🗣 hiexntai

🗣 Hiexntai baxnglo hongpien cirnpo, u ciog ze laang si ti Bixnzheq tefngkoaan kaq laang siøbad, pvoanoar.
現代網路方便進步，有足濟人是佇面冊頂懸佮人相捌、盤撋。

🗣 Hiexntai ee zuykhok'ar sokkaf zøx`ee khaq ze.
現代的水觳仔塑膠做的較濟。

🗣 hiexntaixlaang bea miqkvia ee sii, cyn ze laang si eng luokhaq`ee.
現代人買物件的時，真濟人是用鑢卡的。

🗣 hiexntaixlaang gyn'ar svef ciør, lorng ma kortiautiaau, siøhmiaxmia, uxsii tø e thefngseng koeathaau. Laang korng "seng ty giaa zaux, seng kviar put'haux", hiexntai pexbuo tiøqaix kynkix zai sym.
現代人囡仔生少，攏嘛顧牢牢、惜命命，有時就會寵倖過頭。人講「倖豬夯灶，倖囝不孝」，現代爸母著愛謹記在心。

🗣 Hiexntai sikviaa ti kiet'hwn ee kehtngfjit thautngfkheq, suxnsoax chviaflangkheq.
現代時行佇結婚的隔轉日頭轉客，順紲請人客。