🗣 mxthafng

🗣 Abeeng khuitiaxm zørsenglie u tharntiøh cidtiafm'ar cvii, tø sviuxbeq ciøq cvii khuy liensøftiaxm, yn bor kirn ka toxng korng, lie mxthafng "ciah bøo svaf pea erngzhaix, tø beq cviu sethiefn".
阿明開店做生理有趁著一點仔錢，就想欲借錢開連鎖店， 某緊共擋講，你毋通「食無三把蕹菜，就欲上西天」。

🗣 Agi`ar cit'ee laang sviw koex kankhiao, mxthafng ho y jiblaai larn kongsy sioxngpafn, naxbøo, si e "chi niawchie, ka porte".
阿義仔這个人傷過奸巧，毋通予伊入來咱公司上班，若無，是會「飼鳥鼠，咬布袋」。

🗣 Apaq chiangzai ka siøfmoe korng "saotex saux piahkag, sefbin sea hvixkhafng", zøx khangkhoex mxthafng hamhoo, mxthafng iong zurn`ee tø ho koex.
阿爸常在共小妹講「掃地掃壁角，洗面洗耳空」，做工課毋通含糊，毋通用準的就予過。

🗣 atadar si cidee lawar, lie mxthafng ho y phiexn`khix.
阿達仔是一个佬仔，你毋通予伊騙去。

🗣 Armlo mxthafng kviaa.
暗路毋通行。

🗣 Baxnhang taixcix aix khvoax khaq khuy`leq, mxthafng sviw keakaux.
萬項代誌愛看較開咧，毋通傷計較。

🗣 Bafng'ar e thoanpox cidpve, mxthafng sviuxkorng ho barng texng`tiøh, kegkef si ciog cviu niaxnia.
蠓仔會傳播疾病，毋通想講予蠓叮著，極加是足癢爾爾。