🗣 køq

🗣 Abeeng ka ahviaf thør tuo bea`laai ee siesiuo'ar, køq ka acie thør pysaix viaa`laai ee ciofngphirn, tø khix ho amar ka me korng "bagciw koax tawkaix, khvoax laang mih tø aix".
阿明共阿兄討拄買來的四秀仔，閣共阿姊討比賽贏來的獎品，就去予阿媽共罵講「目睭掛斗概，看人物就愛」。

🗣 Agi si høfgiah kongzuo, langpan køq bexbae, u hah zaboflaang kerng afng "id chieen, ji ieen, svaf suie, six siaolieen " ee iaokvia, mxciaq u ciog ze moelangpøo lorng beq laai ka y zørchincviaa.
阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。

🗣 Ahor ciog aix cviuxtaai chviuokoaf, mxkøq tagkef thvialiao lorng hvaethaau.
阿虎足愛上台唱歌，毋過逐家聽了攏幌頭。

🗣 Aefng suijieen si zenglangkviar, mxkøq yn auxbuo kaxngkhoarn ka y siøhmiaxmia.
阿英雖然是前人囝，毋過 後母仝款共伊惜命命。

🗣 Aefng tø bøo aix`lie`aq, lie iawkøq misyminoa teq kiuu`y, lie nar e ciaq gong`laq!
阿英都無愛你矣，你猶閣綿死綿爛咧求伊，你哪會遮戇啦！

🗣 Akofng kinnii pehzap hoex`aq, sinthea iawkøq cyn iofngkvia.
阿公今年八十歲矣，身體猶閣真勇健。

🗣 Akofng saxng kaux pvexvi ee sii suijieen iao zay laang, mxkøq be kofng'oe ma be tyntang, kannaf tiaxmtiam khvoax pvexzhngpvy ee laang, cincviax si "bagciw kimkym laang siongtiong".
阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。