🗣 kateeng

🗣 Y suijieen si sarnchiaq kateeng zhutsyn, mxkøq y bøo jixnmia, pviax kaux zoea'au zhutthauthvy.
伊雖然是散赤家庭出身，毋過伊無認命，拚到最後出頭天。

🗣 Kiet'hwn liawau, lie ma mxthafng ho kateeng sokpak laai horngkhix lysiorng.
結婚了後，你嘛毋通予家庭束縛來放棄理想。

🗣 Lirn mxthafng køq oafn`aq`laq, laang korng "kaf høo baxnsu hefng, kaf loan baxnsex keeng", cidkehoefar naxsi chviu lirn afnnef oankeniuzex, cit'ee kateeng zafban e løqsoef.
恁毋通閣冤矣啦，人講「家和萬事興，家亂萬世窮」，一家伙仔若是像恁按呢冤家量債，這个家庭早慢會落衰。

🗣 Sioggie korng, "Kaf høo baxnsu hefng, kaf loan baxnsex keeng. " In'ui kateeng si muie cidee laang siafmhofng bihho ee sofzai, kateeng høhaai khiehwn hør, laang tø e khvuieoah, zøx suxgiap mxciaq e suxnsi.
俗語講：「家和萬事興，家亂萬世窮。」因為家庭是每一个人閃風覕雨的所在，家庭和諧氣氛好，人就會快活，做事業毋才會順序。

🗣 Suijieen zhutsix ee kateeng u høfgiaqsaxn ee zhapiet, mxkøq laang korng, "Kao bøo hiaam zwlaang saxn. " Pexbuo zaipoee gyn'ar ee simhied lorng si kaxngkhoarn`ee, mxna bexsae hiaam, køhkhaq aix pøfsiøq.
雖然出世的家庭有好額散的差別，毋過人講：「狗無嫌主人散。」爸母栽培囡仔的心血攏是仝款的，毋但袂使嫌，閣較愛寶惜。

🗣 U laang zhefngkaux cidee høfgiaqlaang høfgiah ee piekoad, y chiørchiørar korng, "Thviaf bor zhuix, toa huokuix. Kateeng høhaai, suxgiap zuxjieen khaq e sengkofng. "
有人請教一个好額人好額的祕訣，伊笑笑仔講：「聽某喙，大富貴。家庭和諧，事業自然較會成功。」