🗣 naxbøo

🗣 Agi`ar cit'ee laang sviw koex kankhiao, mxthafng ho y jiblaai larn kongsy sioxngpafn, naxbøo, si e "chi niawchie, ka porte".
阿義仔這个人傷過奸巧，毋通予伊入來咱公司上班，若無，是會「飼鳥鼠，咬布袋」。

🗣 "Gii laang, m cviaa zhat", na bøo zerngkix thafng zøx kanzexng, tø bextaxng opeh loa`laang.
「疑人，毋成賊」，若無證據通做干證，就袂當烏白賴人。

🗣 gyn'aflaang na bøo koay tiøqaix phaq khazhngphoea.
囡仔人若無乖著愛拍尻川䫌。

🗣 Gyn'ar zu seahaxn tiøqaix høfhøfar ka karsi, naxbøo "seahaxn thaw barn puu, toaxhaxn thaw khafn guu", thernghau y toaxhaxn hoan giamtiong ee zhørgo ciaq beq laai kax, tø ykefng bexhux`aq.
囡仔自細漢著愛好好仔共教示，若無「細漢偷挽匏，大漢偷牽牛」，聽候伊大漢犯嚴重的錯誤才欲來教，就已經袂赴矣。

🗣 Goar na bøo thezhvea, lie kuo`laai tø e bexkix`tid`aq.
我若無提醒，你久來就會袂記得矣。

🗣 Goar na bøo thiahphoax ho lie thviaf, lie tø m bad.
我若無拆破予你聽，你就毋捌。

🗣 høfkazaix u lie thex goar kiuzeeng, naxbøo, goar tø zharm`aq.
好佳哉有你替我求情，若無，我就慘矣。