🗣 ciekhix

🗣 Y zøx phvae taixcix khix ho goar zafng`tiøh.
伊做歹代誌去予我㨑著。

🗣 Larn zørlaang aix u "kaki zay cidzaang, khaq viaa khvoax padlaang " ee ciekhix, baxnsu khøx kaki, kutlat phahpviax, ciaq u sengkofng ee cidkafng.
咱做人愛有「家己栽一欉，較贏看別人」的志氣，萬事靠家己，骨力拍拚，才有成功的一工。

🗣 Larn zørlaang tiøqaix u ciekhix, ciaq be ho laang khvoarbøo bagte.
咱做人著愛有志氣，才袂予人看無目地。

🗣 Laang zhutsix tø u høfgiaqsaxn ee zhapiet, mxkøq laang korng "kesae løqthoo, ia u svaf zhuxn iefn", sarnchiaq gyn'ar u ciekhix, køhkhaq e ho laang ølør.
人出世就有好額散的差別，毋過人講「雞屎落塗，也有三寸煙」，散赤囡仔有志氣，閣較會予人呵咾。

🗣 Lie tø si bøo ciekhix ciaq e ho laang khvoarbøkhie.
你就是無志氣才會予人看無起。

🗣 siaolienlaang aix khaq u ciekhix`leq.
少年人愛較有志氣咧。

🗣 Suiborng si sarnciaqlaang, cyiaux u ciekhix kherng phahpviax, cionglaai ma itteng e u zhutthoad. Laang korng, "zhaothauar ma e zøx hongtex, zøx zofngthorng lie ma u kihoe. "
雖罔是散食人，只要有志氣肯拍拚，將來嘛一定會有出脫。人講：「臭頭仔嘛會做皇帝，做總統你嘛有機會。」