁也著趁，食也著食」，嘛愛停睏食飯，才有氣力通做工課。

🗣 Lie mxthafng suii ciaqpar tø køq ciah pefng, ciah siesiuo'ar, ciaq be "ciah tvy ciah kiaam, zhaux khaphvixliaam".
你毋通隨食飽就閣食冰、食四秀仔，才袂「食甜食鹹，臭跤鼻臁」。

🗣 Lie mxthafng ciahni thihkhie! Thviaf lauxtoaxlaang ee oe tø bøo mxtiøh.
你毋通遮爾鐵齒！聽老大人的話就無毋著。

🗣 Lie m zaiviar "zhvekoong kao ciah bøo sae " ee tøxlie si`m? Citkhoarn taixcix, tiøqaix kynsuxkhvoapan, thernghau keaoe sviu ho ciucix ciaq laai zhwlie.
你毋知影「生狂狗食無屎」的道理是毋？這款代誌，著愛緊事寬辦，聽候計畫想予周至才來處理。

🗣 Lie maix ciahni iausaai, cidky zhuix ciah bøo hiøhkhuxn.
你莫遮爾枵饞，一支喙食無歇睏。

🗣 Lie nar e kviaa ciaq ban!
你哪會行遮慢！

🗣 Lie nar e ciaq hotoo, ciahni iaokirn ee taixcix kerngjieen bexkix`tid.
你哪會遮糊塗，遮爾要緊的代誌竟然袂記得。

🗣 Lie nar e ciaq hoafn`laq!
你哪會遮番啦！

🗣 Lie nar e ciaq kuo ciaq laai?
你哪會遮久才來？

🗣 Lie nar e ciahni khasaw? Lieen zef ah bexhiao.
你哪會遮爾跤梢？連這曷袂曉。

🗣 Lie taixcix buo kaux citkhoarn texpo, ciaq ho goar laai siuboea, karm be sviw chiaukoex?
你代誌舞到這款地步，才予我來收尾，敢袂傷超過？

🗣 Lie tiøqaix jixncyn phahpviax, ciaq u zhutthaau ee cidjit.
你著愛認真拍拚，才有出頭的一日。

🗣 Lie tiøh høfhøfar phahpviax, jidau ciaq u zhutthoad.
你著好好仔拍拚，日後才有出脫。

🗣 Lie tø beq zao`aq, maix koarn ciaq ze.
你都欲走矣，莫管遮濟。

🗣 Lie tø toaxlangtoaxzerng`aq, køq ciaq luithuii.
你都大人大種矣，閣遮擂槌。

🗣 Lie tø aix khaq ciap ka y kofle, y ciaq e cirnpo.
你就愛較捷共伊鼓勵，伊才會進步。

🗣 Lie tø si aix laang ti pvy`ar karmtog, ciaq e thagzheq.
你就是愛人佇邊仔監督，才會讀冊。

🗣 Lie tø si bøo ciekhix ciaq e ho laang khvoarbøkhie.
你就是無志氣才會予人看無起。

🗣 Lie tø si hvixkhangkhyn, ciaq e tviaxtvia ho laang phiexn.
你就是耳空輕，才會定定予人騙。

🗣 Lie tø si khortoax haa bøo aan ciaq e ittit ti hiaf larng khox.
你就是褲帶縖無絚才會一直佇遐攏褲。

🗣 Lie tø si lorng bøo siuheng, serngte ciaq e ciahni'ar bae.
你就是攏無修行，性地才會遮爾仔䆀。

🗣 Lie tø si m kherng phahpviax mxciaq e ho laang khvoarsoef.
你就是毋肯拍拚毋才會予人看衰。

🗣 Lie ciaq zao bøgoaxkuo, y tø laai`aq.
你才走無偌久，伊就來矣。

🗣 Lie ciaq ciah cidtiafm'ar miqkvia nar e par?
你才食一點仔物件哪會飽？

🗣 Lie ciaq toaxhaxn, khihu seahaxn`ee karm u gaau?
你遮大漢，欺負細漢的敢有𠢕？

🗣 Lie ciaxmchviar laau toax ciaf, tarn`leq ciaq tngr`khix.
你暫且留蹛遮，等咧才轉去。

🗣 Lie cvii na uxkaux ciaq thafng bea.
你錢若有夠才通買。

🗣 Lie cit'ee gyn'ar nar e ciahni'ar kawkoaix!
你這个囡仔哪會遮爾仔狡怪！

🗣 Lie cit'ee gyn'ar "cidjit zawphaphaf, cidmee tiarm tenglaa", kuikafng kox leq chitthøo, armsii ciaq laai nar siar sioktee nar tuhkw, sidzai cviaa hai.
你這个囡仔「一日走拋拋，一暝點燈膋」，規工顧咧𨑨迌，暗時才來那寫宿題那盹龜，實在誠害。

🗣 Lie cit'ee khøflieen ee gyn'ar, ciahni seahaxn lauxpe tø laai koeasyn`khix.
你這个可憐的囡仔，遮爾細漢老爸就來過身去。

🗣 Lie cit'ee mxcviagyn'ar, ciaqpar zhuo poaqkiao, ofnghuix lirn pexbuo ka lie chviaiorng kaq ciaq toaxhaxn.
你這个毋成囡仔，食飽取跋筊，枉費恁爸母共你晟養甲遮大漢。

🗣 Lie citciaq armkongciao, svakvepvoarmee`aq iao m khuxn.
你這隻暗光鳥，三更半暝矣猶毋睏。

🗣 Lie cidgoeqjit ciaq thaxn hitsut'ar cvii, kaki tø chi be par`aq, køq sviuxbeq øh laang hakzhux hag chiaf, cincviax si "iamkef thaxn hong poef".
你一月日才趁彼屑仔錢，家己都飼袂飽矣，閣想欲學人蓄厝蓄車，真正是「閹雞趁鳳飛」。

🗣 Lie zngf kaq ciaq phied, beq khix tøfui?
你妝甲遮撇，欲去佗位？

🗣 Lirn kongsy na u khoeq, ciaq paethog lie ka goar anzhaq`cide.
恁公司若有缺，才拜託你共我安插一下。

🗣 Lirn na koatsym beq ciab lauxpe ee senglie, tø aix hoxsiofng thefliong, "hviati na kaxngsym, othoo piernseeng kym", tangzee phahpviax ciaq e sengkofng.
恁若決心欲接老爸的生理，就愛互相體諒，「兄弟若仝心，烏塗變成金」，同齊拍拚才會成功。

🗣 Lirn chiaau høfsex ciaq ka goar korng kietkør.
恁撨好勢才共我講結果。

🗣 Lirn citmar kiet'hwn`aq, aix tngfzhuix kiøx y toaxpeq mxciaq tiøh.
恁這馬結婚矣，愛轉喙叫伊大伯毋才著。

🗣 Lexngjit larn ciaq zørhoea ciaqpng.
另日咱才做伙食飯。

🗣 Lexngkafng uxeeng ciahkøq laai zhoe lie khaikarng.
另工有閒才閣來揣你開講。

🗣 Lorng si lie sviw seng`y, ciaq tiesuo y kin'afjit e pvix afnnef.
攏是你傷倖伊，才致使伊今仔日會變按呢。

🗣 Lomoaa lauxpe kerngjieen zhud cidee cioxnggoaan kviar, hit'ee isefng ee hauxsvef soaq tientøx ciaq loxngtong, uxviar si "phvae teg zhud hør surn, hør teg zhud kulurn".
鱸鰻老爸竟然出一个狀元囝，彼个醫生的後生煞顛倒遮浪蕩，有影是「歹竹出好筍，好竹出痀崙」。

🗣 Mxthafng ti laang ee khaciah'au korng laang ee phvayoe.
毋通佇人的尻脊後講人的歹話。

🗣 M zaiviar y tangsii ciaq e laai.
毋知影伊當時才會來。

🗣 Mafmaq kin'afjit ee bixnseg koaekoaix, larn aix khaq koay`leq, ciaq be ho laang me.
媽媽今仔日的面色怪怪，咱愛較乖咧，才袂予人罵。

🗣 Mee`sii m khuxn, jit`sii ciaq teq tuhkw.
暝時毋睏，日時才咧盹龜。

🗣 Nng ciaq guu teq siøtag.
兩隻牛咧相觸。

🗣 Øh Engbuun aix tviaxtvia hiefn jixtiern, ciaq e cirnpo.
學英文愛定定掀字典，才會進步。

🗣 Ofnghuix goar tuix lie huozhud ciahni'ar ze, lie cidtiafm'ar tø m zay tiøh kafm'wn.
枉費我對你付出遮爾仔濟，你一點仔都毋知著感恩。

🗣 Oong gixoaan khix ho laang søvi'afthngf ciaq bøo køq zhamsoarn.
王議員去予人挲圓仔湯才無閣參選。

🗣 Ongtarng`ee koeasyn liawau ciaq teq punkehoea, hauxsvef, zabofkviar tagkef siøzvef be soaq, kuijit oankeniuzex, cincviax si "pwn be pvee, phaq kaq Jixkawmee".
王董的過身了後才咧分家伙，後生、查某囝逐家相爭袂煞，規日冤家量債，真正是「分袂平，拍甲二九暝」。

🗣 O'ar tiøqaix safng ciaq e høfciah.
芋仔著愛鬆才會好食。

🗣 Paktofiaw bøo zaitiau zøx khangkhoex, aix ciaqpar ciaq u khuielat.
腹肚枵無才調做工課，愛食飽才有氣力。

🗣 Paktor tviux kaq ciaq toa ee.
腹肚脹甲遮大个。

🗣 Paktor ciaq toa hay.
腹肚遮大奒。

🗣 Parng'øh tngr`laai, y tø køq liu, ciahni jixncyn, itteng e thak kaq tiaupag.
放學轉來，伊就閣餾，遮爾認真，一定會讀甲牢腹。

🗣 Padjidar khaq eeng ciaq laikhix.
別日仔較閒才來去。

🗣 Paukør aix eng liamkaf liaam`leq, ciaq be khuy`khix.
包裹愛用黏膠黏咧，才袂開去。

🗣 Png ciaqliao ciaq ciah koefcie.
飯食了才食果子。

🗣 Pørmiaa kaux zahngf si sioxngboea kafng, kin'afjit ciaq beq pøx tø bexhux`aq.
報名到昨昏是上尾工，今仔日才欲報就袂赴矣。

🗣 pvoax ciaq
半隻

🗣 Sae kaux khazhngkhao ciaq beq paxng.
屎到尻川口才欲放。

🗣 saykirn ciaq beq khuy hak
屎緊才欲開礐

🗣 Sva'ar aix ciaqcviw`koex, ciaq e zhwn.
衫仔愛食漿過，才會伸。

🗣 svaf ciaq kao
三隻狗

🗣 svaf ciaq zuun
三隻船

🗣 Seahaxn aix jixncyn øh, toaxhaxn ciaq e cviaviu.
細漢愛認真學，大漢才會成樣。

🗣 Seakaepoef khakiuu pysae, ciernhorng piernhoax cyn toa, tiøqaix kaoboea ciaq zay suviaa.
世界杯跤球比賽，戰況變化真大，著愛到尾才知輸贏。

🗣 Sikoef tiøqaix tiøqsii ciaq e høfciah.
西瓜著愛著時才會好食。

🗣 Sikafn ciaq tea, karm zøx exhux?
時間遮短，敢做會赴？

🗣 Sviaflaang m bad sitpai`koex? Laang korng, "E poah ciaq e toa. " Zøx mxtiøh`khix ka torngzøx kenggiam, mxciaq saf e tiøh zøx khangkhoex ee mekag, ma ciaq e juo-zøx juo-segchiuo.
啥人毋捌失敗過？人講：「會跋才會大。」做毋著去共當做經驗，毋才捎會著做工課的鋩角，嘛才會愈做愈熟手。

🗣 Sviartwsviax, goar ciaq iøq y bøo beq laai, y tø khax tiexn'oe korng beq zhefngkar`aq.
聖拄聖，我才臆伊無欲來，伊就敲電話講欲請假矣。

🗣 Siaolienlaang aix khaq phahpviax`leq, ciaq be ciaqlau mxcviaviu.
少年人愛較拍拚咧，才袂食老毋成樣。

🗣 Siaolienlaang tuo zhutgiap, mxkoarn ciaqthaulo iaqsi kaki zøx thaukef, "baxnsu khythaau laan", aix tauqtauqar laai, kienchii`løqkhix, zøx e kuo ciaq u sengkofng ee kihoe.
少年人拄出業，毋管食頭路抑是家己做頭家，「萬事起頭難」，愛沓沓仔來，堅持落去，做會久才有成功的機會。

🗣 Sinkhw khix horzuie horhox`leq, ciaq be hiaq joah.
身軀去戽水戽戽咧，才袂遐熱。

🗣 Sinthea u zawzoah, ciaq be ciaqpng.
身體有走縒，才袂食飯。

🗣 Sefng ho yn nng ee zhuichiaau høfsex, larn ciaq laai koatteng soax`løqlaai beq afnzvoar zøx.
先予𪜶兩个推撨好勢，咱才來決定紲落來欲按怎做。

🗣 Sefng khvoarkhoarn ciaq korng.
先看款才講。

🗣 Sefng kuioe ho hør, ciaq laai cip'heeng.
先規畫予好，才來執行。

🗣 Senglylaang chirnthaau aix uxkaux, senglie ciaq zøx e kuo.
生理人秤頭愛有夠，生理才做會久。

🗣 Senglylaang cvizuie ciaq e khaq oah, na goarn zøhsitlaang tø khaq hat.
生理人錢水才會較活，若阮作穡人就較乏。

🗣 Senglie tiøqaix sngrexhøo ciaq thafng zøx.
生理著愛算會和才通做。

🗣 Sioggie korng, "Siøme bøo kerng zhuix, siøphaq bøo kerng ui. " Larn na iekiexn be hah ee sii, mxthafng liammy hoatserngte, ciaq be oafn kaq kafmzeeng phahphvayliawliao`khix.
俗語講：「相罵無揀喙，相拍無揀位。」咱若意見袂合的時，毋通連鞭發性地，才袂冤甲感情拍歹了了去。

🗣 Sioggie korng, "Tngxcviuo zapof zøx sviuokafng, tngxcviuo zabor ciuo khangpaang. " Yzar citkux bøviafbøciaq ee oe, haixsie cidkoar tngxcviuo ee zaboflaang, cincviax si befmia.
俗語講：「斷掌查埔做相公，斷掌查某守空房。」以早這句無影無跡的話，害死一寡斷掌的查某人，真正是買命。

🗣 Sioggie korng, "Chienkym bea zhux, ban kym bea zhuopvy. " Zoeakin sviuxbeq bea zhux, khvoax zhux ee sii, lorng ma cimciog tharmthviaf zhuopvy si sviafmiq khoarn laang, na u hør zhuopvy, ciaq kvar bea`løqlaai.
俗語講：「千金買厝，萬金買厝邊。」最近想欲買厝，看厝的時，攏嘛斟酌探聽厝邊是啥物款人，若有好厝邊，才敢買落來。

🗣 Sioggie korng, "U viu khvoax viu, bøo viu kaki sviu. " Larn zøx taixcix, tuliao zhamkhør padlaang ee kenggiam, twtiøh`ar ma exsae kaki sviu khvoax u padee poxsox`bøo, mxciaq e cirnpo.
俗語講：「有樣看樣，無樣家己想。」咱做代誌，除了參考別人的經驗，拄著仔嘛會使家己想看有別的步數無，毋才會進步。

🗣 Sidbut itteng aix zhengkhix, ciaq u oexsefng.
食物一定愛清氣，才有衛生。

🗣 Søh'ar aix køq zheg khaq tea`leq, ciaq be sviw lafng.
索仔愛閣促較短咧，才袂傷櫳。

🗣 Søh'ar aix phaq sykad ciaq be lud`khix.
索仔愛拍死結才袂甪去。

🗣 Søh'ar lek khaq aan`leq, ciaq be khix ho hofng zhoelag`khix!
索仔勒較絚咧，才袂去予風吹落去！

🗣 Sofzai bøkaux khoaq, miqkvia aix siøthah ciaq be tirn'ui.
所在無夠闊，物件愛相疊才袂鎮位。

🗣 Sutongsii lie na thviaf goar ee oe, tø be buo kaq ciahni phvaysiusvoaf.
斯當時你若聽我的話，就袂舞甲遮爾歹收山。

🗣 Suxau ciaq laai hiøxhoea tø bexhux`aq.
事後才來後悔就袂赴矣。

🗣 Soafnkie ee sii, cyn ciap khvoartiøh cidkoar hauxsoafnjiin ka bøviafbøciaq ee taixcix korng kaq nar cyn`ee, cviarkarng si laang teq korng`ee "peqpeqpox nie kaq of".
選舉的時，真捷看著一寡候選人共無影無跡的代誌講甲若真的，正港是人咧講的「白白布染甲烏」。

🗣 Tagjit zøhsid zøq kaq iøciahkud kioxngbeq cih`khix.
逐日作穡作甲腰脊骨強欲折去。

🗣 Tagkef aix høzee, ciaq e sengkofng.
逐家愛和齊，才會成功。

🗣 Tagkef taotin zøx khangkhoex, tiøh khaq taotaq`leq, ciaq e kynkhuix.
逐家鬥陣做工課，著較鬥搭咧，才會緊氣。

🗣 Tarn nngfpof ciaq laikhix bea koefcie.
等軟晡才來去買果子。

🗣 Tangthvy ciaqpor, ciaq e cihlat, sinthea e khaq iofngkvia.
冬天食補，才會接力，身體會較勇健。

🗣 tvaciaq
今才

🗣 Tvarthaau nngxpeeng tiøh khngx ho siethin, ciaq be taxngthaukhyn.
擔頭兩爿著囥予四伨，才袂重頭輕。

🗣 Taotea tiøqaix afnzvoar zøx, lie ciaq e siongsixn?
到底著愛按怎做，你才會相信？

🗣 Tea kaq ciaq zat.
貯甲遮實。

🗣 Teafzhuix aix hofng`khylaai, pviar ciaq be jun`khix.
袋仔喙愛封起來，餅才袂潤去。

🗣 Texky aix phaq ho pvepang, zhux khie liao ciaq e zai.
地基愛拍予平棒，厝起了才會在。

🗣 Thaxn siok sefng khix bea hiuar, thernghau khaq kvoaa ee sizun ciaq theh zhutlaai zheng.
趁俗先去買裘仔，聽候較寒的時陣才提出來穿。

🗣 Thvikhix ciaq kvoaa, ciah hoefkøf cviartongsii.
天氣遮寒，食火鍋正當時。

🗣 Thvikhix cviaa kvoaa, lie tiøqaix sefng boaq bixn'iuu ciaq zhutmngg.
天氣誠寒，你著愛先抹面油才出門。

🗣 Thiutibøfsoex`ee ciaq e kaq lauxbuo kang svex.
抽豬母稅的才會佮老母仝姓。

🗣 Thokhaf aix chiangzuie ciaq sea e zhengkhix.
塗跤愛沖水才洗會清氣。

🗣 Thokhaf sefng zu pørzoar ciaq khaisie iuzhad.
塗跤先苴報紙才開始油漆。

🗣 Thoanthea seng'oah, koklaang ee ioxngphirn tiøh zøx kiejin, ciaq be theh mxtiøh`khix.
團體生活，各人的用品著做記認，才袂提毋著去。

🗣 Tiexnviar khvoarsoaq ciaq laikhix ciaqpng.
電影看煞才來去食飯。

🗣 Tek'ar aix liøqar hafng`cide, ciaq uxhoatto ut'ao.
竹仔愛略仔烘一下，才有法度鬱拗。

🗣 Tekkhag ee taixcix ciaq thafng korng.
的確的代誌才通講。

🗣 Tekkøf aix giah thafntit ciaq extid jip`khix.
竹篙愛攑坦直才會得入去。

🗣 Tefngjidar goarn bad teksid`y, y mxciaq tviaxtvia laai teq kaupvef.
頂日仔阮捌得失伊，伊毋才定定來咧交繃。

🗣 Tøf ciahni axm`aq, u sviafmiq taixcix tarn bin'afzaix ciahkøq korng.
都遮爾暗矣，有啥物代誌等明仔載才閣講。

🗣 Zaixcit'ee laang ciaq u cit'hang hokli.
在職的人才有這項福利。

🗣 Zef aix kuie kafng ciaq e oanseeng?
這愛幾工才會完成？

🗣 Zef goarn zabofswn, terng lefpaix ciaq taixhak zhutgiap.
這阮查某孫，頂禮拜才大學出業。

🗣 Zef khngx ti ciaf, oadthaau ciaq laai theh.
這囥佇遮，越頭才來提。

🗣 Zef kwnii zerngthaau`aq, tiøqaix naixsym tixliaau, tauqtauqar tiauiorng, ciaq e kiernhau.
這久年症頭矣，著愛耐心治療，沓沓仔調養，才會見效。

🗣 Zef si y kuy mee bøo khuxn, kekthaunao ciaq siar`zhutlaai ee keaoexsw.
這是伊規暝無睏，激頭腦才寫出來的計畫書。

🗣 Zef siong kirn ma tiøqaix kaux au`jit ciaq e hør.
這上緊嘛著愛到後日才會好。

🗣 Zef ciaq kuix, maix bea`laq!
這遮貴，莫買啦！

🗣 Ze sviw kuo iøciahkud e sngf, sioxngbøo ma pvoax tiafmzefng tø khylaai zhunluun`cide.
坐傷久腰脊骨會痠，上無嘛半點鐘就起來伸輪一下。

🗣 Zhaa zøx ee miqkvia aix lux ho y pvee ciaq høfkhvoax.
柴做的物件愛鑢予伊平才好看。

🗣 Zhanhngg na u siw, ciawciaq ciaqtid goa?
田園若有收，鳥隻食得偌？

🗣 Zhang'ar tiøqaix tuxzuie ciaq e khaq chvizhex.
蔥仔著愛駐水才會較鮮脆。

🗣 Chitthøo ciaq ze kafng, lie ma hør siusym`aq.
𨑨迌遮濟工，你嘛好收心矣。

🗣 Chittiarm ciaq zextøq, citzun khix sviw zar.
七點才坐桌，這陣去傷早。

🗣 Chiwngr piq`khylaai ciaq be taam.
手䘼撆起來才袂澹。

🗣 Chviu si liogtexsiong siong toa ciaq ee toxngbut.
象是陸地上上大隻的動物。

🗣 Zhoe thaulo zhoe kuy goeqjit lorng zhoexbøo, goar nar e ciaq soesiaau.
揣頭路揣規月日攏揣無，我哪會遮衰潲。

🗣 Zhuix ka kefng`khuy ciaq extaxng koaxn iøqar.
喙共弓開才會當灌藥仔。

🗣 Zhutzw ee laang mxthafng siekex zao, ciaq be khix ka laang oex`tiøh.
出珠的人毋通四界走，才袂去共人穢著。

🗣 Ciaf ee zhaix aix exng puii ciaq e suie.
遮的菜愛壅肥才會媠。

🗣 Ciaf si zawsvoaf liawau ciaq piernseeng afnnef.
遮是走山了後才變成按呢。

🗣 Ciaq kau ee ciuo cyn phvae løqaau.
遮厚的酒真歹落喉。

🗣 ciahkøq korng`laq
才閣講啦

🗣 Ciaq kuo`aq tø heeng be zhud`laai, kuikhix siafsix`lie.
遮久矣都還袂出來，規氣捨施你。

🗣 Ciaq toaxhaxn`aq, aix zaikhintang.
遮大漢矣，愛知輕重。

🗣 Ciah kaq pvoarløflau ciaq khaisie øh tiexnnao.
食甲半老老才開始學電腦。

🗣 Ciah kaq ciaq ze hoex`aq iawkøq teq ui sixsex thoamia.
食甲遮濟歲矣猶閣咧為序細拖命。

🗣 Ciaqlau ma tiøh khiam koar cvigiin, baxnput'heng na phoarpve, ciaq u thafng khix ho isefng khvoax.
食老嘛著儉寡錢銀，萬不幸若破病，才有通去予醫生看。

🗣 Ciah mih'ar kaux zhuiekhao ciaq kalauh`khix.
食物仔到喙口才交落去。

🗣 "Ciaqpng hongtex toa", tngteq ciaqpng maix liaxmtangliaxmsay, na beq karsi gyn'ar, ciaqpng par ciaq korng.
「食飯皇帝大」，當咧食飯莫唸東唸西，若欲教示囡仔，食飯飽才講。

🗣 Ciaqpng ciah kaq ciahni'ar mxzenggoan, kuikhix maix ciah.
食飯食甲遮爾仔毋情願，規氣莫食。

🗣 Ciaqtaux ciaq laai ka y khvoax.
食晝才來共伊看。

🗣 Ciaxmchviar ka y antaq`cide, zhwn`ee auxpae ciahkøq korng.
暫且共伊安搭一下，賰的後擺才閣講。

🗣 Ciawar u sit ciaq e poef.
鳥仔有翼才會飛。

🗣 ciawciaq
鳥隻

🗣 Cyn ze iegoa iaqsi sitpai, lorng si in'ui khørsex kaki kenggiam honghux, zøx taixcix bøkaux seaji ciaq e hoatsefng, aix zaiviar "kaau ia e poaqløh chiuxkhaf".
真濟意外抑是失敗，攏是因為靠勢家己經驗豐富，做代誌無夠細膩才會發生，愛知影「猴也會跋落樹跤」。

🗣 Cit'ee gyn'ar paktoflai u bixnthaang, ciaq e chi kaq safnpipaf.
這个囡仔腹肚內有蝒蟲，才會飼甲瘦卑巴。

🗣 Cit'ee gyn'ar ciahni høflea, sioggie korng, "Cidlaang khvoarzhud cidkef, sinpu khvoarzhud takef. " Siongsixn yn taw ee kakaux pitjieen ma cviaa hør.
這个囡仔遮爾好禮，俗語講：「一人看出一家，新婦看出大家。」相信𪜶兜的家教必然嘛誠好。

🗣 Cit'ee gutiaau laixtea u kuie ciaq gukarng?
這个牛牢內底有幾隻牛犅？

🗣 Cit'ee hongkefngkhw cyn iapthiab, laixhaang`ee ciaq zhoexu.
這个風景區真揜貼，內行的才揣有。

🗣 Citkae be zhux, mxna aix lap cyn tang ee soeakym, køq aix hux tionglaang cvii, uxviar si "cidciaq guu pag siafng niar phoee", khaq sngx tø sngrbexhøo.
這改賣厝，毋但愛納真重的稅金，閣愛付中人錢，有影是「一隻牛剝雙領皮」，較算都算袂和。

🗣 Citkhie miaxaxn, kefnghofng cyn bøo kafntafn ciaq zhoextiøh pixhaixciar ee sythea.
這起命案，警方真無簡單才揣著被害者的死體。

🗣 Citkefng tiaxm tiøqaix hang'aflai`ee ciaq e zay.
這間店著愛巷仔內的才會知。

🗣 Citmar goar ciaq zaiviar y si phiexn`goar`ee.
這馬我才知影伊是騙我的。

🗣 Citmar zhaix ciahni'ar kuix sidzai bea be løqchiuo.
這馬菜遮爾仔貴實在買袂落手。

🗣 Citnng ee miqkvia bøo kang`laq! Aix cimciog khvoax ciaq khvoax e zhud`laai.
這兩个物件無仝啦！愛斟酌看才看會出來。

🗣 Citpae ee taixcix zøx liao bøo sviar suxnli, ciaq e khix ho laang phorngtefng.
這擺的代誌做了無啥順利，才會去予人碰釘。

🗣 Citpafng chiaf nar e ciaq kheq?
這幫車哪會遮𤲍？

🗣 Citciaq guu ee kag cyn tngg.
這隻牛的角真長。

🗣 Citciaq hoelengky si beq poef Bykog`ee.
這隻飛行機是欲飛美國的。

🗣 Citciaq yar bøo sviar urn, mxthafng ze.
這隻椅仔無啥穩，毋通坐。

🗣 Citciaq yar khngx ti ciaf cviaa tirn'ui.
這隻椅仔囥佇遮誠鎮位。

🗣 Citciaq yar koanto sviafkhoarn?
這隻椅仔懸度啥款？

🗣 Citciaq yar zøx kaq putcyar texngtauq.
這隻椅仔做甲不止仔𠕇篤。

🗣 Citciaq kethun'ar tehbeq khychiøf`aq.
這隻雞豚仔咧欲起𪁎矣。

🗣 Citciaq niaw sinkhw u phurntiarm.
這隻貓身軀有噴點。

🗣 Citciaq oseg`ee si beq laau løqlaai zøx zerng`ee.
這隻烏色的是欲留落來做種的。

🗣 Citciaq phorng'ie ykefng thaxmtor`aq.
這隻膨椅已經窞肚矣。

🗣 Citciaq zuun ciaqzuie goa chym?
這隻船食水偌深？

🗣 Citciorng bøo zenglie ee oe, kannaf lie ciaq korng e zhud`laai.
這種無情理的話，干焦你才講會出來。

🗣 Zøx høftai ciaq e zhud hør kviafswn.
做好代才會出好囝孫。

🗣 Zørlaang aix jixncyn phahpviax, ciaq e u zhutthoad.
做人愛認真拍拚，才會有出脫。

🗣 Zørlaang aix siuo pwnhun, ciaq extaxng ti siaxhoexsiong kaq laang khiaxkhie.
做人愛守本份，才會當佇社會上佮人徛起。

🗣 Zørlaang aix zaiviar zhunkiw, ciaq be teksid`laang.
做人愛知影伸勼，才袂得失人。

🗣 Zørlaang aix uxliong, ciaq e u hokpøx.
做人愛有量，才會有福報。

🗣 Zørlaang tiøqaix iwhaux ciaq uxtea, chienban mxthafng "chi kviar bølun png, chi pexbuo sngx tngx", chi kviar chi kaq puizutzud, chi pexbuo chi kaq zhwn cidky kud.
做人著愛有孝才有底，千萬毋通「飼囝無論飯，飼爸母算頓」，飼囝飼甲肥朒朒，飼爸母飼甲賰一支骨。

🗣 Zørlaang tiøqaix laau hør miasviaf, pahhoeanilau liawau ciaq e ho laang siaoliam.
做人著愛留好名聲，百歲年老了後才會予人數念。

🗣 Zørlaang chienban mxthafng siawthafm, ciaq be nngx kelafm.
做人千萬毋通痟貪，才袂軁雞籠。

🗣 Zørsvejit ciahni chiavia, cyn thøfzex.
做生日遮爾奢颺，真討債。

🗣 Zørsenglie aix kvar hexpurn, ciaq e sengkofng.
做生理愛敢下本，才會成功。

🗣 Zørsenglie, bixntuix langkheq, "liuliuchiuchiw, ciah nng luie bagciw", aix zaiviar piernkhiaux, ho langkheq moafix, senglie ciaq zøx e kaiah.
做生理，面對人客，「溜溜瞅瞅，食兩蕊目睭」，愛知影變竅，予人客滿意，生理才做會交易。

🗣 Zørsenglie tiøqaix sefng phynbeeng, yau ciaq be u kiuohwn.
做生理著愛先品明，以後才袂有糾紛。

🗣 Tuo ciaq zhuttoaxjit, bagnih'ar tø løh toaxho.
拄才出大日，目𥍉仔就落大雨。

🗣 Twciaq u løh cidphoaq ho.
拄才有落一潑雨。

🗣 Tuhuy lie kajip, y ciaq kherng ka goarn taosvakang.
除非你加入，伊才肯共阮鬥相共。

🗣 U ee thuisiauoaan sidzai m bad "cviuxsvoaf khvoax svoasix, jibmngg khvoax laang ix " ee tøxlie, laang tngteq bøeeng zørsenglie, ciaq beq laai thuisiaw miqkvia, khahkef ma ho laang kixzoat.
有的推銷員實在毋捌「上山看山勢，入門看人意」的道理，人當咧無閒做生理，才欲來推銷物件，較加嘛予人拒絕。

🗣 U hofng m sae zuun, bøo hofng ciaq beq keklor.
有風毋駛船，無風才欲激櫓。

🗣 Uxieen ciaq extaxng zøx huzhef, lirn tø maix køq oafn`aq`laq!
有緣才會當做夫妻，恁就莫閣冤矣啦！

🗣 Uxeeng ciahkøq laai goarn taw chitthøo.
有閒才閣來阮兜𨑨迌。

🗣 U kngx gukngx ee guu ciaq e koaikoai'ar ciaux zwlaang ee iesux zøhsid.
有貫牛貫的牛才會乖乖仔照主人的意思作穡。

🗣 U korteng ee thaulo seng'oah ciaq e anteng.
有固定的頭路生活才會安定。

🗣 U laang khix bidkøx, taixcix ciaq e piakkhafng.
有人去密告，代誌才會煏空。

🗣 U laang khiøq hoxsvoarchiu tuo lag`løqlaai ee hiøqar laai ti kvoapve, mxkøq u pve engkay aix khix ho isefng khvoax ciaq tiøh.
有人抾雨傘樹拄落落來的葉仔來治肝病，毋過有病應該愛去予醫生看才著。

🗣 U laang tixleq zhu, y ciaq e afnnef zøx.
有人佇咧呲，伊才會按呢做。

🗣 Ud svaf aix ud ho y sysexng, ciaq e høfkhvoax.
熨衫愛熨予伊死性，才會好看。