🗣 hoxsiofng

🗣 Goarn zabofkviar beq kex cirnzeeng, goar ka y khuiphoax korng "ang'afbor si siøkhiarmzex", aix hoxsiofng zuntiong, hun'yn ciaq e kwtngg.
阮查某囝欲嫁進前，我共伊開破講「翁仔某是相欠債」，愛互相尊重，婚姻才會久長。

🗣 Goarn zhux suijieen kuxku`ar, mxkøq zhuopvy lorng cyn hør taotin, køq lorng e hoxsiofng khvoarthaukhvoarboea, "chienkym bea zhux, ban kym bea zhuopvy", goarn ciaf ee khoankerng pie zhux khaq u keatat.
阮厝雖然舊舊仔，毋過厝邊攏真好鬥陣，閣攏會互相看頭看尾，「千金買厝，萬金買厝邊」，阮遮的環境比厝較有價值。

🗣 Goarn cittin aix siafzog ee peng'iuo e texngkii zuxhoe, tagkef theh kaki siar ee zokphirn zhutlaai liam, hibang zernglaang thezhud siukae ee iekiexn, "hoxsiofng laokhuix, kiuu cirnpo", ngrbang siafzog ee lenglek extaxng thesefng.
阮這陣愛寫作的朋友會定期聚會，逐家提家己寫的作品出來唸，希望眾人提出修改的意見，「互相落氣，求進步」，向望寫作的能力會當提升。

🗣 Hiexnsii siaxhoe zuntiong kørjiin, tøxsngx si pexkviar ma u bøo kaxngkhoarn ee sviuxhoad, laang korng "exsvetid kviar syn, bexsvetid kviar sym", pexkviar bøo kang zongkaux, bøo kang zerngtorng, ma engkay hoxsiofng zuntiong.
現時社會尊重個人，就算是爸囝嘛有無仝款的想法，人講「會生得囝身，袂生得囝心」，爸囝無仝宗教、無仝政黨，嘛應該互相尊重。

🗣 Hoxsiofng laokhuix kiuu cirnpo.
互相落氣求進步。

🗣 Yn nng ee tviaxtvia teq oankef, sviaflaang zay sixsex in'ui tviaxtvia kviebin, hoxsiofng ieaix, khix tengkix kiet'hwn, soaq "oankef piexn chinkef".
𪜶兩个定定咧冤家，啥人知序細因為定定見面，互相意愛，去登記結婚，煞「冤家變親家」。

🗣 Laang korng, "Kviaf bor taixtioxnghw, phaq bor ty kao guu. " Ang'afbor tiøqaix hoxsiofng thviarsiøq kaq zunzhuun, mxthafng khykhataxngchiuo.
人講：「驚某大丈夫，拍某豬狗牛。」翁仔某著愛互相疼惜佮尊存，毋通起跤動手。