🗣 phoarpve

🗣 Aefng`ar uxkaux phvayun, kiernna khiam koar cvii, laang tø phoarpve.
阿英仔有夠歹運，見若儉寡錢，人就破病。

🗣 Gyn'ar na phoarpve, zøx lauxbuo ee laang zofngsi e zøsym.
囡仔若破病，做老母的人總是會慒心。

🗣 Y høfgiah si høfgiah, cidjidkaoaxm lorng phoarpve tør ti binzhngterng, køq be kviaa be soar, bogkoaix zhuopvy e korng, "Høfgiah mxtadtiøh e ciah, høfmia mxtadtiøh iofngkvia. "
伊好額是好額，一日到暗攏破病倒佇眠床頂，閣袂行袂徙，莫怪厝邊會講：「好額毋值著會食，好命毋值著勇健。」

🗣 Y khvoax tiøh oaqthiaothiaux, cidtiafm'ar tø bøo seeng phoarpve ee laang.
伊看著活跳跳，一點仔都無成破病的人。

🗣 Y laang phoarpve toarvi, kuiee bin'ar peqsysad, lorng bøo hoehkhix.
伊人破病蹛院，規个面仔白死殺，攏無血氣。

🗣 Y phoarpve tør ti binzhngterng jiabthorng tafng`aq, chymkhaisie hauxsvef iao cyn cixnsym khvoarkox, putjikøx sioggie korng, "Kwtngg pve, bøo haozuo. " Citkuie tafng yn hauxsvef ho y ee iiøqhuix teq kaq be zhoafnkhuix, tø bøo thafng hiaq jixncyn ka ciaokox`aq.
伊破病倒佇眠床頂廿捅冬矣，寢開始後生猶真盡心看顧，不而過俗語講：「久長病，無孝子。」這幾冬 後生予伊的醫藥費硩甲袂喘氣，就無通遐認真共照顧矣。

🗣 Y ciaqthaulo nigoa, kongsy tø tør`khix, lauxpe køq phoarpve toarvi, bixntuix ciahni ze piernkox, cyhør an'uix kaki "zøx guu tiøh thoaf, zøx laang tiøh boaa", ciapsiu khøfgiam, jinsefng e u lexnggoa cidciorng koanto.
伊食頭路年外，公司就倒去，老爸閣破病蹛院，面對遮爾濟變故，只好安慰家己「做牛著拖，做人著磨」，接受考驗，人生會有另外一種懸度。