🗣 kaf

🗣 Abuun`ar bøseaji ka iaam khvoarzøx peqthngg, ciuxafnnef khad khix zhafm kapy, sidzai si "bagciw hoehoef, puar khvoarzøx zhaekoef".
阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

🗣 Agi`ar koasviaf cyn hør, lauxsw kofle y khix zhamkaf koachviux pysaix, y lorng korng y ciog kviaf cviuxtaai chviuokoaf. Lauxsw korng, "'Kviakviaf be tiøqterng. 'Lie aix iofngkarm khia khykhix bwtaai, ciaq extaxng ho laang zaiviar lie ee koasviaf u goa hør. "
阿義仔歌聲真好，老師鼓勵伊去參加歌唱比賽，伊攏講伊足驚上台唱歌。老師講：「『驚驚袂著等。』你愛勇敢徛起去舞台，才會當予人知影你的歌聲有偌好。」

🗣 ahokpeq`ar ciah kaq chitzabgoa iao cyn iofngkhaf, tviaxtvia zhamkaf malafsorng pysaix.
阿福伯仔食甲七十外猶真勇跤，定定參加馬拉松比賽。

🗣 Ahog cirm`ar ee hauxsvef lorng zhoaxbor svekviar`aq, lauxafng koeasyn liawau, hauxsvef sinpu suilaang bøeeng suxgiap, kox gyn'ar, y soaq tiøh kaki cidee laang seng'oah, cincviax si "zap kviar zap sinpu, zhwn cidee lau koafhu".
阿福嬸仔的後生攏娶某生囝矣，老翁過身了後，後生新婦隨人無閒事業、顧囡仔，伊煞著家己一个人生活，真正是「十囝十新婦，賰一个老寡婦」。

🗣 Ahwn ka zhaohoaan khngx ti svatulai, afnnef kazoah ciaq be zao`jibkhix.
阿芬共臭礬囥佇衫櫥內，按呢虼蚻才袂走入去。

🗣 Aeeng thaau cidkae paghngg zexng kengciøf suii tngxtiøh hongthay, liao kaq kiørmxkvar. Kazaix boea`ar voaxkhix iaxchi zøx iuthngf, twtiøh siky hør, ciaq ho y thaxn kaq iusefsea, uxviar si "laang chi laang, cidky kud; thvy chi laang, puizutzud", cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Akhiim`ar kaki cidee viwchi iuokviar, sidzai ciog kafmsym.
阿琴仔家己一个養飼幼囝，實在足感心。