🗣 kuie

🗣 Ajiin`ar cyn liapsae, ciaq kuykhogin'ar niaxnia tø mxkafm zhud.
阿仁仔真攝屎，才幾箍銀仔爾爾都毋甘出。

🗣 Akofng cyn juxnmia, seahaxn ee sii twtiøh kuyna pae khongsip lorng bøo taixcix.
阿公真韌命，細漢的時拄著幾若擺空襲攏無代誌。

🗣 ati'ar svejit ee sii zhar korng beq bea syn svaf, lauxpe ixn korng, "'Toaxlaang svejit ciah baq, gyn'ar svejit ciah phaq', lie beq phaq kuie e? " ati'ar zeksii tiam`khix.
阿弟仔生日的時吵講欲買新衫，老爸應講：「『大人生日食肉，囡仔生日食拍』，你欲拍幾下？」阿弟仔即時恬去。

🗣 Ateg, tagkef lorng ma zaiviar lie jiedsym køq aix zhut'hongthaau, lauxsw mng korng sviaflaang beq zøx pantviuo, lie mxtø kirn giaqchiuo, maix køq "iaukuie kea seaji "`aq`laq!
阿德，逐家攏嘛知影你熱心閣愛出風頭，老師問講啥人欲做班長，你毋就緊攑手，莫閣「枵鬼假細膩」矣啦！

🗣 Azaai`ar he cyn ze khofsym kaq sofhuix teq ka yn hauxsvef zaipoee, ngrbang y extaxng zhutthauthvy, kietkiok y mxna taixhak thak bøo pitgiap, køq beq ciah m thøfthaxn, tientøx si yn zabofkviar khaq u zaizeeng, giefnkiuosor tø iawboe zhutgiap, kuyna kefng kongsy tø siøzvef beq ka chviax, Azaai`ar oarnthaxn korng, "Ty m toa, toa tuix kao`khix. "
阿財仔下真濟苦心佮所費咧共 後生栽培，向望伊會當出頭天，結局伊毋但大學讀無畢業，閣欲食毋討趁，顛倒是 查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」

🗣 Aix ciah thng'ar køq pintvoa sefzhuix, bogkoaix zhuiekhie ciux kuyna khafng.
愛食糖仔閣貧惰洗喙，莫怪喙齒蛀幾若空。

🗣 Bykex e khie kaq ciaq koaan, lorng ma hiaf ee bythaang teq pviekuypviekoaix.
米價會起甲遮懸，攏嘛遐的米蟲咧變鬼變怪。