🗣 laxng

🗣 Goar kiøx goarn kviar ka goar taux kortvax, y soaq larngkarng khix kaq laang toxngkiuu.
我叫阮囝共我鬥顧擔，伊煞閬港去佮人撞球。

🗣 Y ykefng larnggoeh bøo tngr`laai`aq.
伊已經閬月無轉來矣。

🗣 Y saychiaf khix ka laang loxng`tiøh, soaq zøx y larngkarng, høfkazaix boea`ar u kaq laang høkae, hoatkvoaf ciaq ho y kiarzoe.
伊駛車去共人挵著，煞做伊閬港，好佳哉尾仔有佮人和解，法官才予伊寄罪。

🗣 Y zu seahaxn tø taesinmia, "paktor zøx iøqtuu", ciah iøqar exsae korng si larngsii bøo larngjit.
伊自細漢就帶身命，「腹肚做藥櫥」，食藥仔會使講是閬時無閬日。

🗣 Larn khahtheng'ar larngphang laikhix ciah cidkoafar tiafmsym.
咱較停仔閬縫來去食一寡仔點心。

🗣 larngkafng
閬工

🗣 Lie na uxeeng, tø aix larngkafng khix ka y khvoax`cide.
你若有閒，就愛閬工去共伊看一下。