🗣 ciaqlau

🗣 Y cidsielaang khinkhiam, ciaqlau jidcie ciaq e ciaq høfkoex.
伊一世人勤儉，食老日子才會遮好過。

🗣 Y zøx zab'itkøf goxzap tafng`aq, citmar ciaq sviuxbeq zhoaxbor, laang korng y si ciaqlauxzhutphiah.
伊做十一哥五十冬矣，這馬才想欲娶某，人講伊是食老出癖。

🗣 Laang ciaqlau tø e khaq bøthausiin.
人食老就會較無頭神。

🗣 Lauxpe lauxbuo lorng koeasyn`khix ee Abok, si cidee beq ciah m thøfthaxn ee pintvoaxkud, kiexn sviu`ee ciaau si hitkhoarn "bøo bie u zengkhu, bøo kviar phø sinpu " ee thørthaau, kaotvaf ma si zab'itkøf`ar kngkhudkhut, auxkoex ciaqlau m zay beq khøx sviaflaang`leq?
老爸老母攏過身去的阿木，是一个欲食毋討趁的貧惰骨，見想的齊是彼款「無米有舂臼，無囝抱新婦」的套頭，到今嘛是十一哥仔光𣮈𣮈，後過食老毋知欲靠啥人咧？

🗣 Siaolieen bexhiao sviu, ciaqlau mxcviaviu.
少年袂曉想，食老毋成樣。

🗣 Siaolienlaang aix khaq phahpviax`leq, ciaq be ciaqlau mxcviaviu.
少年人愛較拍拚咧，才袂食老毋成樣。

🗣 Sioggie korng, "Siaolieen bexhiao sviu, ciaqlau mxcviaviu. " Citmar bøo kanghw ma biern hoanlør, na kherng ciaqkhor, khix citgiap hurnliexnpafn siuxhuxn øh kisut, tø biern kviakvix ciaqlau phvae koeajit.
俗語講：「少年袂曉想，食老毋成樣。」這馬無工夫嘛免煩惱，若肯食苦，去職業訓練班受訓學技術，就免驚見食老歹過日。

🗣 Zhuopvy ee lauxapeq tviaxtvia oarnthaxn kaki "siaolieen bexhiao sviu, ciaqlau mxcviaviu", seng'oah bøo høfkoex, ma bøo thafng ho kviafjii sixsex cidee hør boviu.
厝邊的老阿伯定定怨嘆家己「少年袂曉想，食老毋成樣」，生活無好過，嘛無通予囝兒序細一个好模樣。

🗣 Ciaqlau bin jiaujiaau.
食老面皺皺。

🗣 Ciaqlau bøhau, or bøo thotau.
食老無效，挖無塗豆。

🗣 ciaqlau hvixkhangtang
食老耳空重

🗣 Ciaqlau liawau bagciw hoehoef, khvoax pørzoar ciog ciaqlat.
食老了後目睭花花，看報紙足食力。