🗣 kuikhix

🗣 Goar bøo sikafn thafng khix bea lefbut, kuikhix tvar hiexnkym ho`lie.
我無時間通去買禮物，規氣打現金予你。

🗣 Goar khvoax taixcix lorng ho y zøx, afnnef khaq kuikhix.
我看代誌攏予伊做，按呢較規氣。

🗣 Goarn kuy pafn phahsngx beq khix lyheeng, u laang beq khix Taitafng, u laang beq khix Phveoo, zernglaang "zap zhuix kao khazhngf", bøhoatto tviaxtiøh, boefau kuikhix thiukhaw laai koatteng.
阮規班拍算欲去旅行，有人欲去臺東，有人欲去澎湖，眾人「十喙九尻川」，無法度定著，尾後規氣抽鬮來決定。

🗣 Khvoax liao zhagbak, kuikhix maix khvoax tø bøo taixcix.
看了鑿目，規氣莫看就無代誌。

🗣 Kongsy phaix goar khix goaxte paehorng khehho, cidzoa lo hiaq hng, kuikhix "id kiafm ji kox, bofng la'ar kiafm sea khox", khehho paehorng soaq, suxnsoax laikhix zhoe cyn kuo bøo kviebin ee peng'iuo.
公司派我去外地拜訪客戶，一逝路遐遠，規氣「一兼二顧，摸蜊仔兼洗褲」，客戶拜訪煞，順紲來去揣真久無見面的朋友。

🗣 Senglie bøo hør, kuikhix kaytoo hør`laq!
生理無好，規氣改途好啦！

🗣 Tagkef iekiexn lorng bøo kang, kuikhix liamkhaw laai koatteng.
逐家意見攏無仝，規氣拈鬮來決定。