🗣 pintvoa

🗣 Aix ciah thng'ar køq pintvoa sefzhuix, bogkoaix zhuiekhie ciux kuyna khafng.
愛食糖仔閣貧惰洗喙，莫怪喙齒蛀幾若空。

🗣 Hit'ee pintvoaxkud, jidthaau phak khazhngf`aq køq m khie`laai.
彼个貧惰骨，日頭曝尻川矣閣毋起來。

🗣 Lauxpe lauxbuo lorng koeasyn`khix ee Abok, si cidee beq ciah m thøfthaxn ee pintvoaxkud, kiexn sviu`ee ciaau si hitkhoarn "bøo bie u zengkhu, bøo kviar phø sinpu " ee thørthaau, kaotvaf ma si zab'itkøf`ar kngkhudkhut, auxkoex ciaqlau m zay beq khøx sviaflaang`leq?
老爸老母攏過身去的阿木，是一个欲食毋討趁的貧惰骨，見想的齊是彼款「無米有舂臼，無囝抱新婦」的套頭，到今嘛是十一哥仔光𣮈𣮈，後過食老毋知欲靠啥人咧？

🗣 Lie bøo thviaf laang korng "kutlat ciaqlat, pintvoa thwn noa "`niq? Na kherng zøx tø m kviaf bøo thafng ciah, siong kviaf`ee si beq ciah m thøfthaxn, khøfleeng tø aix khvoax laang ciaqzheng`aq.
你無聽人講「骨力食栗，貧惰吞瀾」呢？若肯做就毋驚無通食，上驚的是欲食毋討趁，可能就愛看人食穿矣。

🗣 Lie mxthafng hiaq pintvoaxkud.
你毋通遐貧惰骨。

🗣 Zørlaang na pintvoa, cidsielaang be khvuieoah.
做人若貧惰，一世人袂快活。