🗣 ho`y

🗣 Abeeng cyn gaau laxngzhuiehoef, cyn ze laang ho y phiexn kaq goxnggong seh.
阿明真𠢕弄喙花，真濟人予伊騙甲戇戇踅。

🗣 Agi`ar cit'ee laang sviw koex kankhiao, mxthafng ho y jiblaai larn kongsy sioxngpafn, naxbøo, si e "chi niawchie, ka porte".
阿義仔這个人傷過奸巧，毋通予伊入來咱公司上班，若無，是會「飼鳥鼠，咬布袋」。

🗣 Ahviaf beq khix Taipag zhoe thaulo, abuo thauiab svazhefng khof ho y zøx sofhuix.
阿兄欲去臺北揣頭路，阿母偷揜三千箍予伊做所費。

🗣 Ahoef`ar bagthaau koaan, "bagciw khvoarkoaan, bøo khvoarke", larn cittin zngkhaf ee gyn'afphvoa, citmar lorng ho y khvoarbøo bagte.
阿花仔目頭懸，「目睭看懸，無看低」，咱這陣庄跤的囡仔伴，這馬攏予伊看無目地。

🗣 Aefng ho y ee chizeeng kafmtong, boea`ar koatteng beq kex`y.
阿英予伊的痴情感動，尾仔決定欲嫁伊。

🗣 Aeeng thaau cidkae paghngg zexng kengciøf suii tngxtiøh hongthay, liao kaq kiørmxkvar. Kazaix boea`ar voaxkhix iaxchi zøx iuthngf, twtiøh siky hør, ciaq ho y thaxn kaq iusefsea, uxviar si "laang chi laang, cidky kud; thvy chi laang, puizutzud", cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Apeq khiaxmtngnehto ka y hittin kviar liap toaxhaxn, tvaf sui'ear ma lorng cviaa zaizeeng, mxkøq soaq bøo kaq pvoax ee beq ka y iwhaux, ho y putsii tø teq oarnthaxn korng, "Hør kviar mxbiern ze, ze kviar gøxsie pe. " Zar na zay, tongzhesii tø maix khay hiahniq ze cvii laai zaipoee`yn.
阿伯儉腸凹肚共伊彼陣囝捏大漢，今隨个仔嘛攏誠才情，毋過煞無甲半个欲共伊有孝，予伊不時都咧怨嘆講：「好囝毋免濟，濟囝餓死爸。」早若知，當初時就莫開遐爾濟錢來栽培 。