🗣 hoanlør

🗣 Abeeng go hoex`aq, kofng'oe iao korng be zhengzhør, zhuopvy khvoartiøh yn lauxpe ciaq hoanlør, tø korng, "Toaxkeq kef ban thii, afn`laq! "
阿明五歲矣，講話猶講袂清楚，厝邊看著 老爸遮煩惱，就講：「大格雞慢啼，安啦！」

🗣 Be hoxmoaf`ee hoanlør lorng høfthvy, bøo laang beq ka bea; zøx mi`ee hoanlør ittit løqho, mi e phak be taf, cincviax si "cidlaang hoanlør cidviu, bøo laang hoanlør chinchviu".
賣雨幔的煩惱攏好天，無人欲共買；做麵的煩惱一直落雨，麵會曝袂焦，真正是「一人煩惱一樣，無人煩惱親像」。

🗣 Gyn'ar na m ciah moepng, pexbuo e hoanlør y chi be toaxhaxn.
囡仔若毋食糜飯，爸母會煩惱伊飼袂大漢。

🗣 Goar tak hang tø ka lie zhoaan piexnpien`aq, lie biern hoanlør.
我逐項都共你攢便便矣，你免煩惱。

🗣 Goar thex y hoanlør kaq behsie, y khioksi bøiaobøkirn.
我替伊煩惱甲欲死，伊卻是無要無緊。

🗣 Goar zaiviar lie zhoexbøo thaulo simlai kankhor, mxkøq "hvoahvoahyhie cidkafng, hoanhoanløflør ia cidkafng", lie tiøh khvoax khaq khuy`leq, larn køq laikhix zhoe.
我知影你揣無頭路心內艱苦，毋過「歡歡喜喜一工，煩煩惱惱也一工」，你著看較開咧，咱閣來去揣。

🗣 Ho lauxbuo uixtiøh citkvia taixcix ti hiaf keksym hoanlør, sidzai si thaix pud engkay.
予老母為著這件代誌佇遐激心煩惱，實在是太不應該。