🗣 ciaqpng

🗣 Ajiin thaotiongtaux m ciaqpng, teq kvoar sitthaau.
阿仁透中晝毋食飯，咧趕穡頭。

🗣 Aq gyn'ar ciaqpng.
押囡仔食飯。

🗣 Beq ciah png iah ciah mi goar lorng bøzhaf.
欲食飯抑食麵我攏無差。

🗣 Ehngf goar u cidee ciaqpngxhoe, bøo beq tngfkhix ciaqaxm`aq.
下昏我有一个食飯會，無欲轉去食暗矣。

🗣 giah ti ciaqpng
攑箸食飯

🗣 Gyn'aflaang ciaqpng bexsae phvaykhoarn, tak hang miqkvia lorng aix ciah.
囡仔人食飯袂使歹款，逐項物件攏愛食。

🗣 Goar iawboe ciaqpng.
我猶未食飯。

🗣 Goar m bad khuu leq ciaqpng.
我毋捌跍咧食飯。

🗣 Goarn kviar tagpae ciaqpng lorng aix gvexaq, y ciaq beq høfhøfar ciah.
阮囝逐擺食飯攏愛硬押，伊才欲好好仔食。

🗣 Hitkefng kongsy ee thaukef chviax Aiorng zøx sinløo, mxna zhoaan svaf tngx ho y ciah, goeqhong ma u ciaokhykafng hoad, Aiorng soaq siekex ka laang korng citkefng kongsy cviaa tarngsngf, cviarkarng si "tøhterng ciaqpng, tøhkhaf parngsae".
彼間公司的頭家倩阿勇做辛勞，毋但攢三頓予伊食，月俸嘛有照起工發，阿勇煞四界共人講這間公司誠凍霜，正港是「桌頂食飯，桌跤放屎」。

🗣 Y beq chviar tagkef ciaqpng.
伊欲請逐家食飯。

🗣 Y iawkøq teq ciaqpng.
伊猶閣咧食飯。

🗣 Kiernna twtiøh Oong`ee, y lorng e chviar goar ciaqpng.
見若拄著王的，伊攏會請我食飯。

🗣 Laai laai laai! Tagkef cviuxtøq ciaqpng.
來來來！逐家上桌食飯。

🗣 Laang korng zørkvoaf na zhengliaam, ciaqpng tiøh kiao iaam.
人講做官若清廉，食飯著攪鹽。

🗣 Lie mxthafng afnnef tidtit zøx, lorng bøo hiøhkhuxn, suiborng lirn taw citzam'ar khaq khurnlaan, mxkøq "thaxn ia tiøh thaxn, ciah ia tiøh ciah", ma aix thengkhuxn ciaqpng, ciaq u khuielat thafng zøx khangkhoex.
你毋通按呢直直做，攏無歇睏，雖罔恁兜這站仔較困難，毋過「趁也著趁，食也著食」，嘛愛停睏食飯，才有氣力通做工課。

🗣 Lie nar m khix ciaqpng?
你哪毋去食飯？

🗣 Lie sefng khix thvipng, liammy thngf phaang`zhutkhix tø thernghør ciaqpng`aq.
你先去添飯，連鞭湯捀出去就聽好食飯矣。

🗣 Lie sefng khix ciaqpng, zhwn ee khangkhoex goar soarløqkhix zøx tø hør.
你先去食飯，賰的工課我紲落去做就好。

🗣 Lie uxkaux toaxbagkhorng, nng ee laang ciaqpng bea ciaq ze zhaix.
你有夠大目孔，兩个人食飯買遮濟菜。

🗣 Lexngjit larn ciaq zørhoea ciaqpng.
另日咱才做伙食飯。

🗣 Seahaxn gyn'ar ciaqpng tviaxtvia ma buo kaq kuy bin hoeniauniaw.
細漢囡仔食飯定定嘛舞甲規面花貓貓。

🗣 Sinthea u zawzoah, ciaq be ciaqpng.
身體有走縒，才袂食飯。

🗣 Tarn`cide hiøhtaux, larn zørhoea khix ciaqpng hør`bøo?
等一下歇晝，咱做伙去食飯好無？

🗣 Ciaqpng hongtex toa.
食飯皇帝大。

🗣 "Ciaqpng hongtex toa", tngteq ciaqpng maix liaxmtangliaxmsay, na beq karsi gyn'ar, ciaqpng par ciaq korng.
「食飯皇帝大」，當咧食飯莫唸東唸西，若欲教示囡仔，食飯飽才講。

🗣 ciaqpngxkefng
食飯間

🗣 Ciah png phoex zhaix.
食飯配菜。

🗣 ciaqpngxtøq
食飯桌

🗣 Ciaqpng ciah kaq ciahni'ar mxzenggoan, kuikhix maix ciah.
食飯食甲遮爾仔毋情願，規氣莫食。

🗣 Ciaqpng cvii bøo sngx zaixlai.
食飯錢無算在內。

🗣 Citkhof phuloxngkoxng, ciaqpng ciah voafkofng, zøx khangkhoex siarm saihofng.
這箍浮浪貢，食飯食碗公，做工課閃西風。

🗣 Zøx zhokafng ciah theflat, kaux ciaqpng ee sii, paktor tø ciog iausøx`aq.
做粗工食體力，到食飯的時，腹肚就足枵燥矣。

🗣 Zøhzhanlaang tiøqaix khvoax thvy ciaqpng.
作田人著愛看天食飯。

🗣 U ee laang zørkvoaf cyn zhengliaam, koeasyn liawau, yn kasiok ee seng'oah iugoaan khurnkhor.Bogkoaix laang teq korng, "Zørkvoaf na zhengliaam, ciaqpng tiøh kiao iaam. "
有的人做官真清廉，過身了後，𪜶家屬的生活猶原困苦。莫怪人咧講：「做官若清廉，食飯著攪鹽。」