🗣 cviarsi

🗣 Abeeng korng yn kviar armsii lorng aix y phø leq khuxn, uxkaux thiarm`ee, thviaf yn pexbuo korng y seahaxn ma cyn phvae iøchi, citmar cincviax si "chiuo phø haijii, ciaq zay pexbuo sii".
阿明講 囝暗時攏愛伊抱咧睏，有夠忝的，聽 爸母講伊細漢嘛真歹育飼，這馬真正是「手抱孩兒，才知爸母時」。

🗣 Ahog cirm`ar ee hauxsvef lorng zhoaxbor svekviar`aq, lauxafng koeasyn liawau, hauxsvef sinpu suilaang bøeeng suxgiap, kox gyn'ar, y soaq tiøh kaki cidee laang seng'oah, cincviax si "zap kviar zap sinpu, zhwn cidee lau koafhu".
阿福嬸仔的後生攏娶某生囝矣，老翁過身了後，後生新婦隨人無閒事業、顧囡仔，伊煞著家己一个人生活，真正是「十囝十新婦，賰一个老寡婦」。

🗣 Akofng saxng kaux pvexvi ee sii suijieen iao zay laang, mxkøq be kofng'oe ma be tyntang, kannaf tiaxmtiam khvoax pvexzhngpvy ee laang, cincviax si "bagciw kimkym laang siongtiong".
阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。

🗣 ang'afbor ti toaxloxthaau oankef, cincviax si siarsiesiarzexng.
翁仔某佇大路頭冤家，真正是卸世卸眾。

🗣 Bea phiøx khvoax citciorng peqcviafbøbi ee hix cincviax si bøzhae cvii.
買票看這種白汫無味的戲真正是無彩錢。

🗣 Be hoxmoaf`ee hoanlør lorng høfthvy, bøo laang beq ka bea; zøx mi`ee hoanlør ittit løqho, mi e phak be taf, cincviax si "cidlaang hoanlør cidviu, bøo laang hoanlør chinchviu".
賣雨幔的煩惱攏好天，無人欲共買；做麵的煩惱一直落雨，麵會曝袂焦，真正是「一人煩惱一樣，無人煩惱親像」。

🗣 Be togphirn ee laang, kannaf sviuxbeq id purn ban li, oanzoaan bøo korli sviaa laang ciaqtok e guihai laang ee kiexnkhofng, cincviax si "liawcvii senglie bøo laang zøx, thaithaau senglie u laang zøx " !
賣毒品的人，干焦想欲一本萬利，完全無顧慮唌人食毒會危害人的健康，真正是「了錢生理無人做，刣頭生理有人做」！