🗣 kutlat

🗣 Abeeng yn lauxpe zu siaolieen kaotvaf lorng afnnef beq ciah m thøfthaxn, Abeeng soaq tientøx cyn kutlat zøhsid, tharncvii iofngchi kuikekhawar, tø chviu laang sor korng`ee "phvae teg zhud hør surn".
阿明 老爸自少年到今攏按呢欲食毋討趁，阿明煞顛倒真骨力作穡，趁錢養飼規家口仔，就像人所講的「歹竹出好筍」。

🗣 Y zøx taixcix cyn kutlat.
伊做代誌真骨力。

🗣 Khaiky ee laang sinkhor hurntaux, sixsex ma taux kankhor u tiøh, iugoaan kutlat teq zøx, suxgiap sengkofng liawau kviafswn biern ciaqkhor køq gaau hiafngsiu, biern goaxkuo soaq "svaf tai liabzeg, cidtai khengkhofng", ho laang kafmkhaix.
開基的人辛苦奮鬥，序細嘛鬥艱苦有著，猶原骨力咧做，事業成功了後囝孫免食苦閣𠢕享受，免偌久煞「三代粒積，一代窮空」，予人感慨。

🗣 kofzaflaang korng, "Cidee bor khaq hør svaf ee thvikongzor. " Lie khvoax lirn agiog'ar hiahniq phahpviax khvikef, kutlat zøhsid, kox afng køq thviax kviar, zef si lie tefngsielaang u siøf hør hviw, ciaq u citkhoarn hokkhix, sofie lie aix tiwn pøfsiøq.
古早人講：「一个某較好三个天公祖。」你看恁阿玉仔遐爾拍拚拑家、骨力作穡、顧翁閣疼囝，這是你頂世人有燒好香，才有這款福氣，所以你愛知恩寶惜。

🗣 Larn zørlaang aix u "kaki zay cidzaang, khaq viaa khvoax padlaang " ee ciekhix, baxnsu khøx kaki, kutlat phahpviax, ciaq u sengkofng ee cidkafng.
咱做人愛有「家己栽一欉，較贏看別人」的志氣，萬事靠家己，骨力拍拚，才有成功的一工。

🗣 Lie bøo thviaf laang korng "kutlat ciaqlat, pintvoa thwn noa "`niq? Na kherng zøx tø m kviaf bøo thafng ciah, siong kviaf`ee si beq ciah m thøfthaxn, khøfleeng tø aix khvoax laang ciaqzheng`aq.
你無聽人講「骨力食栗，貧惰吞瀾」呢？若肯做就毋驚無通食，上驚的是欲食毋討趁，可能就愛看人食穿矣。

🗣 Peng'iuo ka lie kaesiau thaulo tongjieen cyn hør, mxkøq ti kongsy sviuxbeq u hoattiern, lie ma aix jixncyn øh, kutlat zøx, laang korng, "Moelaang pør jip paang, bøo pør cidsielaang. "
朋友共你介紹頭路當然真好，毋過佇公司想欲有發展，你嘛愛認真學、骨力做，人講：「媒人保入房，無保一世人。」