🗣 kietkiok

🗣 Alioong siong hexng ciah zhvezhaw`ee, khabbextiøh tø hihibahbaq, køhzaix m si hiafm tø si taxngkiaam, lorng bøo teq zwnzad`ee, kietkiok "zhuix ciah, ho khazhngf zhexsiaux. " Citmar laang teq hoaq kankhor`aq.
阿龍上興食腥臊的，磕袂著就魚魚肉肉，閣再毋是薟就是重鹹，攏無咧撙節的，結局「喙食，予尻川坐數。」這馬人咧喝艱苦矣。

🗣 Azaai`ar he cyn ze khofsym kaq sofhuix teq ka yn hauxsvef zaipoee, ngrbang y extaxng zhutthauthvy, kietkiok y mxna taixhak thak bøo pitgiap, køq beq ciah m thøfthaxn, tientøx si yn zabofkviar khaq u zaizeeng, giefnkiuosor tø iawboe zhutgiap, kuyna kefng kongsy tø siøzvef beq ka chviax, Azaai`ar oarnthaxn korng, "Ty m toa, toa tuix kao`khix. "
阿財仔下真濟苦心佮所費咧共 後生栽培，向望伊會當出頭天，結局伊毋但大學讀無畢業，閣欲食毋討趁，顛倒是 查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」

🗣 Aix poah ee laang lorng bøo hør kietkiok.
愛跋的人攏無好結局。

🗣 bengkizay y cit'ee laang si bøpvoarphied, iawsi kautaix cidkoar kafntafn ee sitthaau ho y chiekhvoarmai`leq, kietkiok ciaosioong zøx kaq lililaklag, uxviar si "noaxthoo be koo tid piaq".
明其知伊這个人是無半撇，猶是交代一寡簡單的穡頭予伊試看覓咧，結局照常做甲離離落落，有影是「爛塗袂糊得壁」。

🗣 Y e zørkhiøx hai`laang, kietkiok kaki bøo høfboea.
伊會做竅害人，結局家己無好尾。

🗣 egkeng'ar ee zuytøxthaau teq lau zuie, goarn siefn buo tø be høfsex, kietkiok goarn apaq giah oaqpafn'ar ka sør ho aan, cidexchiuo tø høfsealiuliw, uxviar si "ciah tiøh iøh, zhvezhao cidhiøh; ciah mxtiøh iøh, jinsym cidciøh".
浴間仔的水道頭咧漏水，阮仙舞都袂好勢，結局阮阿爸攑活扳仔共鎖予絚，一下手就好勢溜溜，有影是「食著藥，青草一葉；食毋著藥，人參一石」。

🗣 Korng hongthay beq laai`aq, kietkiok soaq bøo laai.
講風颱欲來矣，結局煞無來。