🗣 putsii

🗣 Abeeng`ar toax ti haghau huokin, tviaxtvia tøf khuxn kaux beq sioxngkhøx`aq ciaq beq khie`laai. Kietkør laang toax khaq hng`ee lorng kaux haghau`aq. Y soaq putsii lorng khaq voax kaux. Bogkoaix laang teq korng "kin svoaf zhøx bøo zhaa, kin khef tvaf bøo zuie. "
阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

🗣 Apeq khiaxmtngnehto ka y hittin kviar liap toaxhaxn. Tvaf sui'ear ma lorng cviaa zaizeeng. Mxkøq soaq bøo kaq pvoax ee beq ka y iwhaux. Ho y putsii tøf teq oarnthaxn korng, "Hør kviar mxbiern ze, ze kviar gøxsie pe. "Zar na zay, tongzhesii tø maix khay hiahniq ze cvii laai zaipoee`yn.
阿伯儉腸凹肚共伊彼陣囝捏大漢，今隨个仔嘛攏誠才情，毋過煞無甲半个欲共伊有孝，予伊不時都咧怨嘆講：「好囝毋免濟，濟囝餓死爸。」早若知，當初時就莫開遐爾濟錢來栽培𪜶。

🗣 Asafm`ar cviaa zhaoiang, putsii korng kaki goa gaau tuo goa gaau.
阿三仔誠臭煬，不時講家己偌𠢕拄偌𠢕。

🗣 Bykog ee tiongsepo putsii u kafleafhofng ee guihai, zøxseeng sveamia, zaisarn cyn toa ee swnsid.
美國的中西部不時有絞螺仔風的危害，造成性命、財產真大的損失。

🗣 Giernthaau! Lie zef høxzøx "exhiao thaw ciah, bexhiao chitzhuix". Putsii theh hittviw thaw thiaq ee too zhutlaai khvoax. Citmar tagkef lorng zaiviar hitpurn zheq si lie thiaq`phoax`ee`aq.
癮頭！你這號做「會曉偷食，袂曉拭喙」，不時提彼張偷拆的圖出來看，這馬逐家攏知影彼本冊是你拆破的矣。

🗣 Goar ee pangkefng putsii lorng cyn zhengkhix.
我的房間不時攏真清氣。

🗣 Goarn kuikehoefar putsii thaxn hiøhkhurnjit khix haypvi'ar khiøq purnsøx, zøx khoanpør ciekafng.
阮規家伙仔不時趁歇睏日去海邊仔抾糞埽，做環保志工。

🗣 Goarn kuikehoefar putsii tø laai ka lie zakzø. Sidzai cyn phvaysex.
阮規家伙仔不時都來共你齪嘈，實在真歹勢。

🗣 Goarn ciaf svoakhaf cidkefng biø. Putsii u laang tuix ciog hng ee sofzai laai teq paix, tientør goarn ciaf ee laang lorng m bad khix ka paix. Zef tø si laang korng`ee "kin biø khy siin".
阮遮山跤一間廟，不時有人對足遠的所在來咧拜，顛倒阮遮的人攏毋捌去共拜，這就是人講的「近廟欺神」。

🗣 Hit'ee laang ee simkvoaf cyn bae. Putsii tø sviu beq hai`laang.
彼个人的心肝真䆀，不時都想欲害人。