🗣 lau

🗣 Abeeng go hoex`aq, kofng'oe iao korng be zhengzhør, zhuopvy khvoartiøh yn lauxpe ciaq hoanlør, tø korng, "Toaxkeq kef ban thii, afn`laq! "
阿明五歲矣，講話猶講袂清楚，厝邊看著 老爸遮煩惱，就講：「大格雞慢啼，安啦！」

🗣 Abeeng yn lauxpe zu siaolieen kaotvaf lorng afnnef beq ciah m thøfthaxn, Abeeng soaq tientøx cyn kutlat zøhsid, tharncvii iofngchi kuikekhawar, tø chviu laang sor korng`ee "phvae teg zhud hør surn".
阿明 老爸自少年到今攏按呢欲食毋討趁，阿明煞顛倒真骨力作穡，趁錢養飼規家口仔，就像人所講的「歹竹出好筍」。

🗣 Agi`ar koasviaf cyn hør, lauxsw kofle y khix zhamkaf koachviux pysaix, y lorng korng y ciog kviaf cviuxtaai chviuokoaf. Lauxsw korng, "'Kviakviaf be tiøqterng. 'Lie aix iofngkarm khia khykhix bwtaai, ciaq extaxng ho laang zaiviar lie ee koasviaf u goa hør. "
阿義仔歌聲真好，老師鼓勵伊去參加歌唱比賽，伊攏講伊足驚上台唱歌。老師講：「『驚驚袂著等。』你愛勇敢徛起去舞台，才會當予人知影你的歌聲有偌好。」

🗣 Ahog cirm`ar ee hauxsvef lorng zhoaxbor svekviar`aq, lauxafng koeasyn liawau, hauxsvef sinpu suilaang bøeeng suxgiap, kox gyn'ar, y soaq tiøh kaki cidee laang seng'oah, cincviax si "zap kviar zap sinpu, zhwn cidee lau koafhu".
阿福嬸仔的後生攏娶某生囝矣，老翁過身了後，後生新婦隨人無閒事業、顧囡仔，伊煞著家己一个人生活，真正是「十囝十新婦，賰一个老寡婦」。

🗣 Apeq`ar, cviaa kuo bøo khvoax`tiøh`aq, citmar iawkøq lauxkhongkien`neq!
阿伯仔，誠久無看著矣，這馬猶閣老康健呢！

🗣 ati'ar svejit ee sii zhar korng beq bea syn svaf, lauxpe ixn korng, "'Toaxlaang svejit ciah baq, gyn'ar svejit ciah phaq', lie beq phaq kuie e? " ati'ar zeksii tiam`khix.
阿弟仔生日的時吵講欲買新衫，老爸應講：「『大人生日食肉，囡仔生日食拍』，你欲拍幾下？」阿弟仔即時恬去。

🗣 Ateg, tagkef lorng ma zaiviar lie jiedsym køq aix zhut'hongthaau, lauxsw mng korng sviaflaang beq zøx pantviuo, lie mxtø kirn giaqchiuo, maix køq "iaukuie kea seaji "`aq`laq!
阿德，逐家攏嘛知影你熱心閣愛出風頭，老師問講啥人欲做班長，你毋就緊攑手，莫閣「枵鬼假細膩」矣啦！