🗣 khoankerng

🗣 Abuo korng, "Zøx laang ee sinpu tiøqaix'jip laang mngg, sun laang ix', hvoahie ciapsiu takekvoaf, angsaix ka larn khankax, thafng lioxngzar koarnsix syn khoankerng. "
阿母講：「做人的新婦著愛『入人門，順人意』，歡喜接受大家官、翁婿共咱牽教，通冗早慣勢新環境。」

🗣 Goarn zhux suijieen kuxku`ar, mxkøq zhuopvy lorng cyn hør taotin, køq lorng e hoxsiofng khvoarthaukhvoarboea, "chienkym bea zhux, ban kym bea zhuopvy", goarn ciaf ee khoankerng pie zhux khaq u keatat.
阮厝雖然舊舊仔，毋過厝邊攏真好鬥陣，閣攏會互相看頭看尾，「千金買厝，萬金買厝邊」，阮遮的環境比厝較有價值。

🗣 Øh gygieen aix u khoankerng, thoa kuo zuxjieen tø e.
學語言愛有環境，汰久自然就會。

🗣 senglylaang na khix zoanzex togzhaai ee kokkaf zørsenglie, ti zhvesof ee khoankerng, putsii tø ho laang thiaulaan, liawcvii iao siøfkiok, mia ma tviaxtvia e bøo`khix, zerngkefng si "jip hor khao, bøo sie ia oao".
生理人若去專制獨裁的國家做生理，佇生疏的環境，不時都予人刁難，了錢猶小局，命嘛定定會無去，正經是「入虎口，無死也烏漚」。

🗣 Ciaf siebin lorng si svoaf, khoankerng cyn hør.
遮四面攏是山，環境真好。

🗣 Zuxjieen khoankerng ee paixhai, zaieq m bad thengkhuxn`koex, zef lorng si lafnlaang zuxsw softix, khahkef ma u laang korng zef tø si "laang bøo ciaux thvilie, thvy bøo ciaux kahcie " ee kietkør.
自然環境的敗害，災厄毋捌停睏過，這攏是咱人自私所致，較加嘛有人講這就是「人無照天理，天無照甲子」的結果。