🗣 khuizhuix

🗣 Bengbeeng si y mxtiøh køq kvar kaq laang toaxseasviaf, goar ti pvy`ar khvoax kaq "hekw be lurn tid saux", tø khuizhuix kaq y lylun.
明明是伊毋著閣敢佮人大細聲，我佇邊仔看甲「痚呴袂忍得嗽」，就開喙佮伊理論。

🗣 Y khuizhuix goxban khof, goar hiaam sviw kuix bøo ka y bea.
伊開喙五萬箍，我嫌傷貴無共伊買。

🗣 Y khuizhuix tø okkhiagkhiak, bexsw larn lorng khiaxm y ee cvii`leq.
伊開喙就惡確確，袂輸咱攏欠伊的錢咧。

🗣 Y kiexn khuizhuix tø zhuiezhaux.
伊見開喙就喙臭。

🗣 Y kiernna khuizhuix tø bøo høfoe, bexsw kofzaflaang teq korng`ee "toaxkixmzhuix, chitsaypoef".
伊見若開喙就無好話，袂輸古早人咧講的「大妗喙，拭屎桮」。

🗣 Y svezøx subunsubuun, cyn u loexhaam ee khoarn, mxkøq cide khuizhuix tø phørkofng`aq.
伊生做斯文斯文，真有內涵的款，毋過一下開喙就破功矣。

🗣 Y tø khuizhuix leq korng`aq, larn tø ciaux y ee iesux khix zøx hør`aq.
伊都開喙咧講矣，咱就照伊的意思去做好矣。