🗣 keasiok

🗣 Beq habkor zørsenglie goar sefng taqoexthaau, thvialiao extaxng ciapsiu, ciaq keasiok laai korng.
欲合股做生理我先踏話頭，聽了會當接受，才繼續來講。

🗣 Hiøq zap hunzefng liao, tagkef keasiok khuihoe.
歇十分鐘了，逐家繼續開會。

🗣 Y kienchii beq keasiok phahpviax`løqkhix.
伊堅持欲繼續拍拚落去。

🗣 Isefng khvoax y lorng tidbak`khix`aq, ma bøo horngkhix, keasiok ka y kipkiux.
醫生看伊攏直目去矣，嘛無放棄，繼續共伊急救。

🗣 Y zørlaang cviaa khofngkhaix, nitanggoeqzeq lorng e khix saxng lea, siutiøh miqkvia ee peng'iuo na ka thesii, y lorng e korng "buu safm pud seeng lea", au hoee ma køq keasiok saxng.
伊做人誠慷慨，年冬月節攏會去送禮，收著物件的朋友若共推辭，伊攏會講「無三不成禮」，後回嘛閣繼續送。

🗣 Laang korng, "Phvae zuun twtiøh hør kafnglo. " Citpae taixcix zøx liao suxnsi, putkøx si cidsii ee høfun, larn tiøqaix keasiok poeiorng sidlek, ciaq uxhoatto kwkwtngtngg, ernghux kokciorng ee thiawciexn.
人講：「歹船拄著好港路。」這擺代誌做了順序，不過是一時的好運，咱著愛繼續培養實力，才有法度久久長長，應付各種的挑戰。

🗣 Mxkoarn seng'oah goaxni kankhor, zofngsi aix keasiok phahpviax`løqkhix.
毋管生活偌爾艱苦，總是愛繼續拍拚落去。