🗣 horngsym

🗣 Be miqkvia ho toa tan'ui siaux lorng tiøh sefng kiax`leq, goeqtea ciaq zøx cidkae zhefng, sixkorng "cidzhefng siaf mxtat pehpaq hien", hoex khix cvii bøo khvoax`kvix, zorng`si khaq be horngsym.
賣物件予大單位數攏著先寄咧，月底才做一改清，是講「一千賒毋值八百現」，貨去錢無看見，總是較袂放心。

🗣 Ho y hvoaxsiaux goar khaq horngsym.
予伊扞數我較放心。

🗣 Hoafntuix ee laang si ciøfsox, lie tø horngsym khix zøx.
反對的人是少數，你就放心去做。

🗣 Y si cidee pvoarloxsay, lie karm horngsym ka khangkhoex kaw ho y zøx?
伊是一个半路師，你敢放心共工課交予伊做？

🗣 Y zøx taixcix cyn phuphvax, goar be horngsym.
伊做代誌真浮冇，我袂放心。

🗣 Lie zøx lie horngsym, sii kaux itteng u kuiejiin e zhut'hien.
你做你放心，時到一定有貴人會出現。