🗣 koar

🗣 Abuo terng køx goeh ho`goar ee cvii u tiorng`koar.
阿母頂個月予我的錢有長寡。

🗣 Ahog cirm`ar ee hauxsvef lorng zhoaxbor svekviar`aq, lauxafng koeasyn liawau, hauxsvef sinpu suilaang bøeeng suxgiap, kox gyn'ar, y soaq tiøh kaki cidee laang seng'oah, cincviax si "zap kviar zap sinpu, zhwn cidee lau koafhu".
阿福嬸仔的後生攏娶某生囝矣，老翁過身了後，後生新婦隨人無閒事業、顧囡仔，伊煞著家己一个人生活，真正是「十囝十新婦，賰一个老寡婦」。

🗣 Aefng`ar uxkaux phvayun, kiernna khiam koar cvii, laang tø phoarpve.
阿英仔有夠歹運，見若儉寡錢，人就破病。

🗣 Aix laikhix bextviuu pofthiafm cidkoar jidioxngphirn!
愛來去賣場補添一寡日用品！

🗣 Afnnef bøkaux, lie aix køq por`cidkoafar, ciaq uxkaux thafng pwn.
按呢無夠，你愛閣補一寡仔，才有夠通分。

🗣 Bea cidkoar taxmsarm laai ciah.
買一寡啖糝來食。

🗣 Behzay kim'ar e khytoaxkex, goar zar tø aix kef bea koar khylaai khngx.
欲知金仔會起大價，我早就愛加買寡起來囥。