🗣 kukhaf

🗣 Y ee kukhaf søo`zhutlaai`aq!
伊的龜跤趖出來矣！

🗣 Y tuo jiblaai kongsy, khvoax tiøh tø kofiekofix, sviaflaang zay kuo`laai piexn lauxciao soaq "kukhaf søo`zhutlaai", kiernna u zhaeciao jip`laai tø beq ka laang zhorngti.
伊拄入來公司，看著都古意古意，啥人知久來變老鳥煞「龜跤趖出來」，見若有菜鳥入來就欲共人創治。

🗣 "Kukhaf kulai baq", bølun zabofkviar iah hauxsvef, lorng si sixtoaxlaang ee simkvoaf pøfpoex.
「龜跤龜內肉」，無論查某囝抑後生，攏是序大人的心肝寶貝。

🗣 Citkefng syn khuy ee tiaxm korng lap cidpaq khof zhamkaf hoexoaan tø u cidhun hoexoaan lefbut, "kukhaf kulai baq", kisit cithun lefbut tø si eng larn hoexoanhuix bea`ee.
這間新開的店講納一百箍參加會員就有一份會員禮物，「龜跤龜內肉」，其實這份禮物就是用咱會員費買的。