🗣 kofle

🗣 Agi`ar koasviaf cyn hør, lauxsw kofle y khix zhamkaf koachviux pysaix, y lorng korng y ciog kviaf cviuxtaai chviuokoaf. Lauxsw korng, "'Kviakviaf be tiøqterng. 'Lie aix iofngkarm khia khykhix bwtaai, ciaq extaxng ho laang zaiviar lie ee koasviaf u goa hør. "
阿義仔歌聲真好，老師鼓勵伊去參加歌唱比賽，伊攏講伊足驚上台唱歌。老師講：「『驚驚袂著等。』你愛勇敢徛起去舞台，才會當予人知影你的歌聲有偌好。」

🗣 Y cyn kviakiernsiaux, lie aix khaq ciap ka kofle`leq.
伊真驚見笑，你愛較捷共鼓勵咧。

🗣 kofzaflaang kviakvix gyn'ar korng mxtiøh oe e korlang'oaxn, ciaq e korng "gyn'aflaang uxhvixbøzhuix", citmar ee laang tientøx e kofle gyn'ar aix iofngkarm piawtat kaki ee sviuxhoad.
古早人驚見囡仔講毋著話會顧人怨，才會講「囡仔人有耳無喙」，這馬的人顛倒會鼓勵囡仔愛勇敢表達家己的想法。

🗣 Laang korng, "Phaq hor liah zhat ia tiøh chyn hviati. " Larn kaq uxieen zøx chyn hviati`aq, tangzee phahpviax, hoxsiofng kofle, tviaxtiøh e toxkoex cit'ee lankoafn.
人講：「拍虎掠賊也著親兄弟。」咱甲有緣做親兄弟矣，同齊拍拚、互相鼓勵，定著會度過這个難關。

🗣 Lie tø aix khaq ciap ka y kofle, y ciaq e cirnpo.
你就愛較捷共伊鼓勵，伊才會進步。

🗣 Peng'iuo aix hoxsiofng kofle, kofng'oe mxthafng tørkhaw.
朋友愛互相鼓勵，講話毋通倒剾。

🗣 Sioggie korng, "Ia tiøh zhoee, ia tiøh moee. " Tuix gyn'ar sviw koex giamkeq, lorng bøo ka y khefngteng kaq kofle ma bøo hør.
俗語講：「也著箠，也著糜。」對囡仔傷過嚴格，攏無共伊肯定佮鼓勵嘛無好。