🗣 kiernna

🗣 Abeeng lorng bexkhamtid laang korng`tid, kiernna kofngtiøh y ee mxtiøh, y tø "kiernsiaux tngr siuxkhix", sidzai cviaa hai!
阿明攏袂堪得人講得，見若講著伊的毋著，伊就「見笑轉受氣」，實在誠害！

🗣 Aefng`ar uxkaux phvayun, kiernna khiam koar cvii, laang tø phoarpve.
阿英仔有夠歹運，見若儉寡錢，人就破病。

🗣 Y afnnef zøx kaq kenglie`aq, kiernna twtiøh khaq phvaypharng ee khangkhoex tø kiøx padlaang khix zhwlie, na zhuttaixcix lorng kaq y bøtixtai, "iong padlaang ee kunthaubuo zefng ciøqsay " m zay thviax, boefchiuo na u sengkør tø lorng phirn korng si kaki ee kongløo, sidzai ho laang cyn zhehsym.
伊按呢做甲經理矣，見若拄著較歹紡的工課就叫別人去處理，若出代誌攏佮伊無底代，「用別人的拳頭拇舂石獅」毋知疼，尾手若有成果就攏品講是家己的功勞，實在予人真慼心。

🗣 Y kiernna høfkhafng`ee tø kaki bau, phvaykhafng`ee suii sag ho padlaang, larn tiøqaix cimciog siefn tø mxthafng kaq citkhoarn "sie tøxiuo, bøo sie pintø " ee peng'iuo kaupoee.
伊見若好空的就家己貿，歹空的隨捒予別人，咱著愛斟酌仙都毋通佮這款「死道友，無死貧道」的朋友交陪。

🗣 Y kiernna khuizhuix tø bøo høfoe, bexsw kofzaflaang teq korng`ee "toaxkixmzhuix, chitsaypoef".
伊見若開喙就無好話，袂輸古早人咧講的「大妗喙，拭屎桮」。

🗣 Y kiernna thviaf kuyafkor tø kviaf kaq sihsihzuxn.
伊見若聽鬼仔古就驚甲爍爍顫。

🗣 Y kiernna zhutmngg lorng tiaw cidsw sezofng.
伊見若出門攏雕一軀西裝。