🗣 cviarkarng

🗣 Goarn kuxkofng ciah kaq pahgoa hoex`aq, si cviarkarng høfmia ee lauxtiongsiu.
阮舅公食甲百外歲矣，是正港好命的老長壽。

🗣 Hitkefng kongsy ee thaukef chviax Aiorng zøx sinløo, mxna zhoaan svaf tngx ho y ciah, goeqhong ma u ciaokhykafng hoad, Aiorng soaq siekex ka laang korng citkefng kongsy cviaa tarngsngf, cviarkarng si "tøhterng ciaqpng, tøhkhaf parngsae".
彼間公司的頭家倩阿勇做辛勞，毋但攢三頓予伊食，月俸嘛有照起工發，阿勇煞四界共人講這間公司誠凍霜，正港是「桌頂食飯，桌跤放屎」。

🗣 Yn ka efngkoex ti haghau øh`tiøh ee tieseg exnglaai zøx phvae taixcix, cviarkarng si "thagzheq, thak ti khaciahphviaf".
共往過佇學校學著的智識用來做歹代誌，正港是「讀冊，讀佇尻脊骿」。

🗣 pengsorsii y tø cyn gaau phornghofng køq gaau kofngpeqzhat, khvoax y korng kaq zhuiekag zoaan phøf, goarn lorng zaiviar bøo cidkux si sidzaixoe, cviarkarng si "khihzhuix`ee ciah byhurn - khvoarhiexnhien".
平素時伊就真𠢕膨風閣𠢕講白賊，看伊講甲喙角全泡，阮攏知影無一句是實在話，正港是「缺喙的食米粉──看現現」。

🗣 Soafnkie ee sii, cyn ciap khvoartiøh cidkoar hauxsoafnjiin ka bøviafbøciaq ee taixcix korng kaq nar cyn`ee, cviarkarng si laang teq korng`ee "peqpeqpox nie kaq of".
選舉的時，真捷看著一寡候選人共無影無跡的代誌講甲若真的，正港是人咧講的「白白布染甲烏」。

🗣 Ciaf ee hoex lorng si cviarkarng`ee, lirn tagkef extaxng horngsim'ar bea.
遮的貨攏是正港的，恁逐家會當放心仔買。

🗣 Uixtiøh beq chi cittin gyn'ar, y bømebøjit siekex khix zøx khangkhoex tharncvii, cviarkarng si giabmia.
為著欲飼這陣囡仔，伊無暝無日四界去做工課趁錢，正港是業命。