🗣 kvoaa`tiøh

🗣 Goaxkhao hofng thaux, vai gyn'ar zhutmngg aix moaf cidniar moaphoear, khaq be ho gyn'ar kvoaa`tiøh.
外口風透，偝囡仔出門愛幔一領幔被仔，較袂予囡仔寒著。

🗣 Y tekkhag si khix kvoaa`tiøh, kin'afjit ciaq bøo laai.
伊的確是去寒著，今仔日才無來。

🗣 Khvoax lie kvoaa kaq kuisinkhw sihsihzuxn, mxtø kirn theh cidniar khaq kau ee svaf laai zheng, ciaq be khix kvoaa`tiøh.
看你寒甲規身軀爍爍顫，毋就緊提一領較厚的衫來穿，才袂去寒著。

🗣 kin'afjit nar e ciaq kvoaa`tiøh!
今仔日哪會遮寒著！

🗣 Kiøx lie kef thah cidniar svaf lie tø m, citmar khix kvoaa`tiøh`aq`hvoq!
叫你加疊一領衫你就毋，這馬去寒著矣乎！

🗣 Kvoaa`tiøh kahphoe hipkvoa, khaq kirn hør.
寒著蓋被翕汗，較緊好。

🗣 Laang korng, "Aesuie m kviaf laau phvixzuie. " Thvikhix ciahni lerng, y kaxngkhoarn zheng hiaq ciør, lorng m kviaf e kvoaa`tiøh.
人講：「愛媠毋驚流鼻水。」天氣遮爾冷，伊仝款穿遐少，攏毋驚會寒著。