🗣 hang'ar-khao

🗣 Goarn taw ee hang'afkhao u cidkefng kimzoaftiaxm.
阮兜的巷仔口有一間金紙店。

🗣 Goarn taw hang'afkhao hittvax zhaotauxhu, ciah`koex ee laang lorng "ølør kaq e takcih".
阮兜巷仔口彼擔臭豆腐，食過的人攏「呵咾甲會觸舌」。

🗣 hang'afkhao hittvax øafmixsvoax "toa voar køq boarn kvii", liau ze khiebi hør, putkoafnsii khix lorng ciog ze laang teq paitui.
巷仔口彼擔蚵仔麵線「大碗閣滿墘」，料濟氣味好，不管時去攏足濟人咧排隊。

🗣 hang'afkhao hoefsiøzhux, ciog ze laang uii leq khvoax.
巷仔口火燒厝，足濟人圍咧看。

🗣 hang'afkhao u laang teq zøx kongteg.
巷仔口有人咧做功德。

🗣 Hitkuie ee tekkear ti hang'afkhao siøphaq.
彼幾个竹雞仔佇巷仔口相拍。

🗣 Y khiaxm laang cyn ze cvii, putsii u zeazuo ti hang'afkhao tngtarn`y.
伊欠人真濟錢，不時有債主佇巷仔口張等伊。